Genesis 17:7 - Ohiatonhseratokénti

⁷ Tánon kwáh éntien nakaterihwahseronniáhtshera tsi naʼtetiátere ó꞉ni tsi nienhsathwatsí꞉rine, tánon kwáh ó꞉ni tsi wahatinekwenhsatátie né꞉ne tsi nén꞉we enká꞉take naterihwahseronniáhtshera, kwáh Í꞉i ne Saní꞉io enkénhake tánon tsi nienhsathwatsí꞉rine ó꞉ni nó꞉nen ensenhé꞉ionke.

Genesis 17:7 ပူးပေါင်းရင်းမြစ်များ

Genesis 15:18

Né eʼthó tewenhniserá꞉tehkwe ne Roiá꞉ner wahaianerenhserón꞉ni skát꞉ne ne Abram, rá꞉ton tsi “Nienhsathwatsí꞉rine takhé꞉ion kí꞉ken ohóntsa, thóh entewatáhsawen tsitkaniataratátie ne Egypt ièn꞉wawe ne kaniataraʼkehkowanén꞉ke, ne ne tsi kaniataratátie Euphrates,

Genesis 17:13

Tetsá꞉ron ne sanónhskon ronennakerá꞉ton tánon né rónwatiiaʼtahní꞉non né sahwísta wáston, ó꞉nenk tsi enhonwatiʼwahrakwé꞉taron. Ne ká꞉ti nakaterihwahseronniáhtshera sawahrónhne nón꞉we neniotatén꞉ronke né꞉ne tsi nén꞉we enkénhake.

Genesis 17:19

Ne Rawenni꞉io wahén꞉ron, “Iáh, ók ne Sarah ne tesení꞉teron roskenʼrakéhte eniowiraién꞉taʼne né sarihwá꞉ke, tánon ó꞉nenk tsi Isaac entiená꞉tonhkwe. Kwáh enkerihwahní꞉rate nakaterihwaseronniáhtshera skátne ne ráonha né꞉ne tsi nèn꞉we Enká꞉take ó꞉ni tsi wahahwatsiratátie. Né꞉ne tsi nèn꞉we enká꞉take naterihwahseronniáhtshera.

Genesis 26:24

Tánon kwáh né siwahsontá꞉te ne Roiá꞉ner wahototáhshien tánon wahén꞉ron, “Í꞉I ne Raoní꞉io ne iaʼníha Abraham; tóhsa sáhteronʼn aseʼkénh Í꞉I tenikwé꞉kon tánon kwáh Enkoniaʼtaté꞉rihste ó꞉ni wé꞉so enkonhwatsirónnien ne nakehnhá꞉tshera Abraham raorihwá꞉ke.”

Genesis 28:13

Tánon ne Roiá꞉ner raiaʼtákta í꞉rate tánon wahén꞉ron, “Í꞉i ne Watiá꞉ner, ne ne Abraham iaʼníha Raoní꞉io í꞉ken ó꞉ni Raoní꞉io ne Isaac; né nonhwentsà꞉ke tsi nón꞉we nihshiaʼtión꞉nikwe kwáh í꞉se enkón꞉ion tánon tsi nienhsathwatsí꞉rine;

Genesis 6:18

Ók entiaterihwahserón꞉ni. Kahón꞉wakon iaʼsheiaʼtíta ne tesení꞉teron, í꞉se tánon ne sanekenhteronʼtsheraʼshón꞉aʼs tánon skátne ne rotiniákhonʼs.

Genesis 9:16

Ne nó꞉nen naʼén꞉na tsi iotshatarónnion nón꞉we ní꞉weʼs, kwáh kiʼ enkatkáhtho tánon enhkehiá꞉raʼne ne꞉ne tsi nén꞉we enká꞉take naterihwahseronniáhtshera tsi naʼtehóntere ne Rawenni꞉io tánon ne ronnonhnhénion, tánon kwáh tsi nahó꞉ten ne iónhnhe ne tsi ionhwentsá꞉te.”

2 Samuel 7:24

Tánon ní꞉se seriwasehronniénhni ne shonkwetashón꞉ahs Israerʼró꞉nons ne iateshiá꞉ti ne shonkwetashón꞉ʼahs akénhake; tánon í꞉se, Ó Saiá꞉ner, washá꞉ton ne raotí꞉ni꞉io akénhake.

1 Chronicles 16:14

Roiá꞉ner seh nonʼkwahʼNí꞉io í꞉ken; né raorihwaʼtát꞉tsheras ohontsaʼkwé꞉kon nón꞉we nikáien.

