Genesis 18:3 - Ohiatonhseratokénti

³ tánon wahén꞉ron, “Atiá꞉ner, tóka ne takanonhtonhnión꞉se ne thé꞉nen akeriʼwáhstahtonke ne sahén꞉ton, tóhsa satohétstahk tsi nón ní꞉reʼs ne sahnhá꞉tshera.

Genesis 18:3 ပူးပေါင်းရင်းမြစ်များ

Genesis 18:2

wahatarakhétsko tánon áhsen nihá꞉ti ronnón꞉kwe wahshakó꞉ken raohén꞉ton thón꞉nete. Nó꞉nen shahshákó꞉ken, iahaiakénhstahkwe né tsi ieiontaweiaʼtáhkhwah naʼtóhsera niaʼtahshakóterahte, tánon ohontsà꞉ke iaʼthatshá꞉kete,

Genesis 18:4

Toh tethnekènhahf nahsarahsiʼtóhareʼte, tánon oʼnenhró꞉kon sewatoríshen.

Genesis 24:31

Wahén꞉ron, “Káts tsítene. Í꞉se ne són꞉kwe ne Roiá꞉ner iaiaʼtateríston. Nontié꞉ren tsi kén꞉ʼen íhsete? Ó꞉nen wakeweiennentá꞉ʼon ne kanàkta ní꞉se sarihwá꞉ke ne tsi tewakenónhsote, tánon ó꞉ni iotináktaien ne iotiniaʼkwáhere.”

Genesis 32:5

tánon tehotinaʼkares wakenáhskwaien, tewahónhtes, teiotinaʼkarontón꞉ʼa, kaiaʼtákeras, tánon wakehnhaʼtsherá꞉ienʼs ne ronnón꞉kwe tánon ne konnón꞉kwe; tánon iaʼkheiaténniehte ne ratirihwakarénieʼs nahonwahró꞉ri ne riioʼtenhse, né naón꞉ton nahatatenaktóthahse taiatiatátken.’”

Genesis 39:4

Ne Potiphar kwáh í꞉ken tsi wahaonkweʼtanón꞉weʼne ne Só꞉se tánon kwáh ne wahaón꞉ni ne raonhá꞉ʼak khók ahoióʼtenhse; kwáhkíʼ ráonha wahorihón꞉ten ahatenʼnikón꞉raren tsi ronónhsote tánon kwáh tsi nahoʼtén꞉shonʼs né raowenhshón꞉ʼahs.

Judges 6:18

Ahʼsatʼthonthátseke tó꞉sa éhren sáset niáreʼkwe akonhnónhte.” Wahénron, “Kénʼen enkésehke tsi nióre thentése.”

Judges 6:19

Káti ne Gideon kanónskon nionsáre tánon kaiatákeras owíra wahoteskónhten tánon skawinó꞉tsera othésehra wárasthe tsi wahatenatharónnhi iáh thatehoiéston ne waʼthenkwáhtha. Athé꞉rakon tahátha nowàron tánon ne iontenonhtaronhniátha káksakon nènhne wahátha, tánon iahohawíthase ne Roiá꞉ner rahoronhiakeró꞉non ne karonhthó꞉kon thénskote, tánon tahá꞉wen.

Judges 6:20

Né raronhiakeró꞉non wahoró꞉ri, “Nowáron tánon ne kanátaro kénʼen ostenhráke ísren, tánon ne ionhtenonhtharonhniathákwah é꞉neken tasháweron.” Ne Gideon thóh kíʼ nahá꞉iere.