Genesis 17:15 - Ohiatonhseratokénti

¹⁵ Ne Rawenni꞉io wahawènhase ne Abraham, “Iáh ó꞉nen tetsó꞉wenk ne tesení꞉teron Sarai aonsashenaʼtónhkwake: ken ienwatáhsawen Sarah entsontatiátsheke.

Genesis 17:15 ပူးပေါင်းရင်းမြစ်များ

Genesis 11:29

Tánon ne Abram ó꞉ni ne Nahor wahotíniaʼke; tánon ne Nahor ró꞉ne Milcah iontátiats, ne sakoièn꞉a ne Haran ne ronhwaníha ne Milcah ó꞉ni ne Iscah. Ne nenʼ ne wahotíniaʼke, né nenʼne ne Haran shakoién꞉a, ne nónhne shakoièn꞉a ne Iscah.

Genesis 17:14

Ónhka ne roskenʼrakéhte né iáh tehonwaʼwahrakwé꞉taron kwáh kíʼ iáh ráonha tewakonkwé꞉ta té꞉ken, tiorí꞉wa tsi iáh tehoteweièn꞉ton nakateriwahseronniáhtsera skátne Ní꞉i.”

Genesis 17:16

Kwáh enkheiaʼtaté꞉riste, tánon sénha ísiʼ nón꞉we kwáh entkón꞉ion naesanekenhterontsheraién꞉tane naonhá꞉ke entkaiènhtahkwe; kwáh entiaʼtaté꞉riste, áonha né kahsótshera enkénhake nonkwehshón꞉ʼahs; tánon ótiaʼkehs enhshakotinontí꞉iokehs nonhkweshón꞉ʼahs né naonhá꞉ke nón꞉we nèntewe.”

Genesis 17:5

Iáh ó꞉nen Abram thaonsaiesaiátsheke, nók Abraham, asè꞉ken waʼkonión꞉nien í꞉se ne kaʼníhsera enhsá꞉ton ne iakotiohkowá꞉nen onkwehshón꞉ʼa.

Genesis 32:28

Eʼthó꞉ne ne rón꞉kwe wahén꞉ron, “Kwáh kíʼ ó꞉nen iáh Jacob thaonsaiesanaʼtónhkhwake, ók Israel, aseʼkénh wetsaterí꞉io ne Rawenni꞉io ó꞉ni nonkwehshón꞉a, tánon kíʼ wahsatkwé꞉ni.”

2 Samuel 12:25

tánon iahaʼterihwániete ne ne rotokénhse Nathan iaharihwénhawe; káti ne raónha Jedidiah wahoná꞉tonhkwe, tsioríhwa ne Roiá꞉ner tsi ronnorónhkwa.

Isaiah 51:1

Takwahtahónsatat, í꞉se ne nètho sewásehre naʼterihwakwahrihshión꞉tshera, í꞉se ne tsiʼsewahiatísaks ne Roiá꞉ner. Iasatʼkátho nosténhra tsi nón꞉we tsesakwétaron, tánon ne tsi ienenhiokwáts꞉tha tsi nón꞉we tsesakenratákwen.