Genesis 18:20 - Ohiatonhseratokénti

²⁰ Eʼthó꞉ne ne Roiá꞉ner wahén꞉ron, “Né tsi naʼteiotenonhianíhton tsi nikonwatirihwáhrhohs ne Sodom ó꞉ni ne Gomorrah tánon ne raotirihwaneraʼáktsera kwáh í꞉ken tsi ioʼtáksen í꞉ken.

Genesis 18:20 ပူးပေါင်းရင်းမြစ်များ

Genesis 13:13

Néʼthó nón꞉we ne Sodom nonkwehshón꞉ʼa kwáh í꞉ken tsi ronnonkweʼtahétkens, ó꞉ni iorihowá꞉nen rotiriwáneren tsi nonkwá ne Roiá꞉ner.

Genesis 19:13

Asèʼkén ó꞉nen thó꞉ha aiakenirihwáhtonʼte kí kén꞉ʼen watenà꞉taien, tsiorí꞉wa tsi niiakorihwáhrhohs tsi nokwá naonkweʼtaʼshón꞉ʼa tánon teiotenonhianíhton tsi niiotatkowanáhton raohén꞉ton ne Roiá꞉ner, tánon ne Roiá꞉ner tahshontiató꞉ri naiakenirihwáhtonʼte.”

Genesis 19:4

Ók nʼohén꞉ton shiahontiaʼtión꞉nite, né ratinatakonhró꞉non, né꞉ne ronnón꞉kwe, ne Sodom nithoné꞉non, tetsarónhkwe né꞉ne kenʼ nithotiión꞉saʼs ó꞉ni ne rotikstén꞉haʼs, onkweʼtakwé꞉kon kwáh tsi niió꞉re iahonwatíhsaʼahte, tsi waʼthatinonhsáhnhake;

Genesis 4:10

Tánon ne Roiá꞉ner wahén꞉ron, “Onhnaʼshatié꞉re? Sataʼhón꞉satat; ne tsatateʼkén꞉ʼa raonekwènhsa tewakenaʼtónnions ó꞉ni tetewahshénthohs nakonhá꞉ke ohwentsà꞉ke niteʼwéhtha!

Genesis 6:12

Tanon ne Rawenni꞉io waʼhatkáhtho ne tsi ionhwentsà꞉te tánon wahatkáhtho, tsi niió꞉re tsi karihwahétken iaʼkotón꞉on nonkweʼshónʼa ratikwé꞉kon thó꞉non nihonnonhnhétie ne karihwaksèn꞉ke.

Isaiah 3:9

Tsi nihatikonshó꞉tens ne tsi iakorihwanirátis; rontró꞉ris ne raotirihwaneraháktsheras kwáh né꞉ne Sodom, iáh kí tehotirihwaséhton. Enshontateriwáhsten! Asèken ronónha iahontátʼkwaʼse ne karihwahetkénhsera.

Isaiah 5:7

Asèken ne tsi ronenharaientʼthóhseron néh Sakoiá꞉ner ne ronterí꞉ios ratiʼronhiakerónons ne ne NʼIsraerʼronóns iakoton, tánon nonkweshónhas ne Judah né꞉ne rahonwesénhtsheras tsi nihoientʼthóseron; ne rorará꞉tiene ne kaiánerenh, ók ne wahatkato iakonekkwáhon; ne rorará꞉tiene ne karihwakwahriʼshióntsheras, ók nék khók wahothónhtene tehionséntʼthos!

Jeremiah 14:7

“Nakonhkwetashón꞉꞉á í꞉i nòkwah tetthonséntthos, ‘Iáh werohhátien nonhkwahriwaʼnerahákʼtshera tsi ionkwahriwáhrhos, thakwahiénawas, Saiá꞉ner, tsi nishaʼrahrátsʼton. Wéso iorihwáhke kwatkarhathénion; ionkwahrihwáneren tsi nòkwah ní꞉se.

Jeremiah 23:14

Ók sénha wahétken wahkatkáton ne Jerusalem nónhwe tsi nihothiʼiéren ne rotitokénse: wahontenakwaʼiésaʼte tánon wahonnonhwenhtánion; wahshaʼkothiʼiénawahse nonhkweshón꞉a ne wahétken tsi nahatiʼieráhnion. Ne ne tó꞉sa ónhka ahióntkaʼwe tsi nihontiérah ne kariwahétken. Nakonháke kwáh rahtikwékon tsi ronnonhkweʼtahétken tsi ní꞉ioht nonhkweshón꞉a ne Sodom tánon ne Gomorrah.

Ezekiel 16:46

“Ne tshiekowáhnen satsíha, ne akonahtasónhas, ne꞉ne Samaria, né꞉ne othoréke nòkwahti hiotséton. Ne kén nienhiakáha sehkénha, skátʼke nakonahtasónhas, né꞉ne Sodom, né꞉ne entiéʼne nokwàti hiotséton.

Joel 3:13

Iasewaténiet ne iontkwirhiákstha, asè꞉ken ó꞉nenh iohnhó꞉rari. Wá꞉sehwe, tesewaskwahserón꞉kwat, asè꞉ken nonenhará꞉keri tsi ienekonhniá꞉tha kanánon. Ne tsi watnekarákwas watawenhratʼtons, asè꞉ken ne raotirihwaneraháktsheras tehiotenonhianì꞉tons.

Jonah 1:2

Wahén꞉ron, “Nineveh nón꞉we niahá꞉se tsi tkanatowá꞉nen, tánon iaʼserihoʼwanáhten ne atiaʼtorehtáhtshera sheiatkón꞉ten; tiorí꞉wa tsi kattókas tsi nihonnonkweʼtahétkenʼs.”

Ne꞉ne Sák Rohiaton 5:4

Iáh teshekáriase tsi niháthi ne sahéthakons rothihióte. Satahónsatat tsi nihothiriwakatén꞉en! Tsi natehonsénthos tsi niháti ne rathirórhos né saienthótseras iakanihára꞉ne na Rawenni꞉io wahothónte꞉ne, ne Rosastenserowánen ne Roiá꞉ner.