Genesis 19:1 - Ohiatonhseratokénti

¹ Tehniiáhse tehnironhiaʼkehró꞉non wá꞉newe Sodomke né siioʼkarahsné꞉ha; tánon ne Lot tsi iontkehrontákhwa ne kanatowanèn꞉ke ne Sodom nón꞉we nihentskwáhere ne nó꞉nen ne Lot shashakó꞉ken, waʼthá꞉taʼne ne tahontátken, tánon ohontsà꞉ke iaʼthatshá꞉kete,

Genesis 19:1 ပူးပေါင်းရင်းမြစ်များ

Genesis 11:27

Né kí꞉ken ne Terah tsi niehothwatsirí꞉non, ráonha iesehshakoioʼokón꞉ʼas ne Abram, ó꞉ni ne Nahor, tánon ne Haran. Ne Haran né꞉ne ieshoién꞉ʼa ne Lot,

Genesis 13:12

Ne Abram aotonhwentsà꞉ke ne Canaan thóh nón꞉we nahatená꞉taien, nok ne Lot ákta ne tsi kanatowá꞉nens ne aʼonhráhkwákon nónwe iaʼthanatáhkwaʼte ne raoʼtóhsera, kwáh tsi niió꞉re ne Sodom.

Genesis 18:16

Eʼthó꞉ne ne ronnón꞉kwe thóh ionsahonhtén꞉ti, tánon Sodom niahón꞉ne; tánon Abraham wahontenró꞉shen nahshakonaʼtón꞉hahse tsi nieiothahí꞉non.

Genesis 18:22

Ká꞉ti ne ronnón꞉kwe thok sahónhkete, tánon Sodom nón꞉we iaʼthonnóiaʼke, ók ne Abraham shé꞉kon kíʼ nenʼné꞉éh Roiá꞉ner raohén꞉ton í꞉rate.

Genesis 19:10

Ók né tehniiáhse ne kanónhskon thiní꞉teron tahianentshiakeʼtó꞉ten tontahonwaiaʼtatihéntho ne Lot ionsahonwaiaʼtínionʼte, tánon tontahnihnhó꞉ton.

Genesis 19:2

tánon wahén꞉ron, “Tesenènhshion, kén꞉en í꞉keʼs ne takenirihwáhshnieʼse. Aetsathontátsheke tsi tewakenónsote nontásene. Enwá꞉ton naetsarahsiʼtóhare ó꞉ni tsanòn꞉weʼt. Ohrhonʼkéhstsi tsatkétsko tánon tonsatsatháhak.” Ók waʼthnirihwaʼserá꞉ko, “Iáh ohthé꞉nen teiotié꞉ren tsi kanáthen eniatiahsontí꞉iake.”

Genesis 23:12

Eʼthó꞉ne NʼAbraham raotihén꞉ton né ronnonhontsakweʼní꞉io waʼthatshá꞉kek.

Genesis 48:12

Eʼthó꞉ne ne Só꞉se sahshakotskwahrá꞉ko ne roʼníha rakwitshà꞉ke, tánon ne ráonha waʼthatshá꞉kete ohontsà꞉ke iaʼtehaká꞉nere.

Job Tánon ne Raoronhiakensera 29:7

Nó꞉nen ientiá꞉kenhne ne tsi iothenhenrakarón꞉tons ne kanatowanénhke; nó꞉nen ienkátien nakanitskwá꞉raʼne ne kanatakwehní꞉ioke;

Job Tánon ne Raoronhiakensera 31:32

ne tehonstikáfsas iáh thóh tehonhnónwets ne tsi tekanatokénhseron; tekhenonhontiénse ne tsi wakatenonká꞉ronhte ne tehonstikáfsas—

Psalms 69:12

Í꞉ih tiókonte otsahonskwáhkon iontʼtharákwen tsi nihiákon ne tsi iothenhenrakáronhte ne kanatowanénhke iétskote, tánon ne ratinekakás꞉tha né ronhterenhnonniátha ne tsi kónhnhe.

Luke 17:28

Eh oni niiaȣenhon sihotenniseratenion ne Lot: teiakostskaonkȣe, ienekirhakȣe, iehninonskȣe, iontenninonskȣe, ieienthoskȣe, nok iontenonsonnianionskȣe.

Hebrews 13:2

Sewehiárak naʼietʼtsihónkaron ne kenkʼthitiakawé꞉non ne sonwanonskónsons. Thóh kára niháti ne thóh nihotiʼiéren tánon kwáh iáh thènen tehonateriéntaraʼkwe tsi ratironhiakerónons wahonwahtihónkaron.

Ruth 4:1

Boaz eh tho niahá꞉re tsi rontkennisaʼahtáhkhwa eh tho iahátien. Ne káti kí꞉ken rón꞉kwe Boaz ohén꞉ton thoná꞉ton kwáh sénha ákta iatatenónhkwe ne Elimelech, eh tho wahoké꞉tohte Boaz, tahó꞉nonke, “Kén꞉ nontá꞉se, ontiatén꞉ro, tánon sátien.” Tho kí niahá꞉re tánon wahátien.