Genesis 19:14 - Ohiatonhseratokénti

¹⁴ Eʼthó꞉ne ne Lot iahaiá꞉kenʼne nahshakohró꞉ri ne shakawehnhonseʼó꞉konʼs watónhsere tsi né enhotíniake ne raoiaʼtaseʼtsheraʼshón꞉ʼa, “Tesewá꞉taʼn, sewaiá꞉kenʼn né kenh nón꞉we niwatená꞉taien; aseʼkénh ó꞉nen thó꞉ha ne Roiá꞉ner aháhtonʼte ne kanatowá꞉nen.” Ók né shakahwehnhonseʼó꞉konʼs wahón꞉nehre nenʼnéʼeh thihshakoié꞉ron ónhteʼwáhi.

Genesis 19:14 ပူးပေါင်းရင်းမြစ်များ

Genesis 19:15

Nohrhonʼké꞉ne shontawèn꞉teʼne, ne tehnironhiaʼkehró꞉non wahonwatoktáhkwen ne Lot tahohsteríhen, iatónnions, “Sátkétsko, iaʼsheiaʼténhahf ne tesení꞉teron tánon ne tekeniiáhse saiaʼtaseʼtsheraʼshón꞉ʼa né kén꞉ʼen íkeneʼs, né꞉ne tóhsa ahsatiaʼtátsha nó꞉nen ne kanatowanèn꞉ke enkonwarihwáhtonʼte.”

Genesis 19:17

Tánon nó꞉nen shontahonwatiiaʼtínekenhweʼ, shaiá꞉ta wahén꞉ron, “Sewaté꞉ko! Sewanónhstat tsi tsónhnhe; tóhsa ne ohná꞉ken iaonsesewatkáhtho khéhs ne kakʼnón꞉we nataesewá꞉taʼne naonhráhkwakon; tsi tionontahrónnions niaʼsewatákhe, tóka iáh tésewehre aesewatiaʼtátsha.”

Genesis 19:22

Ók tesasteríhen! Satèko! Iáh thaón꞉ton ne ohthé꞉nen nátiere tsi niió꞉re iénhsewe neh nónwe.” Tiorí꞉wa ne Lot tsi kenʼk nikanà꞉ta ronaʼtónhkwen, neʼthó kaná꞉taien ne konwanaʼtónhkwa Zoar.

2 Chronicles 30:10

Né ratirihwakariéniens kwáh tsi niaʼtekanátakes nonhtahónh꞉nete ne tsi kanakerasehráien ne tsi ratitiókwahien ne Ephraim tánon ne Manasseh, tánon thóh nió꞉re nothoré꞉kes ne tsi ratiʼtiókwahiens ne Zebulun, ók nonhkweshón꞉as wahonwatiʼstériste tánon tahonwatiʼiéron.

2 Chronicles 36:16

Ók kaierónhsera waʼhonwenhnónhni ne Rawenni꞉io raonhkweʼtaʼshón꞉a ne ratirihwakarénies, ronatharón꞉tion ne raowenhnahókon tánon sakotisterís꞉tha ne raonhkweʼtaʼshón꞉a rotitokenséhakwe, tsi nió꞉re nonàken ne Roiá꞉ner iáh tieshokwénion ne ahonsahothatiénenhke washakonákwahse ne raonhkweʼtaʼshón꞉a thóh nió꞉re tsi tehiotenonhnianíton iáh kanèka tsiahónhne nahatiniákenʼne.

Exodus 12:31

Kwáh né sahoʼkharátshera ne ronhnonhtí꞉io iaʼsakónonhke ne Mahís ó꞉ni ne Aaron tanon wahénron, “Sehniʼhiáken, í꞉se ó꞉ni ne tionkwetaʼshón꞉ʼa lsraeró꞉nons! Éren í꞉sehwet naʼkenakerahse꞉rákon; wáhs tsi sewahsénhnaien ne Roiá꞉ner, tsi niʼsehwariʼwanóntons.

Exodus 9:21

Ótsiakes, kíʼ ó꞉ni, iáh othènnen kariwahtehonónhni tsi nasahkoronhkáten ne Roiá꞉ner tánon áhste thasakonahkaʼwe ne rahotinhatsherashónhas ó꞉ni ne rahotiʼtsenenhókonhs.

Proverbs 29:1

Tókaʼ sénha enhsatenontsistahní꞉rate tsi ní꞉kon ónhka aiesarihwakwaríhshion, éntewe nenhnísera akwáh tokén꞉ʼen ensateraʼswáksenʼne tánon iáh nonwén꞉ton thaonsahsatonhnhakwatá꞉ko.

