Genesis 18:14 - Ohiatonhseratokénti

¹⁴ Thénen ónhte kenh sóh꞉tsi wentó꞉re ne Roiá꞉ner raorihwá꞉ke? Tsi niekaná꞉ton Kwáh téntke tentkoniatkenʼsé꞉ra, né꞉ne kokwité꞉ne nenkahá꞉wike, tánon ne Sarah roskenʼrakéhte eniakonekenhteronʼtsheraién꞉take.”

Genesis 18:14 ပူးပေါင်းရင်းမြစ်များ

Genesis 17:16

Kwáh enkheiaʼtaté꞉riste, tánon sénha ísiʼ nón꞉we kwáh entkón꞉ion naesanekenhterontsheraién꞉tane naonhá꞉ke entkaiènhtahkwe; kwáh entiaʼtaté꞉riste, áonha né kahsótshera enkénhake nonkwehshón꞉ʼahs; tánon ótiaʼkehs enhshakotinontí꞉iokehs nonhkweshón꞉ʼahs né naonhá꞉ke nón꞉we nèntewe.”

Genesis 17:21

Ók enkerihwaní꞉rate nakaterihwahseronniáhtshera skát꞉ne ne Isaac, tsi niká꞉ien né Sarah eniowiraién꞉taʼne ne sarihwá꞉ke né꞉ne tsi nón꞉wa niwathá꞉wi né ientsóhserate.”

Genesis 18:10

Né Roiá꞉ner wahén꞉ron, “Kwáh orihwiioʼón꞉we kokwitè꞉ne téntke, tánon ne tesení꞉teron Sarah eniakonekenhteronʼtsheraién꞉take.” Tánon né Sarah tiotahónhsatehkwe ne tsi ieionhtawehiaʼtáhkhwa naʼtóhsera né꞉ne ráonha rahshòn꞉ne í꞉ken.

Genesis 18:13

Ne Roiá꞉ner wahawénhahse ne Abraham, “Oh niiotié꞉ren ne Sarah tsi waʼkasté꞉riste ó꞉ni waʼkénron, ‘Kwáh ónhte kenh aonkewiraién꞉taʼne, tsi ó꞉nen akekstén꞉ha í꞉ken?’

Genesis 18:15

Ók ne Sarah ʼontónhnihiie, “Iáh tewaksteríston”; asèkenh ióhteronʼskwe. Wahén꞉ron ne Roiá꞉ner, “Hen, watsté꞉ristheʼse.”

Genesis 21:1

Né Roiá꞉ner sahrehiá꞉raʼne ne Sarah tsi kíʼ nihá꞉wen, tánon ne Roiá꞉ner tho kíʼ nahá꞉iere tsi kíʼ nihoʼrharátston.

Genesis 21:2

Ne Sarah iowiraientá꞉sere tánon wahonekenhteròn꞉tsheron nʼAbraham ó꞉nen sihokstén꞉ha, thóh nikahá꞉wi ne raksá꞉ʼa wahrennákerate tsi kíʼ nikahá꞉wi roná꞉ton ne Rawenni꞉io enhrennákerate.

2 Kings 4:16

tánon ne Elisha warénhase, “Kénʼen nenhkaháwike ne ientsó꞉serate roskenrakéte entsakitharó꞉ke.” “Oh!” tsi nakariwáson, “Asatʼthontátʼtseke, sién꞉shion, tó꞉sa thakanowénhtas. Í꞉se ne Rawenni꞉io rahonkwéta í꞉ken!”

Job Tánon ne Raoronhiakensera 36:5

“Orihwihiohón꞉we ne Rawenni꞉io tsi roshatstenhserowá꞉nen tánon iáh ónhka teshakokenhrón꞉ni; kwáh í꞉ken tsi roshatstenhserowá꞉nen tánon rateʼnikonraʼtókha.

Job Tánon ne Raoronhiakensera 42:2

“Waʼkateríenhtare ní꞉se tsi enskweni orihwaʼkwé꞉kon ne thenhnen nasehre, tánon iáh thá꞉hothen tsi nisatenikonrónhni thá꞉honton takatastón꞉ke.

Psalms 90:13

Tohʼnikaríhwes, Saiá꞉ner, tsi ensanakwenhénhake? Sashatátiene, tánon takwénhtenr í꞉ih ne sanhatsheraókons í꞉ken!