Psalms 81:10

Í꞉i ne Watiá꞉ner Sewaní꞉io í꞉ken, Í꞉i tekwahiatínekenʼen ne tsi tiohóntsaien ne Egypt. Tó꞉ka ká꞉ti ensewarihwaʼtokénhake, kwáh kíʼ enkwahiatatériste.

Exodus 3:15

Sehró꞉ri lsraerʼró꞉nons tsi i꞉i, ne Watiá꞉ner, ne SakoNí꞉io ne ietsiʼsotʼthonkonhkènʼen, Raotí꞉io ne Abraham, lsaac, tánon ne Jacob, tahakató꞉ri tsionhàke. Né kí꞉ken naksénhna tsi nènhwe; tánon thóh kíʼ nenhiotónhake tsi wahatiwahtsiʼratá꞉tie tsi enhionkenáhtonkwahʼke.

Exodus 3:6

Í꞉i Naʼkení꞉io ne sesotʼthonkonhkénʼen, né꞉ne Rahotiní꞉io ne Abraham, lsacc, ó꞉ni ne Jacob.” Káti ne Mahís wahatʼkonhsàh꞉sehʼte, tsioríwa tsi wahaʼtsàhniʼke nahó꞉ken ne Rawenni꞉io.

Exodus 6:4

Káti ó꞉ni wákʼshon naʼkateriwaʼsehronhniátshera skátʼke ne roʼnónha, khehiaʼrahratsʼténhni tsi entekhé꞉ion nonhóntsa ne Canaan nónwe, né ionhontsáien tsi ehʼnónhwe nihatináhkereʼkwe tsi shí꞉ken ní꞉ioht ne thiʼhononhontsáʼte akénhake.

Exodus 6:7

Entsiónhnien í꞉se ne kwáh akonhkweʼtashón꞉ha enkénhake, tánon Í꞉i ne sewahʼNí꞉io enkénhake. Kwáh ensewateriéntarahʼne tsi Í꞉i ne Watiá꞉ner ne sewaʼNí꞉io ó꞉nen enskaniakènthonʼke tsi niʼhietsinaskonhnisʼkwe ne Egypt nónwe.

Isaiah 61:8

Asèken Í꞉i né Watiá꞉ner né kenorónh꞉kwah nahterihwakwahrisiónhtshera í꞉ken, Ít꞉sons ne kanénhskwen tánon né iewehienhnáksenh; kwáh enwakerihwató꞉kenhke tsi enhthekhéhion tsi naʼteonahténtion, tánon kwáh né enkheʼhiónhnien né tsi nénhwe enkénhake naʼterihwasehronniátshera.

Jeremiah 31:1

Ne Roiá꞉ner ráton, “Táweh ne tsi kawistáheks nónenh Í꞉i kheʼNí꞉io enkénhake ratiʼkwékon tsi nihotitharáhkes ne Israerʼró꞉nonhke, tánon rohnónha nakonhkweshón꞉a enkénhake.

Ezekiel 28:26

Kwáh eh nónhwe kwáh skénhnonk enhatináhkerehke. Enhontenonhsonhniánion tánon onenharesónha enhathiʼiénhto. Kwáh ratikwékon ne tehonthonhontsanekʼkhánions enkheréwahte né꞉ne kakenronhniatsherákon tsi ronhwahnateweienhnatʼsaténhni, tánon ne Israel enkatokénston. Ethòne enhonahteriéntarahne tsi Í꞉i ne Watiá꞉ner raotiNí꞉io.”

Leviticus 11:45

Í꞉i ne Watiá꞉ner ne tetkwahiatinekénʼen ne Egypt né káti nahónton ní꞉i Sewaní꞉io akénhake. Ónenk tsi ensewahiathatokéntike, tsioríhwa tsi Watsiathatokénti íken.

Leviticus 25:38

Né kí꞉ken ne Roiá꞉ner Saní꞉io rahorihwatatʼtiéra, tsi nikáien ne tethiaiatinekénhʼen ne Egypt né nahónton nahionhóntion ne Canaan nónhwe tánon rahónʼa Saní꞉io akénhake.

Leviticus 26:12

Kwáh kíʼ entewakwekónhake; kwáh Í꞉i Sewaní꞉io enkénhake, tánon í꞉se nakonhkwetaʼshón꞉as enkénhake.

Leviticus 26:44

Ók ethosáne, nó꞉nen shé꞉kon thóh ratinákere rahononhontsáke ne tehontátʼtsions, iáh kíʼ kwáh takhehiaʼtewénhtethe iáh ó꞉ni takhehiáthonhthe. Né nènhne ne ienwatsiástsi naʼkaterihwasehronhniátshera tsi nòkwah ne ronónha, tánon Í꞉i ne Watiá꞉ner Raotiní꞉io íken.

