Genesis 19:15 - Ohiatonhseratokénti

¹⁵ Nohrhonʼké꞉ne shontawèn꞉teʼne, ne tehnironhiaʼkehró꞉non wahonwatoktáhkwen ne Lot tahohsteríhen, iatónnions, “Sátkétsko, iaʼsheiaʼténhahf ne tesení꞉teron tánon ne tekeniiáhse saiaʼtaseʼtsheraʼshón꞉ʼa né kén꞉ʼen íkeneʼs, né꞉ne tóhsa ahsatiaʼtátsha nó꞉nen ne kanatowanèn꞉ke enkonwarihwáhtonʼte.”

Genesis 19:15 ပူးပေါင်းရင်းမြစ်များ

Genesis 19:14

Eʼthó꞉ne ne Lot iahaiá꞉kenʼne nahshakohró꞉ri ne shakawehnhonseʼó꞉konʼs watónhsere tsi né enhotíniake ne raoiaʼtaseʼtsheraʼshón꞉ʼa, “Tesewá꞉taʼn, sewaiá꞉kenʼn né kenh nón꞉we niwatená꞉taien; aseʼkénh ó꞉nen thó꞉ha ne Roiá꞉ner aháhtonʼte ne kanatowá꞉nen.” Ók né shakahwehnhonseʼó꞉konʼs wahón꞉nehre nenʼnéʼeh thihshakoié꞉ron ónhteʼwáhi.

Genesis 19:16

Ók né Lot wahatiatakenhé꞉iaʼte; ók ne tehnironhiaʼkehró꞉non tahonwaié꞉na ráonha tánon ne ró꞉ne, tánon ne tekeniiáhse raoiaʼtaseʼtsheraʼshón꞉ʼa tahonwatinéntsha, ne Roiá꞉ner kwáh í꞉ken tsi rotanitenrahtsherowá꞉nen tsi nonkwá ne ráonha, tahonwaiatʼínekenhwe tánon thóh wahonwènʼteron nátste naʼkanàtati ne kanatowanén꞉ke.

Genesis 19:17

Tánon nó꞉nen shontahonwatiiaʼtínekenhweʼ, shaiá꞉ta wahén꞉ron, “Sewaté꞉ko! Sewanónhstat tsi tsónhnhe; tóhsa ne ohná꞉ken iaonsesewatkáhtho khéhs ne kakʼnón꞉we nataesewá꞉taʼne naonhráhkwakon; tsi tionontahrónnions niaʼsewatákhe, tóka iáh tésewehre aesewatiaʼtátsha.”

Genesis 19:22

Ók tesasteríhen! Satèko! Iáh thaón꞉ton ne ohthé꞉nen nátiere tsi niió꞉re iénhsewe neh nónwe.” Tiorí꞉wa ne Lot tsi kenʼk nikanà꞉ta ronaʼtónhkwen, neʼthó kaná꞉taien ne konwanaʼtónhkwa Zoar.

Psalms 94:23

Kwáh kíʼ rahónha ensakoréwaʼte né tsi nihotirihwaʼnerahákskon tánon ensakótonhte tsi nihotirihwaʼnerahákskon; né Roiá꞉ner onhkwaNí꞉io kwáh kíʼ ensakótonʼte.

2 Corinthians 6:2

Kahiatonhseratokénhti wathró꞉ris tsi Rawenni꞉io rá꞉ton: “Ó꞉nen iaʼkáhewe waʼkoniatahónhsatate tánon tsi ó꞉nen waʼtisatonhontsóhse aiesaiaʼtakéhnha, tá꞉ke tánon waʼkonniakénhte.” Ó꞉nen iaʼkáhewe ón꞉wa wenhniserá꞉te ne akonniakénhte.

Revelation 18:4

Eʼthó꞉ne ó꞉ia sakewenhná꞉ronhke thóh nontá꞉we karonhiá꞉ke watón꞉nions, “Tasewaiá꞉ken nahonhá꞉ke, akonkweʼtashón꞉as ne káti ne tó꞉sa ní꞉se ahisewatiá꞉taren naoriwanerahatsherá꞉kons, tánon káti né꞉tho ní꞉se tó꞉sa ahisewaienʼtá꞉rane thóh aokraó꞉kons;