Psalms 93:1

Né Roiá꞉ner rahónha seh ne ronhnontí꞉io í꞉ken, ne rotʼtseronhniáton ne kanonhtiʼiótshera aotserónhniat; ne Roiá꞉ner rotʼtserónhni, ne rotiatanát꞉ton ne kashaststénhsera. Iorihwaʼníronh tsi nisakwahthákwenh ne tsi ionhontsáte; kwáh kíʼ iáh nonwénhton tahó꞉then takakwéni nahioriáneron;

Psalms 95:3

Asèken ne Roiá꞉ner tsi roshaststenhserowaʼkenkówa Rawenni꞉io í꞉ken, tánon rosasthenserowaʼnenhkówa tsi ronhnontí꞉io í꞉ken tsi nitesakoniaʼrotáron ne ronatsákes nʼiohokónhas.

Isaiah 50:2

Onhnontiéren tsi iáh ónhka thóh tèienskwe ne sháʼkewe? Nontiéren tsi iáh ónhka thaʼieiakorihwasehrá꞉kwen shaʼthontonkhénrete? Niskaʼtianésa kén, tsi iáh takakwéni nahonsahiakoniá꞉kente? Khés iáh tesewakeshatsʼtenhseráien nahonsakʼkhenónsthate? Né tsi wakatewenhnaiéntonʼwe wasthátʼthate ne kaniatarakhekó꞉wane, Né wakónhniaʼte ne tsi kaniataraténions iahonwenhtsaʼthénhake iahónton; nahotiʼtionʼshón꞉has waʼkentsakérane ne tsi iáh teskanekáien, tánon wahonhníheʼie ne tsi nihotiʼniatáʼthens.

Jeremiah 32:17

“Sahnonhtí꞉io Saiá꞉ner, i꞉se shá꞉son ne tsi ionwenhtsiáte ó꞉ni ne tsi karonhiáte ne sátsthon tsi sashastsʼtenserowáhnen ó꞉ni sehsátsʼte; kwáh iáh thahóthen ne ahisentoráhkwen.

Jeremiah 32:27

“Í꞉i ne Watiá꞉ner, kheʼNí꞉io nonhkwetahkwékon. Kwáh iáh thahóten ne ahonkahterihwahnorónsten.

Daniel 6:20

Shiahárawe né eʼtho, kwáh thotónʼne iahoná꞉ton, “Daniel, raonátshera ne rónhnheʼón꞉we Rawenni꞉io! Átskwi ne Rawenni꞉io ne iorihwató꞉ken thioʼténhse, wahoteʼsennaién꞉taʼne ken ne ahiaiaʼtanónhstate tsi nón꞉we nikónnheʼs né kèn꞉reks?”

Micah 7:18

Ónhka ne Ní꞉io akénhake thóh nahahiatoténhake tsi ní꞉se ní꞉ioht, sehsenikónrenhse ne karihwaneraháktsheras tánon tehatkarohestháhkwa ne ratiriwanón꞉we ne iatahonathaténronke ne raonkweʼtashón꞉as? Iáh tehatienawástha ne raonhakwáhtshera ne iahokonhtakwénhake, tiorì꞉wa tsi ne rawerientí꞉iostha tsi renéstha natanitenhrátshera.

Zechariah 8:6

“Tó꞉ka nón꞉wa thóh ní꞉ioht tsi wéhne kwáh tiorihwáhkon né꞉tho onhkweshón꞉ʼa ne iatehonahthaténron nón꞉wa, ók iáh ki tehionikonrókʼtha ní꞉i akeriwà꞉ke.

Numbers 11:23

“Iehiotók꞉the kèn nakeshatsténshera?” ne Roiá꞉ner watharihwasehráko. “Kwáh iosthó꞉re ensatʼkátho tó꞉ka kèn tsi nahó꞉ten wáken thóh nenhiáwenhne khès ne iáh!”

Matthew 14:31

Nok tontahatsiatate ne Iesos nok ȣahoiena, ȣahenron: Sonkȣe sanikonrasto, ohniiotieren tsi ȣasatennoȣente?

Matthew 19:26

Ȣasakotkatho ne Iesos nok ȣahenron: ethoneneh tsinonkȣati nonkȣene iah othenon taonton; nok ki tsinonkȣati ne Niio, oriȣakȣekon thiienȣaton.

