Genesis 18:6 - Ohiatonhseratokénti

⁶ Abraham iaʼtonsahatskén꞉ni raoʼtohserá꞉kon nionsá꞉re tánon wahrènhahse ne Sarah, “Seweienén꞉taʼn iostoreʼkéha áhsen natétsehst né kwáh katheʼserí꞉io, tesesheʼrhakwènhtehst tánon sateraʼwistonniánion.”

Genesis 18:6 ပူးပေါင်းရင်းမြစ်များ

Genesis 18:5

Toh ostón꞉ha tkekhwénhahf, ne naonsesewaʼsháststenʼne, eʼthó꞉ne enwá꞉ton ensewatóhetsteʼ—ne tsi wahskwakwénienhste tsi tésewe tsi wakenónhsote, kwáh kiʼ tenkwahrihwás꞉niese.” Waʼthatirihwaʼserá꞉ko, “Niawenhkó꞉wa eniakwahié꞉na.”

Genesis 18:7

Tánon né Abraham iaʼtharáhtate tsi tkón꞉nes ne tiohnhónskwaron, tánon tiohnhónskwaron owí꞉ra tahaiaʼténhawe ne tsi ioʼwahraʼnhétska né kenʼ nitioión꞉ha tánon kaʼwahrí꞉io, tánon raʼnhá꞉tshera tahá꞉wen, né ráonha tshiaʼthohstérí꞉hen wahakwatá꞉ko.

Genesis 19:3

Ó꞉nen kwáh í꞉ken tsi wahshakoteʼnekarónhkwen; kharé kʼiʼ ó꞉nen sahontenró꞉shen tsi thonónhsote nionsahón꞉ne. Ne Lot wahshakóhnhaʼne ne raohnhaʼtseraʼshón꞉a ne kwáh tkakhwí꞉io ahatikhón꞉ni ne ronwataweiaʼtén꞉ni tahontská꞉hon, tánon nó꞉nen sikaweienentá꞉ʼon waʼthontská꞉hon.

2 Samuel 13:6

Káti ne Ammon wahatsiatiónhnite, tánon wahatenonwák꞉tate; tánon nó꞉nenh ne ronnontí꞉io wáhrawe tsi rotkénhsere, ne Amnon wahawénhase ne ronnontí꞉io, “Asatʼthónhtate sheʼríhon ne iatsiatenosénha Tamar nahontá꞉ien tánon tòhka nikaʼkarehtseráke ahiontenatarónhten akénhton, káti ne nahónton thóh iontshanáke tsi iehkaretserénhawe ákehke.”

Psalms 119:60

Kwáh iáh tewakatenhniskwáhton tsi natewasteríhen nakatewénhnarahkwe ne satsiawenhráhseras.

Isaiah 32:8

Ók tsi nikáien ne tsionkwetaʼiéri tsi ronhtenikonrónhnis tkariwaiéri kí í꞉ken, tánon né꞉ne tkariwaiéri í꞉ken ratísehre.

Matthew 13:33

Sekon are ohia tonsasakoriȣakentonkȣen, ȣahenron: neh teskiatieren ne Niio raonakerasera, tsiniiot ne iosherhatken: tsiothonȣisen asen natkaieste nʼothesera tanon ne Iosherhatken tsiniiore akȣa ienȣattenko.

Acts 16:15

Tánon nakaónha ó꞉ni ne skátke konthiteróntakwe nakonnónskon sakontenekwáheste, wahonkhihónkaron, “Kásewe tsi tewakenónsohte sewatáwehiat tóhka wesewátʼthoke kwáh seh oriwiʼioʼónwe tsi thiʼietákwen ne Roia꞉ner.” Tánon kíʼ wahtionkhinikonrakénni neh iahiákwe tsi tsakononhshote.

Romans 12:13

Ietʼtsíhion ne satesewariwiʼiósthons tsi natehonathonwentió꞉ni, tánon ietsinakthótas ne tehontawénries ne sewanonskónshons.

Galatians 5:13

Nók níse, tewatenrosónhas, ieietʼtsiʼnónkon nahonsehsewatatewenní꞉ioʼke. Nók tóhsa sewaríʼon kí꞉ken ahtatewenniʼiótsera nahontesewaniarótaroke ó꞉ni tsi nahontonskanékseke ne sewaiéronke. Kék, sewaríhon ne kanoronkwátsera nahonteriwathentsate tsi natesewátere.

Hebrews 13:2

Sewehiárak naʼietʼtsihónkaron ne kenkʼthitiakawé꞉non ne sonwanonskónsons. Thóh kára niháti ne thóh nihotiʼiéren tánon kwáh iáh thènen tehonateriéntaraʼkwe tsi ratironhiakerónons wahonwahtihónkaron.

1 Tiér 4:9

Tesewatatenonhóntsiens ne tsi sewanonshótons tóhsa thènen sewariwakátat.

Judges 6:19

Káti ne Gideon kanónskon nionsáre tánon kaiatákeras owíra wahoteskónhten tánon skawinó꞉tsera othésehra wárasthe tsi wahatenatharónnhi iáh thatehoiéston ne waʼthenkwáhtha. Athé꞉rakon tahátha nowàron tánon ne iontenonhtaronhniátha káksakon nènhne wahátha, tánon iahohawíthase ne Roiá꞉ner rahoronhiakeró꞉non ne karonhthó꞉kon thénskote, tánon tahá꞉wen.

1 Samuel 28:24

Nón꞉wa ne iónkwe ionaskwaiéntakwe ne iorehsénston tionnónskwaron owí꞉ra naohnónskon. Watsiosteríhen wahowènhtho, tánon iahatéwakwe othé꞉sera, watkasehrakwénhteste, tánon ontenatahrón꞉ten ne iáh tewatʼthenkwáhton kanátahro.