Leviticus 26:45

Kwáh á꞉se enskónhni naʼterihwasehronhniátshera tsi niwát꞉son rononháke ne sakotisotʼthonkonhkénʼens nó꞉nen nonhontsakwékon shaʼkhenatónhas nakeshastsʼténshera tsi thonthakhehiatínekenhwe ne Egypt, né nahónton tsi, Í꞉i, ne Watiá꞉ner, nonhtiérenk Raotiní꞉io akénhake.”

Leviticus 26:9

Kwáh enkwahiatatérisʼte tánon wéso enkwaksatawíhon; kwáh enkatiénawasʼte naterihwaseronhniátshera ne wát꞉son tsi natetewátere.

Micah 7:20

Kwáh enthétion norihwihioʼón꞉we ne Jacob tánon kenténrat ne Abraham, kwáh tsi nisehrihwanirá꞉ti ne iakisoʼthonkonhkén꞉en ne wahón꞉nise tsi ná꞉he tkenʼne.

Matthew 22:32

Ii Rao-Niio nʼAbraham, Isaak oni ne Jacob? Iah kati ȣahi teshako-Niio ne Niio niakoȣentaon, neh tanon Ronȣa-Niio nʼiakonnhe.

St. Mark 10:14

Ȣahoriȣaksase ne Iesos tsi ȣahatkatto, nok ȣasakaȣenhase: Tosa ietsiiotasts nekentho naontaien nʼek-saokonha: Aseken ne Niio raonakerasera neh akoȣenk ne tsiontatieren.

Acts 2:39

Asèken ne Rawení꞉io tsi sewararatsʼtén꞉ni ó꞉ni ne ieʼtsiʼiohokónha, tánon ó꞉ni tsi niháti ne ahinónsherons tathinakeréhnion—kwáh tsi niháti ne Roiá꞉ner onkwaʼní꞉io ne raónha sakohonkaráwis rahonháke niá꞉ien.”

Romans 9:4

Rohnónha neh Rawenni꞉io rahonkwetaʼsónha; rahónha rohtewirahrákwen ó꞉ni washakawenésten ne rahohiatanerakwátsera; iathonteriwáieste tánon tasakáwen ne kaianerénsera, Rawenni꞉io wahsakonathónhaʼse tsi ní꞉ioht tsi ahonwasénʼnaien neh kwáh tkariwaiéri; wahathiʼiéna ne Rawenni꞉io tsi nihorarasthánions;

Ephesians 2:2

Neh thóh sontakaháwi neh í꞉tshereskwe ne tsi ionwentsiáte ahoriwahetkénʼtseras; neh wasatewénʼnarakwe ne kanikonrahétken, ne kanikonrákʼsen tsi neh tsakoniarótaron nonkwesónha tsi niháti ne iáh tehonwahwenʼnarákwa ne Rawení꞉io.

Deuteronomy 29:13

ne káti ne Roiá꞉ner natsisewarihwaní꞉raʼtse tsi í꞉se ne rahonkweʼtashón꞉as ó꞉ni sewaNí꞉io í꞉ken, tsi ki nitsisewarahratstén꞉ni ní꞉se tánon ne ietsisoʼthonkonhkén꞉en, nʼAbraham, NʼIsaac, ó꞉ni ne Jacob.

Hebrews 11:16

Khèkhok, sénha kahnakerahserí꞉io tohnatonwenhtióniʼne, né karonhiakéka kanakeráhsera. Tánon káti ne Rawenni꞉io iáh tehathé꞉ens naʼhonwahnátonkwe Raothiʼní꞉io, tsoríwah tsi shakonahtonniénni.

Hebrews 8:10

Nónwah, ne áse aterihwahseronhniá꞉tshera nenhkón꞉ni skátke nonhkweshón꞉a ne Israelronónke nón꞉we tsi néntewe nenhní꞉seras kwáh kén ní꞉ioht, ráton ne Roiá꞉ner: Rahotinikonrakéson nónwe néntsien natianerénseras tánon rahonerianésons nónwe nenkʼkhiáton. Í꞉i ne raotiʼNí꞉io enkénhake, tánon ronónha nakonhkweʼtahshón꞉a enkénhake.

Judges 2:1

Ne rahoronhiakerónon ne Roiá꞉ner Gilgal nónhwe tahaténhti tánon Bochim niaháre tánon washakawénhase Israerʼró꞉nons, “Thohʼthakwahiatínekenhwe ne Egypt tánon thohʼnónhwe takwahiaténhawe ne tsi ionhontsáien ne kheʼhiarahratsʼténhni ne ietsisotʼthonkonhkénʼen. Wakíron, ‘Iáh nonhwénhton thaʼtátiake nakaterihwasehronhniátshera tsi nòkwah ní꞉se.