Isaiah 28:22

Nón꞉wa nètho ní꞉ioht tó꞉sa sehrihwákwas, khèhs tsi ihsnéren kwáh sénha enkahnirátonhke; asèken onkatòntene ne kaianerénhsera ne kahkaronniátshera thóh niteʼwé꞉tha ne raonhá꞉ke ne Roiá꞉ner SakoNí꞉io ne ronterí꞉ios ratiʼronhiakeró꞉nons thóh nonhontsakwékon í꞉ken.

Jeremiah 20:7

Saiá꞉ner, waskenikonhráhten, tánon ónhkaʼtenikonhráhten. Íseh seshástsʼte tsi ní꞉ioht ní꞉i, tánon waskeshastsʼtenserahkénni. Onhkwetaʼkwékon thihiontiéron; konhtatiéson ionhsterístha.

Jeremiah 43:1

Iatkóhten kherorhiánionsʼkwe nonhkweshón꞉a kwáh oriwahkwékon tsi nihakró꞉ri ne Roiá꞉ner ronwahʼNí꞉io tsi nieʼhakahténieton nahkheró꞉ri.

Jeremiah 43:2

Ethòne Azariah ne roʼníha ne ne Hoshaiah tánon ne Johanan ne ne roʼníha ne Kareah tánon ne ronáhtsiake ne rontatʼkowáhnens ronnónhkwe wahonkwénhaʼse, “Shaʼnhowenhtánions. Ne Roiá꞉ner onhkwahNí꞉io iáh tetʼthiató꞉rion naskwahró꞉ri ne tó꞉sa Egypt nónhwe iahonshaʼhiakwahthatí꞉teron.

Jeremiah 51:6

Sehwatèko ne Babylonia nónhwe! Sehwahthaʼtenónhstat! Tó꞉sa sewahiéna tsi wahterísthaʼien ne ahorewahtátshera! Roiá꞉ner seh ónenh rahówenk ne kawistáheks ne ahonshaʼhakárhiaʼke; kwáh enkanahnónhake tsi enshaʼkáhrhiaʼse.

Ezekiel 20:49

Ethòne wakíron, “Ah Saiá꞉ner Ní꞉io hiontthaʼráhkwen, Iáh kén rahónʼa terónhnis ne tekariwahkenthónkwen?”

Numbers 16:21

“Onàken ísehnet tsi rónhnes kí꞉ken onhkweshón꞉ʼas ónenk enkehiáʼtonhte.”

Numbers 16:26

Washaʼkawénhase nonhkweshón꞉ʼas, “Ahéren ísewet ne tsi ronatatóhsehrohte kí꞉ken roʼtirihwáneren tánon tó꞉sa othènen iáh sewaiéna ne rahonáwenk akénhake. Tó꞉ka iáh, kwáh kíʼ skát꞉ke tsi ienietshiʼiaténhaʼwe ne rahotirihwaneraháktsheras.”

Numbers 16:45

“Èhren íset tsi rónhnes kí꞉ken onhkweshón꞉ʼas, tánon kwáh tsi nónhwe nihónhnete tsi enkhehiáthonʼte!” Ne tenihiáse waʼkhiatshákete ohontsáke tenikánere,

Matthew 1:18

Kenh niiaȣenhon tsi ronakeraton ne Iesos-Keristos: Onȣari ne ronistenha, Sose ronȣatiniaktenhni; ok taontierentsi onen oia niionnhoten, areko ok ohseronni siniteron eh nithoteȣeiennonni ne Rotkon-Roiatato Kenti.

Matthew 9:24

Ȣasakaȣenhase: saseniiakonn: Katiken iaȣenheion nese ok ne iotas. Nok ok taonȣaieron.

Luke 24:11

Eh nehne nahaȣenne tsi ronathonte skonttrori ne tsionathonȣisen tsiniiot nahakotestshen: nese ȣaonni iah othenon tethonetakon.

Luke 9:42

Akȣa neok iahatenti, ok naha notkon ȣahoiena neh oni ihken ne iatiotiete; nok tanon ne Iesos ȣahatteten notkon, nok sahotsiente sahoȣiron oni ne roniha.

Acts 17:32

Sahonatʼthóntene ne Kór rotharákwen tsi tentsiontʼkétsko ne kenheiát꞉ne, ótsiake tahonwaiéron, nók ótsiake wahéron, “Séhkon tehionkwatonwentióni neh ahonsasthárakwe.”

1 Thessalonians 5:3

Nónen nónkwe enhiaiéron, “Oriwahkwékon sakʼtíken ó꞉ni skénʼnonk tíken,” káti tontaiawénstsi kariwaiesátshera enhotiʼiénte! Kwáh thóh ní꞉ioht tsi énwahwe tsi ní꞉ioht nónen tehiowehétstha ne iónkwe nónen iowirahientásere, tánon iáh tahonsaieniáken꞉ne nonkwesónha.