Genesis 17:8 - Ohiatonhseratokénti

⁸ Tánon kwáh Entkón꞉ion, tánon tsi niensathwatsí꞉rine ó꞉ni nó꞉nen ensenhé꞉ionke, tsi nón꞉wa nón꞉we thisonhontsá꞉te í꞉ken, aontonhontsà꞉ke ne Canaan, né꞉ne tsi nén꞉we ensawenkhón꞉weke; tánon Í꞉i ne Raotiní꞉io enkénhake.”

Genesis 17:8 ပူးပေါင်းရင်းမြစ်များ

Genesis 12:7

Ethó꞉ne ne Roiá꞉ner wahototáhshien ne Abram tánon wahén꞉ron, “Tsi nienhsathwatsí꞉rine, né kí ne kanakeráhsera kheiawí꞉re.” Sók kíʼ thóh nón꞉we nahaónnien ne ietsenhahráhkwa ne Roiá꞉ner, ne ne rototahshién꞉ni.

Genesis 13:15

asèkenh akwé꞉kon tsi niiohón꞉tsa ne satkáhthohs entkón꞉ion tánon tsi niensathwatsí꞉rine ne ne tsi nén꞉we í꞉se sewawenkhón꞉we enkénhake.

Genesis 13:17

Téstaʼn, sateʼkhaharónnion ne tsi niiohón꞉tseʼs tánon tsi naʼteionhontsaká꞉ron; aseʼkénh í꞉se entkón꞉ion.”

Genesis 23:4

“Thiwakonhontsá꞉te tánon kén꞉ʼen wakwahéston skátne tewanákereh; tationhóntion tsi naʼtesewátere né naiontatiaʼtataʼahsthake, né naón꞉ton atiaʼtáta ne khekstenhkénhen ne ne é꞉ren akhá꞉wihte nawenheión꞉ta nakhén꞉ton.”

Genesis 26:24

Tánon kwáh né siwahsontá꞉te ne Roiá꞉ner wahototáhshien tánon wahén꞉ron, “Í꞉I ne Raoní꞉io ne iaʼníha Abraham; tóhsa sáhteronʼn aseʼkénh Í꞉I tenikwé꞉kon tánon kwáh Enkoniaʼtaté꞉rihste ó꞉ni wé꞉so enkonhwatsirónnien ne nakehnhá꞉tshera Abraham raorihwá꞉ke.”

Genesis 28:4

Aiá꞉wens aontà꞉ion ne raoiaʼtateríhtshera ne Abraham, ní꞉se tánon tsi nienhsathwatsí꞉rine naesewakwekónhake ní꞉se, ne naón꞉ton ahsatiénawahste nonhóntsa tsi nón꞉wa nón꞉we nihsenákere tsi thihsonhontsá꞉te í꞉ken—ne nonhóntsa neʼthó Rawenni꞉io thó꞉wi ne Abraham.”

Genesis 35:27

Jacob roʼnihnéha Isaac niahá꞉re ne ne Mamre nón꞉we, khehs ne Kiriath-arba (Ne ne Hebron) tsi nón꞉we ne Abraham tánon ne Isaac iehninákerehkwe.

Genesis 36:7

Aseʼkénh só꞉tsi wé꞉so rotiientahtsheraièn꞉tahkwe ne skátne ahninákereke; nonhóntsa tsi nón꞉we nihninákere iáh thakakwé꞉ni ne taiakóhshnieʼne tiorí꞉wa tsi wé꞉so rotinahskwaièn꞉tonʼs.

Genesis 37:1

Jacob thóh nón꞉we nahatenà꞉taien ne tsi ionhontsá꞉ien tsi nón꞉we ne nihanákerehkwe ne roʼníha tsi thihahontsá꞉tehkwe kén꞉ne, ne ne tsi watonhontsá꞉ien ne Canaan.

Genesis 48:4

tánon wahakènhahse, ‘Ne enkoniónnien ne wé꞉so aesawiraién꞉taʼne tánon nahswatsirowáhnha; enkontiohkó꞉wanahte, tánon entekhé꞉ion kíʼ kén꞉ʼen ionhontsá꞉ien tsi ienhsatwatsí꞉rine ne nahonawenkhón꞉weke tsi nèn꞉we.’

2 Samuel 23:5

Ne kí꞉ken ne kwáh í꞉ken, tsi thóh ní꞉iot ne Ní꞉io tsi sakohiatateríston natwátsire, Asèken rakonhnienhni ne tsi nénhwen enkénhake ateriwaseronhniá꞉tshera, roriwasherónhni nètho tsi kwáh iáh thatahonsakahiákhon. Kwáh kén iáh ne taharikwakanónhni nakaiáneraste akwé꞉kon natsenawasetsheras ó꞉ni nakahkanéktshera.

