Genesis 18:25 - Ohiatonhseratokénti

²⁵ Oriwiioʼón꞉we tsi iáh thahsheiáhtonʼte ne iáh teiakohnhí꞉kon skátne ne rotihnhí꞉kon, tshieiorí꞉wakon nenʼné꞉eh! Iáh thahskwé꞉ni neh náhshiere. Tókaʼ thóh nénhshiere, ne iáh tehotihnhí꞉kon skátne enhontré꞉wahte ne rotihnhí꞉kon tsheiorí꞉wakon nenʼ né꞉eʼh. Ne Shakorihwènhtha nohontsakwé꞉kon ó꞉nenk tsi thóh nenhá꞉iere tsi nitkarihwaié꞉riʼs.”

Genesis 18:25 ပူးပေါင်းရင်းမြစ်များ

Genesis 18:24

Tóka nón꞉wa sí꞉ken wísk niwáhsen niionkwé꞉take tionkweʼtaié꞉riʼs ienákere ne kanatowanèn꞉ke; kwáh ká꞉ti kenh enhsherihwáhtonʼte neʼthó kanatowá꞉nen; tánon iáh thahshenónhstate ne wísk niwáhsen niionkwé꞉take tionkweʼtaié꞉riʼs neʼthó ratinákere?

1 Chronicles 16:33

Né tsi kerihtóns ne karáhkons konthorianerónhko rahohénton ne Roiá꞉ner ne tahonwanonweráton! Asèken tá꞉re ne tahaiatóreʼte tsi ionwenhtsáte.

2 Chronicles 19:7

Tsi sheʼwakwé꞉niensts ne Roiá꞉ner tánon sewathatenhnikonhrá꞉ren, tsioríhwa ne Roiá꞉ner onhkwahʼNí꞉io iáh tehatenikonhriʼióstha ne kanikonhráton shé꞉kon ne kenknakónhake khés né tahiontatwistároʼse.”

Nehemiah 9:33

Ní꞉se tisaieríhton nakwé꞉kon tsi nahonkwahrá꞉ne, asè꞉ken ní꞉se tsi nashá꞉tiere né꞉ne iorihwató꞉ken tsi ná꞉he thóh nihionkwahtié꞉ren ne karihwahetkénhsera.

Job Tánon ne Raoronhiakensera 34:10

“É꞉tho káti, takwatahónsatat, tsi ní꞉tion ne sewaʼnikonraientáskon, ahí꞉non ít꞉ken tsi nahontá꞉we ne Rawenni꞉io ne thé꞉nen nahá꞉iere ne karihwahét꞉ken, tánon tsi nahontá꞉we ne Roshatstenhserowanenhkó꞉wa ne thé꞉nnen nahá꞉iere ne iáh teioiá꞉nere.

Job Tánon ne Raoronhiakensera 34:12

Kwáh orihwiiohón꞉we í꞉ken, ne Rawenni꞉io kwáh iáh othé꞉non tahateriwathentsáte ne karihwahetkénhsera, tánon ne roshatstenhserowá꞉nen kwáh iáh thatehaserí꞉ies ne kaiá꞉neren.

Job Tánon ne Raoronhiakensera 8:20

“Satká꞉tho, Rawenni꞉io iáh nonhwén꞉ton teshesakokʼtátha ne iáh othé꞉non teiakonhí꞉kon nónkwe, iáh ó꞉ni thahashatsténhseron ne rontsá꞉nakes nón꞉ka ne ne rotiiò꞉tens ne karihwahetkénhsera.

Job Tánon ne Raoronhiakensera 8:3

Ne Rawenni꞉io thé꞉nenh ken renhtatsátha ne kahiáneren? Khés ne roshatstenhserowanenʼkó꞉wa thé꞉ken rentatsátha ne karihwakwahrihshióntshera?

Psalms 50:6

Né tsi karonhiá꞉te wenéstha nètho Rawenni꞉io tsi rorihwakwahríshon, kwáh rahonhatsíwa ne Rawenni꞉io tesakoiatorétha nónkwe. Selah

Psalms 58:11

Nonkweshón꞉has enhiaiéron, “Oriwiʼiohónwe tsi teshonateriwasehrakwénhnis ne tionkwetaiéris; oriwiʼiohónwe tsi káien ne Rawenni꞉io tsi rahónha rarihwénhtha ne tsi ionwenhtsáte.”

Psalms 7:12

Tó꞉ka né ónkwe ne iáh tahonsahiontatréwataʼne, Ne Rawenni꞉io kwáh kíʼ enhahiothí꞉ie ne raosarekówa; tehosák꞉ton ne raohénhna ne niaharónhthate;

Psalms 75:3

Nó꞉nen ne tsi ionhontsáte enhiówaʼke, tsehatikwékon né thóh ienákere, kwáh séh Í꞉i enkerihwaʼnírate ne tsitʼkenskwáhere. Selah

Psalms 94:2

Téstan, Ó Serihwénhtha ne tsi ionwenhtsáte; taséhʼhion ne ronhthatónhni tsi natehonathénhtion!

Psalms 98:9

né꞉ne tsi nón꞉we níres ne Roiá꞉ner, asèken taré꞉se ne naharíhwenhte tsi ionhontsáte. Kwáh kí karihwaʼkwahrishiontserákon tsi enharíhwenhte ne tsi ionhontsáte, tánon tsi nòkwah nonhkweshón꞉has kwáh kíʼ nonʼnéʼe sathehiotónhake.

Ecclesiastes 3:17

Wakatʼtatró꞉ri, “Rawenni꞉io ensakoríwenhthe ne tionkwetaiéri tánon ne ionhkwetahétken satenhiotónhake, tsioríhwa oriwahkwékon, tsi nihioteriwahtséren, kwáh et nenhiáwenhne tsi nikakwahthákwenh ne iakáhewe.”

