Genesis 17:3 - Ohiatonhseratokénti

³ Eʼthó꞉ne né Abram wahatatiaʼtiè꞉nenhte kwáh tshiahakonhsó꞉taʼne nonwentsà꞉ke; tánon ne Rawenni꞉io wahawènhahse,

Genesis 17:3 ပူးပေါင်းရင်းမြစ်များ

Genesis 17:17

Eʼthó꞉ne ne Abraham onhwentsá꞉ke tshiahakonhsó꞉tane tánon wahahsté꞉rihste, tánon raonhá꞉ke khók tsi wahén꞉ron, “Iotón꞉on ónhteʼkenh ne raksá꞉a nahrennákerate né rón꞉kwe ne roʼníha akénhake nó꞉nen né rón꞉kwe énskaʼtewenʼniáwe niiohserá꞉ke nithó꞉ion? Aó꞉wenh kenh ne Sarah, náonha ó꞉nen tióhton niwáhsen niiohserá꞉ke nitió꞉ion, naiowiraièn꞉taʼne?”

Genesis 18:2

wahatarakhétsko tánon áhsen nihá꞉ti ronnón꞉kwe wahshakó꞉ken raohén꞉ton thón꞉nete. Nó꞉nen shahshákó꞉ken, iahaiakénhstahkwe né tsi ieiontaweiaʼtáhkhwah naʼtóhsera niaʼtahshakóterahte, tánon ohontsà꞉ke iaʼthatshá꞉kete,

1 Kings 18:39

Nó꞉nen nonkweshónhas sahontkátho kí꞉ken, ohontsáke wahonthatsatónhti tánon waʼthothihénreʼte, “Ne Roiá꞉ner séh ne Ní꞉io í꞉ken; né꞉ne Roiá꞉ner rahonhatsíwa Ní꞉io í꞉ken!”

Exodus 3:6

Í꞉i Naʼkení꞉io ne sesotʼthonkonhkénʼen, né꞉ne Rahotiní꞉io ne Abraham, lsacc, ó꞉ni ne Jacob.” Káti ne Mahís wahatʼkonhsàh꞉sehʼte, tsioríwa tsi wahaʼtsàhniʼke nahó꞉ken ne Rawenni꞉io.

Ezekiel 1:28

Kwáh tiosaháton ne rahiatakʼtóntie tsi tehioterónhronhte, tsi ní꞉ioht ne iorónhronhte teioswátʼte ne tsi iotsikerahrónhnions. Thóh kíʼ ní꞉ioht ne raohiatanerahkwáhtshera ne Roiá꞉ner tsi wahakathotáshiaʼse. Nónenh shakatkátho, kwáh tiekʼkonhskárahte tsi okenhráhke wahtiataiéntahne, tánon onhkathóntehne ónhkak ionhktharáhni,

Ezekiel 3:23

Káti awenhráhkwahkon niaháke, tánon thóh nónhwe iakatkátho ne raohiatanerahkwáhtshera ne Roiá꞉ner, kwáh tsi ní꞉ioht tsi wakatkáton ne Chebar kaniatarákʼta. Kwáh tshiekʼkonhskáʼrahte ohontsáke watiataiéntane,

Ezekiel 9:8

Tsi náhe shakonawenhtʼthóseronhs, kwáh akonwáhhaʼkhok éh íkeskwe. Ohontsáke wakatsiatsénenhte kwáh tietkonhskárate tánon tewakʼkenrétha, “Sanonhtí꞉io Saiá꞉ner, thóh kén nióre tsi senákwahse ne Jerusalem tsi kwáh rathikwékon ensehnonhwarhiákon ne iatehiakothaténron ne Israerʼró꞉nonhke.”

Daniel 10:9

Shahiwenná꞉ronke, onhwentsià꞉ke watiaʼtaién꞉taʼne onkeʼnikonhráhton thiekkonhskárhate tsi ietiá꞉taien.

Numbers 14:5

Ethóne ne Mahís tánon ne Aaron ohontsáke watʼhiatʼtshákete rahotihénton nonhkweshón꞉á.

Numbers 16:22

Ók kíʼ ne Mahís tánon ne Aaron wathiaʼtshàkete ohontsáke teniká꞉nere tánon waní꞉ron, “Ó Sewenní꞉io, í꞉se akwékon tsatakwení꞉io ne tsi iakónhnhe. Nó꞉nen tsaʼkwahiatáʼtshons enhiakwarihwánerake, kanakerasehrakwékon kén ensehnákwahse?”

Numbers 16:45

“Èhren íset tsi rónhnes kí꞉ken onhkweshón꞉ʼas, tánon kwáh tsi nónhwe nihónhnete tsi enkhehiáthonʼte!” Ne tenihiáse waʼkhiatshákete ohontsáke tenikánere,

Matthew 17:6

Tsinahoten ȣahonronke ne raotiokȣa, akȣa ehtake ȣahatiiatakerontane tsi nahonateronhienton.

Joshua 5:14

“Iáh ne kakniká꞉ien akénhake,” ne rónhkwe wathariwaʼsehrá꞉ko. “Tsi kén꞉en í꞉kes í꞉i ne kenenhrakweʼní꞉io ne Roiá꞉ner rahotióhkwa ne ronhterí꞉ios.” Ne Joshua ohontsá꞉ke wahathatiaktiénenhte tsi nahokwéniensthe tánon wahèn꞉ron, “í꞉i ne shanátsera, shénshion. Nahó꞉ten teshatonhontsóni tsi nátiere?”

Revelation 1:17

Nó꞉nen sahí꞉ken, watsiataién꞉taʼne rashitákʼtha tsi ní꞉iot nahonkihé꞉ionke. Ók wathakanisnónhsaren ne saweientenhthákwen, ratón꞉nions, “Tó꞉sa saterónh; Í꞉i ne tiotierenhthá꞉kwen tánon nonaʼkénkha í꞉ken,

Judges 13:20

Tsi nikaríhwes nothónhkwa iotharathathonhátse ne ietsienharákwahke, Manoah tánon ne ró꞉ne wahonwáken ne Roiá꞉ner rahoronhiakeró꞉non karonhiáke hionhsáre thóh tsi iotónkhoʼte. Ne Manoah thó꞉ne nahát꞉thoke nètho rónhkwe tsi Roiá꞉ner rahoronhiakeró꞉non í꞉ken, tánon rahónha ó꞉ni ne ró꞉ne kwáh nikonhsáke kahénte ohontsáke wanihiataiénhthaʼne. Iáh nonhwénhton shé꞉kon thesonhwáken ne raronhiakeró꞉non.