1 Chronicles 16:18

“Entʼkónhion non꞉ontsa ne Canaan nón꞉we,” wahénron. “Kwáh í꞉se ensakwenhkónweʼke.”

Psalms 103:17

Ók kíʼ ne iorihwaʼtóken raonoronhkwáhtsera ne Roiá꞉ner né꞉nenhné꞉e tsi nénhwe enkénhake thóh nón꞉we nenhkaiénhthake né꞉ne tsi nihiákon ne ronhwarihwakweʼniénstha, tánon ne raorihwaʼkwarihshón꞉tshera kwáh kíʼ enkátake tsi waʼhatinekwenhsátatse ne ratiksaʼokónhas,

Psalms 105:11

“Entʼkónhion non꞉ontsa ne Canaan nón꞉we,” wahénron. “Kwáh í꞉se ensakwenhkónweʼke.”

Psalms 105:9

né naʼterihwasehronniátshera tsi ró꞉son skát꞉ke ne Abraham, tsi niʼorahratsʼténhni ne Isaac.

Exodus 13:11

“Ne Roiá꞉ner ienʼtsisewahiaʼténhaʼwe tsi tsiohonʼtsáien ne Canaanites, né꞉ne kwáh tsi nihoriwaniráhton tsi nitsisehwarahrátsʼtenhni ní꞉se ó꞉ni ne ietʼtsisotʼthonkonhkénʼen. Nónen enthetsítion,

Exodus 21:6

ethòne kíʼ ne ró꞉nhas ienhohiaténhaʼwe ne tsi tionʼterennaientáhkwa. Thóhʼnónhwe enhahónhnien ne kanoháktha tenhátahne tó꞉ka ó꞉ni tsi kanawahátothe ne tsi kaʼnonhkáronhthe tánon tenhohontakaʼrónhten. Ethò꞉ne enhatenaskónniaʼte tsi ni rohnhnes.

Exodus 29:45

Skátke enhiakwahnákereke nonhkweshón꞉ʼas nʼIsraerʼró꞉nons, tánon kwáh Í꞉i ne raotiní꞉io enkénhake.

Exodus 32:13

Sehiehiárak shonkwetashón꞉as NʼAbraham, Isaac, tánon ne Jacob. Sehiárak tsi kwáh ioriwaníron sehiarahratsʼténhni tsi enteséhʼhion tsi etʼnenhonatiókwahske tsi ní꞉ioht ne tsi iotsistokwahrónhnions ne tsi karonhiáʼte tánon enteséhion tsi nienhontwatsiríne akwékon nonhóntsa sarahrátston tsi enhonawenhkʼkónhweke tsi nénhwe.”

Exodus 40:15

Ethòne seriwaʼnírats, kwáh tsi nitieriwaniráhti ne ronhwaníha, ne káti nahónton nahiontiótense tsi ní꞉ioht ne rothiʼkháres. Kí꞉ken kariwanirátʼtshera né꞉ne tsi nénhwe enkénhake tsi enhothiʼkharésonhke.”

Exodus 6:4

Káti ó꞉ni wákʼshon naʼkateriwaʼsehronhniátshera skátʼke ne roʼnónha, khehiaʼrahratsʼténhni tsi entekhé꞉ion nonhóntsa ne Canaan nónwe, né ionhontsáien tsi ehʼnónhwe nihatináhkereʼkwe tsi shí꞉ken ní꞉ioht ne thiʼhononhontsáʼte akénhake.

Exodus 6:7

Entsiónhnien í꞉se ne kwáh akonhkweʼtashón꞉ha enkénhake, tánon Í꞉i ne sewahʼNí꞉io enkénhake. Kwáh ensewateriéntarahʼne tsi Í꞉i ne Watiá꞉ner ne sewaʼNí꞉io ó꞉nen enskaniakènthonʼke tsi niʼhietsinaskonhnisʼkwe ne Egypt nónwe.

Jeremiah 25:5

Ietʼtsiró꞉ri ne tahonsehsewatkarahténi tsi nikariwáksen tsi ní꞉ioht tsi tiónnhe ó꞉ni tsi nikariwahétken tsi nisehwatiérah, ne ne ahisehwaterihwaténtiaseh ahitionnhétie tsi ionwenhtsáte nètho Roiá꞉ner teʼtsisehwáhwi ó꞉ni ne ietʼtsisotʼthonkonkénʼen ne ne sehwahwenhkʼónhwe akénhake.

Jeremiah 31:1

Ne Roiá꞉ner ráton, “Táweh ne tsi kawistáheks nónenh Í꞉i kheʼNí꞉io enkénhake ratiʼkwékon tsi nihotitharáhkes ne Israerʼró꞉nonhke, tánon rohnónha nakonhkweshón꞉a enkénhake.

