Genesis 17:19 - Ohiatonhseratokénti

¹⁹ Ne Rawenni꞉io wahén꞉ron, “Iáh, ók ne Sarah ne tesení꞉teron roskenʼrakéhte eniowiraién꞉taʼne né sarihwá꞉ke, tánon ó꞉nenk tsi Isaac entiená꞉tonhkwe. Kwáh enkerihwahní꞉rate nakaterihwaseronniáhtshera skátne ne ráonha né꞉ne tsi nèn꞉we Enká꞉take ó꞉ni tsi wahahwatsiratátie. Né꞉ne tsi nèn꞉we enká꞉take naterihwahseronniáhtshera.

Genesis 17:19 ပူးပေါင်းရင်းမြစ်များ

Genesis 16:11

Tánon ne Roiá꞉ner raoronhiaʼkehró꞉non sahrènhahse, satahónhsatat, ó꞉nen sawiraientá꞉sere, tánon ensanekenhteronʼtsheraièn꞉taʼne; ó꞉nenk tsi Ishmael enhtsenà꞉tonhkwe; aseʼkénh ne Roiá꞉ner wahothón꞉teʼne tsi niió꞉re tsi saronhiá꞉ken.

Genesis 17:16

Kwáh enkheiaʼtaté꞉riste, tánon sénha ísiʼ nón꞉we kwáh entkón꞉ion naesanekenhterontsheraién꞉tane naonhá꞉ke entkaiènhtahkwe; kwáh entiaʼtaté꞉riste, áonha né kahsótshera enkénhake nonkwehshón꞉ʼahs; tánon ótiaʼkehs enhshakotinontí꞉iokehs nonhkweshón꞉ʼahs né naonhá꞉ke nón꞉we nèntewe.”

Genesis 17:18

Tánon Abraham wahawènhahse ne Rawenni꞉io, “O nétho Ishmael nontié꞉reʼk enhrónnheke ne sahén꞉ton!”

Genesis 17:21

Ók enkerihwaní꞉rate nakaterihwahseronniáhtshera skát꞉ne ne Isaac, tsi niká꞉ien né Sarah eniowiraién꞉taʼne ne sarihwá꞉ke né꞉ne tsi nón꞉wa niwathá꞉wi né ientsóhserate.”

Genesis 17:7

Tánon kwáh éntien nakaterihwahseronniáhtshera tsi naʼtetiátere ó꞉ni tsi nienhsathwatsí꞉rine, tánon kwáh ó꞉ni tsi wahatinekwenhsatátie né꞉ne tsi nén꞉we enká꞉take naterihwahseronniáhtshera, kwáh Í꞉i ne Saní꞉io enkénhake tánon tsi nienhsathwatsí꞉rine ó꞉ni nó꞉nen ensenhé꞉ionke.

Genesis 21:6

Tánon waʼkén꞉ron ne Sarah, “Rawenni꞉io tahakhawíten ne atshennonniáhtsera ó꞉ni kasteristáhtshera. Ne tsik ónhka aierihwá꞉ronke kí꞉ken kwáh kíʼ skátne tsi eniakwasté꞉riste.”

Genesis 26:2

Tánon ne Roiá꞉ner wahototáhshien NʼIsaac tánon wahén꞉ron, “Tóhsa Egypt nienhènhse; thóh senákerek ne tsi ionhwentsá꞉ien tsi nenkonhró꞉ri.

Genesis 26:3

Nikarihwésha kén꞉ʼen tsi ionhwentsá꞉ien tsiʼ terón꞉tak, entenikwekónhake ó꞉ni enkoniaʼtaté꞉rihste; ní꞉se tánon tsi nienhsathwatsí꞉rine kwáh énttion akwé꞉kon kí꞉ken ionhwentsá꞉ienʼs, kwáh kíʼ énkenahne tsi niwakerihwahnirá꞉ton tsi nihihrharatstén꞉ni ne Abraham iaʼníha.

Genesis 9:16

Ne nó꞉nen naʼén꞉na tsi iotshatarónnion nón꞉we ní꞉weʼs, kwáh kiʼ enkatkáhtho tánon enhkehiá꞉raʼne ne꞉ne tsi nén꞉we enká꞉take naterihwahseronniáhtshera tsi naʼtehóntere ne Rawenni꞉io tánon ne ronnonhnhénion, tánon kwáh tsi nahó꞉ten ne iónhnhe ne tsi ionhwentsá꞉te.”

Luke 1:55

Tsikiniioh tsi sakorharaststenni nonkȣanisera, neh tohiken Abraham nok oni tsinonkati ne sakoienhokonha tsinenȣe.

Hebrews 11:11

Tewehtákwen seh wahkakwéni ne Abraham tsi kanísera waháton, iawehrohátien tsi ónen sóhtsi shihoksténha tánon ne Sarah akahónha ó꞉ni iáh tahónton nahiakowirahiéntaʼne. Thonwetákwenhne ne Rawenni꞉io tsi rotienawáston tsi nahóten rorahrátston.