Genesis 17:6 - Ohiatonhseratokénti

⁶ Kwáh entkón꞉ion né iaʼtetsoké꞉tote naeswentiohkowáhnha; tánon ronnónha enthatiniarotáhrhoke ne tsi ionhwentsá꞉ien ne wé꞉so watenà꞉takes, tánon ne rontinontí꞉ioʼs kwáh sonhà꞉ke nón꞉we entkaiénhtahkwe.

Genesis 17:6 ပူးပေါင်းရင်းမြစ်များ

Genesis 13:16

Enkonhwatsiʼrón꞉nien tsi ní꞉ioht noʼkèn꞉ra né tsi ionhwentsá꞉te; né katíʼ tokáʼ ónhka aiekwé꞉ni naiónhshete noʼkèn꞉ra ne tsi ionhwentsá꞉te, ne sahwá꞉tsire enwá꞉ton kíʼ nón꞉neʼeh nahonwanáhshete.

Genesis 17:16

Kwáh enkheiaʼtaté꞉riste, tánon sénha ísiʼ nón꞉we kwáh entkón꞉ion naesanekenhterontsheraién꞉tane naonhá꞉ke entkaiènhtahkwe; kwáh entiaʼtaté꞉riste, áonha né kahsótshera enkénhake nonkwehshón꞉ʼahs; tánon ótiaʼkehs enhshakotinontí꞉iokehs nonhkweshón꞉ʼahs né naonhá꞉ke nón꞉we nèntewe.”

Genesis 17:20

Tsi nokwá ne Ishmael, waʼkonwenná꞉ronke; kwáh kíʼ enhiiaʼtaté꞉riste tánon enhitiohkó꞉wanahte ó꞉ni kwáh í꞉ken tsi enhonatiohkowá꞉nenke; tékeni iawén꞉re nihá꞉ti enhonekenhteronʼtsheraién꞉take né꞉ne rotinontí꞉ioʼs enkénhake, tánon né enhiiónniaʼte nahotiohkowá꞉nenke.

Genesis 17:4

“Nok Ní꞉ʼi ne kí꞉ken nakaterihwahseronniáhtshera tsi naʼtetiátere: wakahrhá꞉ratste í꞉se ne kahsótshera enhsá꞉ton tsi niaʼteiakaonhontsákes nonkwehshón꞉ʼahs.

Genesis 26:22

NʼIsaac aé꞉ren wá꞉rehte neh nón꞉we tánon ó꞉ia sahathnawerón꞉ni, iáh ne ónhka thaʼtehotirihwati꞉ronte; sók kíʼ Rehoboth ne ne wahaná꞉tonhkwe, ratónnions, wahén꞉ron, “Ónen kíʼ ne Roiá꞉ner wahshonkwanaktowanáhten, tánon kíʼ kwáh enionkwentiohkowáhnha ne tsi ionhontsá꞉ien.”

Genesis 28:3

Aiá꞉wens ne Roʼshatstenhserowá꞉nen Rawenni꞉io ahiaiaʼtaté꞉rihste tánon ahiónnien ne wé꞉so aesawiraién꞉taʼne tánon naesewentiohkowáhnha, í꞉se kaʼníhsera ahsá꞉ton ne iakotiohkowá꞉nen onkwehshón꞉ʼa!

Genesis 35:11

Ne Rawenni꞉io wahawènhahse, “I꞉i ne Ní꞉io wakeʼshatstenhserowá꞉nen: sathwatsirón꞉ni tánon sewentiohkowáhnha; nonkwehshón꞉ʼa tánon niaʼteiakahontsá꞉kes isé꞉ke non entieiènhtahkwe tsi enionthwatsirón꞉ni, tánon ótiaʼks tsi nienhsathwatsirí꞉ne enhotinontí꞉ioʼne.

Genesis 41:52

Ne tekeníhaton Ephraim ne wahoná꞉tonhkwe, “Aseʼkénh Rawenni꞉io wahakónnien naonkewiraién꞉taʼne kén꞉ʼen ne tsi ionhontsá꞉ien nón꞉we niwakeronhiá꞉ken.”

Genesis 47:27

Tánon ne Israel Egypt aotonhontsà꞉ke non꞉we nahanà꞉taien, ne ne tsi watonhontsá꞉ien ne Goshen; tánon wahontiénawahste nonhóntsa neh nón꞉we, tánon wé꞉so wahonatónnien tánon kwáh í꞉ken tsi wahonatiohkowáhnha.

Genesis 48:3

Tánon ne Jacob wahawènhahse ne Só꞉se, “Ne Rawenni꞉io Roʼshatstenhserowá꞉nen wahakatotáhshiáʼse ne Luz nón꞉we ne tsi tionhontsá꞉ien ne Canaan tánon wahatiaʼtaté꞉rihsteʼ,

Genesis 48:4

tánon wahakènhahse, ‘Ne enkoniónnien ne wé꞉so aesawiraién꞉taʼne tánon nahswatsirowáhnha; enkontiohkó꞉wanahte, tánon entekhé꞉ion kíʼ kén꞉ʼen ionhontsá꞉ien tsi ienhsatwatsí꞉rine ne nahonawenkhón꞉weke tsi nèn꞉we.’

Ezra 4:20

Rothishatstenhserohwá꞉nenhskwe rotinonhtí꞉ioskwe ronatenonhtiióston ne nón꞉we tánon ronatkoráston tsi niwatenáskwah tsi kanakerahserá꞉ien ne tsi iaʼtewatsénhtos nokwá꞉ti ne Euphrates, rathirohróks꞉kwe tsi nihiokaraién꞉tons ó꞉ni nowístas.

Leviticus 26:9

Kwáh enkwahiatatérisʼte tánon wéso enkwaksatawíhon; kwáh enkatiénawasʼte naterihwaseronhniátshera ne wát꞉son tsi natetewátere.