Matthew 3:9

Nok tosa sekon aonseseȣatonheke ne seȣani-Konrakon: Abraham se sakȣaniha. Aseken nii Kȣarori, tsi haakȣeni ne Niio kenhiken kanenhiakeron aontasakoiatinekenȣe nʼAbraham sakoienhokonha akenhake.

St. Mark 10:27

Nok tanon ne Iesos ȣasakotkatoseron, nok ȣasakaȣenhase; akȣa neneh iah teȣatonsere tsinonkȣati nonkȣe, iah ki tanon tsinonkati ne Niio, aseken akȣekon niiehakȣenies ne Niio.

Luke 1:13

Nok tanon ne Raronhiakeronon Sahenron: tosa sateronn, Sakari; aseken ne saterennaient onen ieioh raohenton ne Niio; nok ne teseniteron Arisaȣe roskenrakete enhioȣiraientane, nok San enhtsenatonkȣe.

Luke 1:18

Ethone ne Sakari tontahoȣennaȣeron ne Raronhiakeronon, ȣahenron: nahoten enkienterestakȣe tsi eh nenhiaȣenne? Aseken onen akekstenha, onen oni eso iahoserakȣen ne ȣakeniakon.

Luke 1:37

Aseken iah ki othenon tahonoronse ne Niio.

Luke 8:50

Iesos ȣahohonsonkote, ȣahenren: tosa sateronn; neok ne tasetakȣenhak nok enskaieȣentane.

Romans 4:21

Kwáh oriwí꞉io rahonʼníhne ne Rawenni꞉io tsi thóh nenháiere tsi nihorahrátston.

Ephesians 3:20

Rahonháke nónwe nitewètha ne kasatsʼténsera tsi hionkwakwenionhátie tsi niwéso hionkwahiotátie iáh sénha tahitewakwéni nísiʼnon nahitewariwanónton, tóhkaʼ ó꞉ni sénha wéso ahitewanonthónnionwe.

Deuteronomy 30:3

ethò꞉ne ne Roiá꞉ner sewaNí꞉io kwáh entsisewéntenhre. Thentetsisewahiaʼténhawe ne tsi tienakeré꞉nion nonhkweshón꞉a tsi nón꞉we niatetsisewareniáton, tánon kwáh shé꞉kon ensehtsisewakwahtsésten.

Deuteronomy 7:21

Káti tó꞉sa ietshiʼtshà꞉nik kí꞉ken onhkweshón꞉a. Ne Roiá꞉ner sewaNí꞉io sewakwé꞉kon ki; rashatstenserowá꞉nen Ní꞉io tánon iatehahiá꞉ti ahó꞉wenk nahonwatiaʼní꞉sheke.

Philippians 3:21

Ákwe niesakosastenserakénʼnion, Tánon ó꞉ni éhtho ní꞉ioht tsi ensakwatáko kíʼ tewaiéronke ne neh tahonsakaieróntarake tsi niʼioriwanerákwat ne rahónha raierónke.

Philippians 4:13

Kwá tsík nakahiotenseróten enkʼkwéni nahontióten tioríwa tsi Kerístos rahkesastenseráwis.

Hebrews 11:19

Ne Abraham wahanonthónnionwe ne Rawenni꞉io rohkwénion nahonsahʼokétsko ne Isaac ne kenhé꞉iatʼne—tánon, naiaiéron, ne Abraham shoienáhon ne Isaac tsi iáh tehawenhéion.

Judges 13:3

Ne raoronhiakeró꞉non ne Roiá꞉ner washakothotháshen tánon wahénron, “Iáh nonhwénhton tehiothónhon nahisawiraienthá꞉hon, ók kíʼ kwáh iostó꞉re ensatʼtháwa tánon roskenhrakéte ensawiraiéntaʼne.

1 Samuel 14:6

Ne Jonathan wahawénhase ne kén nithoiónha rón꞉kwe ne rahawinón꞉tse rateriʼiostákwas, “Káts, áhnion thóh niehé꞉tene tsi kentió꞉kwaien ne ronterí꞉ios ne ronónha tsi iáh tehonwatiʼwarakwétaron; tó꞉ka nón꞉wa ne Roiá꞉ner teshonkwariwáhwá꞉se; asèken ne Roiá꞉ner iáh thaónton tahoiótatʼtse nasakonónsthate aiakotiokówanenke khéhs kénk naiakónha.”