Ezekiel 11:20

Ethòne enhonteweiénton natianerénhseras tánon enhothiriwahtokénhake tsi enhontewénhnarahkwe nakeriwahtátʼtsheras. Ronónha nahkonhkwetashón꞉ʼa enkénhake, tánon Í꞉i ne raotiní꞉io enkénhake.

Ezekiel 33:24

“Rónhkwe iaiénha,” wahénron, “Nonhkweshón꞉ʼa ne ienahkeréhnion ne tsi ioriwenhtásehron kanatowáhnenhs né꞉ne Israel ahotonhwenhtsáke ionhtónhnions: ‘ne Abraham rahonhatsíwa khók kènhne, tánon ohontsakwékon rahónha thonwáhwi. Hionkwentiokowáhnenseh, káti nohóntsa í꞉i onhkwáhwenhk.’

Leviticus 14:34

ne tehioterihwasonhterónhnions kaianerénhseras tsi nòkwah ne kanonskónhsons né thekanikónhrahre tsi waʼtewaréni ne iohthónhris. (Thóh nék kí꞉ken enhioʼióten né nó꞉nenh nonhkweshón꞉as Nisraerronónhke ienhonthonhontsórenhne ne Canaan, Né꞉ne Roiá꞉ner teshakowíreʼne nahonawenhkhonhweʼke.) Tó꞉ka ónhka tsi nítsion ensehwatʼtsénhri nètho Roiá꞉ner thoteniéton ne iothónris ne sewanonskónhsons, ethòne kíʼ ónenk tsi ratsihenstatsíʼne niénsehwe tánon iaʼtsisehwaró꞉ri nètho aorihwáke.

Leviticus 16:34

Kí꞉ken tehioterihwasónhteres ónenk tsi thóh ní꞉ioht tsi enwaterihwathenhtsáthonke énska ne tsiósera ne nahonsahonwatiʼrónhkwahse Nisraerʼró꞉nons ne rahotirihwaʼneraháktsheras. Káti ne Mahís akwékon thóh naháiere tsi kíʼ nihotenhnáhon ne Roiá꞉ner.

Leviticus 26:12

Kwáh kíʼ entewakwekónhake; kwáh Í꞉i Sewaní꞉io enkénhake, tánon í꞉se nakonhkwetaʼshón꞉as enkénhake.

Zechariah 8:8

tánon tenthekhehiaʼténhawe ne tsitʼkarahkwí꞉nekens nokwá꞉ti ó꞉ni ne tsi iaʼtewatsénhtos nokwá꞉ti tsi Jerusalem nón꞉we nenhshathiʼterón꞉thake. Í꞉i ahkonkweʼthashón꞉as enhón꞉ton, ó꞉ni Í꞉i Raothiní꞉io enkénhake, enthekheniarohthá꞉rohke kwáh enwahkerihwatokénhake tsi nokwáh ne ronón꞉ha ó꞉ni kwáh enhothiriwahkwarishón꞉hake tsi nahtehonthéron.

Numbers 10:29

Ne Mahís wahawénhase ne ronatsióha Hobab né꞉ne roʼní꞉ha ne Jethro né꞉ne Midinite nahahiatóten, “Ónen thó꞉wa thóh nónhwe niahítewe tsi nónhwe ne Roiá꞉ner tsi shonkwarakwéni ráwen enteshión꞉tion. Roʼrarátston tsi enshaʼkokwahshéts꞉ten NʼIsraerʼró꞉nons, káti ká꞉ts ítewe, tánon kíʼ shaʼtenhionkwawenhkhónhweke ní꞉se tsi nenhionhkwaʼhianerásten.”

Numbers 25:13

Rahónha tánon tsi nienhatwatsírihne tsi enhiorihwatokénhake tsi ratiʼtsihénstatsis enkénhake, tsioríhwa tsi iáh teshakotakatstáton ónhka ne akóren akénhake tsi nòkwah ní꞉i tánon taháhawe nahonsakanikonhrénhʼen nonhkweshón꞉ʼas akorihwanerahák꞉tshera.”

Numbers 27:12

Ne Roiá꞉ner wahawénhase ne Mahís, “Wáhs iasehnonhtàranh ne Abarim Ionhnontáhere tánon iaskenhénhion nonhóntsa ne tekhehiawíre Nisraerʼró꞉nons.

Acts 7:5

Ne Rawení꞉io iáh tetʼthó꞉wi ne Abraham ne hiatehahiáti ahowénhake, iáh sékon ne sewasíta tahiotekerónteke nohóntsia, nók Rawení꞉io waharárasʼte tsi entʼtáwen, tánon rahowenkónwe enkénhake tánon ó꞉ni tsi nienhatʼwatsirí꞉ne. Neh thóh sikaháwi neh saharáhraste ne Rawení꞉io NʼAbraham iáh thénen tehowiraiéntakwe.