Ecclesiastes 7:15

Né tsi kónnhe kwáh iáh othé꞉nen tehioríhonte, ók thóh kíʼ nónhwe akwékon niwahkatʼkáton. Ótsiake tionkwetaiéri iakawenhéion ók ótsiake iakonnhétie nenhʼné꞉e, iawerohátien tsi iakonhkwetahétken.

Jeremiah 11:20

Ethóhʼne wakaterénnaien, “Sashaststenserowánen Saiá꞉ner, í꞉se ne tkariwaiéri teshiatorètha; í꞉se sehiatenikonrátkenʼse nonhkweshón꞉a ó꞉ni tsi nihononhnhóten. Sesnónhke nónhwe nátsien nakeriwahson꞉a; káti tahkeríhon ne akateróh꞉rohke tsi nenhsehshekárhiase kí꞉ken onhkweshón꞉a.”

Jeremiah 12:1

“Saiá꞉ner, tó꞉ka tahithiniriwakéna nakeriwahsón꞉a, ensehriwanírathe tsi khaiéri. Shé꞉kon kíʼ ónenhk tsi enkeriwahnónhton tsi nòkwah ne ateriwakwarishióntshera ahoriwahshón꞉a. Nonhtiéren ne rononhkwetaʼhétkens tsi nihotiʼhianerasténnis? Nohtiéren ne rathinikonhrátha tsi ronateriwahthentsiénnis?

Ezekiel 18:25

“Ók ní꞉se shá꞉ton, ‘Tsi nihatiéra ne Roiá꞉ner iáh tetkaiéri.’ Takatahónshatat, ní꞉se Israerʼró꞉non. Ísere onhtèken tsi nikeweiennhóten tsi nitseráhnions iáh tetkaiéri? Í꞉se saweiénhna iáh tetkariwahiéri.

Malachi 3:18

Eʼthó꞉ne shé꞉kon énska iensewáteratsteʼ kwáh ensewatkáhtho tsi naʼtetiattíhen ne iakoiánere tánon ne iakonkweʼtahétken, tsi naʼtetiattíhen nónhka ronwaioʼténhse ne Rawenni꞉io tánon ne iáh tehonwaioʼténhse.

Numbers 16:22

Ók kíʼ ne Mahís tánon ne Aaron wathiaʼtshàkete ohontsáke teniká꞉nere tánon waní꞉ron, “Ó Sewenní꞉io, í꞉se akwékon tsatakwení꞉io ne tsi iakónhnhe. Nó꞉nen tsaʼkwahiatáʼtshons enhiakwarihwánerake, kanakerasehrakwékon kén ensehnákwahse?”

2 Corinthians 5:10

Akwé꞉kon ne Kerístos tsi tewaiaʼtátson tenshonkwaiaʼtó꞉rehte naioianeréhake tóka ó꞉ni tó: naontakahetkén꞉take tsi naionkwatié꞉ren ne tewaieròn꞉ke tsi náhe tionhnhétie.

Deuteronomy 1:16

“Ethò꞉ne wakè꞉nahne, ‘Sewatahónsatat ne tekariwakénen tsi nenhiokétote tsi naʼtehónhtere ne tionhkweʼtashón꞉a. Kwáh tkariwaié꞉rik tsi tesewahiató꞉ret ne tekariwakenákston, né꞉ne tó꞉ka ken í꞉se kók tionhkweʼtashón꞉as akénhake tó꞉ka ó꞉ni né꞉ne tihononhontsátes ne skátke sewanákere.

Deuteronomy 1:17

Tó꞉sa sewè꞉nest nahontesewarihwarè꞉kwen tsi tensewahiató꞉rehte; tsi teieʼtsihiatorè꞉tase kwáh akwé꞉kon ne shakaʼnónhkwa akénhake, iáh tewatsterístha ónhka akénhake. Tó꞉sa ónhka ietsitsaʼnísek, asè꞉ken ne sewahiatoreʼtá꞉tshera Rawenní꞉ioke nitewétha. Ne thé꞉nen shótsi ahioriwaní꞉ronhke ne sewariwà꞉ke, akónhake nonhtasewáhaf, tánon í꞉i tetiaʼtó꞉rehte.’

Deuteronomy 32:4

“Ne Roiá꞉ner se ne roshatstenhserowá꞉nen thiá꞉nes, toriwaié꞉ri tánon rohiá꞉nere akwé꞉kon tsi nihaweienhnó꞉tens; Ne sewaNí꞉io roriwató꞉ken tánon orihwí꞉io í꞉ken; eʼnihaié꞉ra nahó꞉ten ne tkariwaié꞉ri ó꞉ni ioiánere.

Hebrews 12:23

Thóh nonhʼnontáse tsi nónwe ne atʼtsennonniátshera iakotiataróron né꞉ne thóh tihénton shakonakerátston ne Rawenni꞉io, ronónha ne karonhiáke tathisénnare. Ni꞉ióʼne nontáse, rahónha teshakohiatorétha nonkweʼtakwé꞉kon, tánon ne rahonatónnhets ne tionkwetaiéris ioianerén꞉en.

Judges 11:27

Iáh, iáh othènen tekonhetkenhténhni. Teshaʼterienhthawénries tsi saterihiosehrónhnis nakonháke. Roiá꞉ner seh ne rarihwénhtha í꞉ken. Ónhwa kíʼ wenhniseráte iathenhorihwaiéntaʼse tsi naʼtehiátere ne Israerʼró꞉nons tánon ne Ammonró꞉nons.”