Deuteronomy 14:2

Roiá꞉ner sewaNí꞉io ní꞉se rahonkweʼtashón꞉as; raónha tsi sewahiatarákwen ní꞉se rahonkweʼtashón꞉as ahisewá꞉ton né꞉ne tsi nihiá꞉kon nonhontsà꞉ke ienákere.

Deuteronomy 26:18

Ón꞉wa wenhniserá꞉te ne Roiá꞉ner watsisewaié꞉na tsi kwáh raónha rahonkweʼtashón꞉as í꞉ken, kwáh ki tsi nitsisewarahratstén꞉ni; tánon tsi sewahró꞉ris akwé꞉kon sewatewénhnarak ne raohianerénhseras.

Deuteronomy 29:13

ne káti ne Roiá꞉ner natsisewarihwaní꞉raʼtse tsi í꞉se ne rahonkweʼtashón꞉as ó꞉ni sewaNí꞉io í꞉ken, tsi ki nitsisewarahratstén꞉ni ní꞉se tánon ne ietsisoʼthonkonhkén꞉en, nʼAbraham, NʼIsaac, ó꞉ni ne Jacob.

Deuteronomy 32:49

“Thóh niaháse tsi tionónhthe ne Abarim né꞉ne tsi tiohontsá꞉ien ne Moab né꞉ne tehiothinátha ne Jericho; iasehnonhthára ne tsi ionónhthe ne Nebo tánon iasatketóten ne tsi tiohontsá꞉ien ne Canaan ne ó꞉nen thówa ahontatkhéhion NʼIsraerʼró꞉nons.

Deuteronomy 32:8

Nó꞉nen ne Rawenni꞉io ne naonhà꞉a tháshatste tsi ní꞉ioht nakorénhson nihiohokón꞉as, wasakahontsawí꞉hons ne niaʼteiakahontsà꞉kes. Waharakwenhá꞉ton tsi nonwéhson nahienákereʼke. Thasakowí꞉hon ne sohthitiokwà꞉tsons nahotinihioseraién꞉take,

Deuteronomy 34:4

Ethò꞉ne ne Roiá꞉ner wahawénhase ne Mahís, “Ne kí꞉ken ne iohontsá꞉ien ne khehiararatstén꞉ni ne Abraham ó꞉ni ne Isaac, tánon ne Jacob tsi enthekhéion tsi nienhontwatsí꞉rine. Wakonhríhon nasatkátho, ók iáh ki thakonhrí꞉hon ne thóh nón꞉we iáse.”

Deuteronomy 4:37

Tiorí꞉wa tsi shakonorónhkwa ne ietsisothonkonʼkén꞉en, í꞉se waʼtsisewahiataráko, tánon rahónʼa raoshaststenserowanáhtshera waʼrátste tsi tontatsisewahiaʼtí꞉nekenhwe ne Egypt.

Deuteronomy 9:5

Iáh ne tetiorí꞉wa tsi sewaiánere tánon thóh nisewahiéra né꞉tho Roiá꞉ner tsi sewariwá꞉wis nahisewatié꞉nawatste ne rahononhóntsas. Akwáh enshakohiaʼtínekenhwe ne tiorí꞉wa tsi nihonhnonkweʼtahétkens tánon ne tiorí꞉wa tsi ihré꞉re nahatié꞉nawatste tsi nishakorahratstén꞉ni ne sewasoʼtsheraokonhkén꞉en, nʼAbraham, Isaac, tánon ne Jacob.

Hebrews 9:15

Asèken ne kí꞉ken aoríhwa raónha Kerístos sarihwahserónnis náse aterihwahseronniátshera, né꞉ne tsi nihiákon ne Rawenni꞉io iesakonáton nahónton naieʼiéna ne ionhnheʼón꞉we kaiatateríhtshera tsi nihorahrátsʼton ne Ní꞉io. Ne kí꞉ken enwáhton ne thóh nakaiéren tsoríhwah tsi iekenʼhéion né tiakohiatotaríshions nonkweshónha tsi naʼtehonaterientawenhré꞉on tsi nikaríwes ne tiotierénton ateriwahserionniátshera katáh꞉kwe.

Joshua 1:2

Wahèn꞉ron, “Akhenhá꞉tsera Mahís rawenhé꞉ion. Ó꞉nen ki shathateweienénhtan, í꞉se tánon onkweʼtakwé꞉kon ne Israerʼró꞉nonke, tánon ietesewahiáiak ne Jordan Kaniataratátie tsi tiohontsá꞉ien niahá꞉sewe né꞉tho tkwawì꞉re.

Revelation 21:7

Tsi niiá꞉kon nenhiontesénhni eniehié꞉na kíʼ naorihoʼténsons, tánon í꞉ih ne raoti Ní꞉io enkénhake tánon ronón꞉ha keienhokónha enhón꞉ton.