Genesis 17:13 - Ohiatonhseratokénti

¹³ Tetsá꞉ron ne sanónhskon ronennakerá꞉ton tánon né rónwatiiaʼtahní꞉non né sahwísta wáston, ó꞉nenk tsi enhonwatiʼwahrakwé꞉taron. Ne ká꞉ti nakaterihwahseronniáhtshera sawahrónhne nón꞉we neniotatén꞉ronke né꞉ne tsi nén꞉we enkénhake.

Genesis 17:13 ပူးပေါင်းရင်းမြစ်များ

Genesis 14:14

Nó꞉nen ne Abram saharihwá꞉ronke ne raonhwatén꞉ʼa tsi ronwaié꞉nen, wahshakohén꞉tenʼse ne karihonnién꞉ni ronnón꞉kwe, ne ne raonónhskon ronanakerá꞉ton, áhsen-tewenʼniáwe shatékon-iawén꞉re nihá꞉ti, tánon wahshakotíhsere kwáh tsi niió꞉re ne Dan.

Genesis 15:3

Tánon nʼAbram wahén꞉ron, “Satkáhtho, ní꞉se iáh othé꞉non teskewirá꞉wi; shaiá꞉ta nakehnhá꞉tshera nakenónhskon rawennakerá꞉ton ne enhshowenkhón꞉weke natientáhtshera.”

Genesis 17:7

Tánon kwáh éntien nakaterihwahseronniáhtshera tsi naʼtetiátere ó꞉ni tsi nienhsathwatsí꞉rine, tánon kwáh ó꞉ni tsi wahatinekwenhsatátie né꞉ne tsi nén꞉we enká꞉take naterihwahseronniáhtshera, kwáh Í꞉i ne Saní꞉io enkénhake tánon tsi nienhsathwatsí꞉rine ó꞉ni nó꞉nen ensenhé꞉ionke.

Genesis 37:27

Káts, ánion ne ráonha ronnónha ieiethiiatenhní꞉nonʼs thí꞉ken Ishmaelró꞉nons, tánon iáh nenʼ ne ʼeh tshiaʼtatshitewanihsnonhsá꞉ren, aseʼkénh tewatateʼkén꞉ʼa kíʼ wáhi, ne ne kwáh í꞉i onkwaʼwá꞉ron í꞉ken.” Tánon ne rontateʼkoʼokón꞉ʼahs wahatirihwanón꞉weʼne.

Genesis 37:36

Eh neʼ ná꞉he né Midianró꞉nons ionsahonwatenhní꞉non ne Egypt nón꞉we Potiphar sahotiaʼtakweʼní꞉iohste, ne ne shaiá꞉ta ne Pharaoh raohnhá꞉tshera í꞉ken, ne ohén꞉ton ié꞉rate ratiʼnikón꞉rá꞉re.

Genesis 39:1

Nón꞉wa ne Só꞉se Egypt niehonwaiaʼténha, tánon ne Potiphar, ne ne Pharaoh raonkwé꞉ta rahsennowá꞉nen, ne ohén꞉ton ié꞉rate ne ratiʼnikón꞉rare, Egyptró꞉non nahaiaʼtó꞉ten, ne ne Ishmaelró꞉nons wahonwaiaʼtahní꞉non ne Só꞉se ronónha iehonwaiaʼténha neh nón꞉we.

Genesis 9:16

Ne nó꞉nen naʼén꞉na tsi iotshatarónnion nón꞉we ní꞉weʼs, kwáh kiʼ enkatkáhtho tánon enhkehiá꞉raʼne ne꞉ne tsi nén꞉we enká꞉take naterihwahseronniáhtshera tsi naʼtehóntere ne Rawenni꞉io tánon ne ronnonhnhénion, tánon kwáh tsi nahó꞉ten ne iónhnhe ne tsi ionhwentsá꞉te.”

Nehemiah 5:5

Ó꞉nen ne tsi ionkwawará꞉re thóh ní꞉ioht tsi nihotiwá꞉rare ne iakwahtatekenʼokón꞉as, ne iakhiioʼokón꞉as kwáh thóh ní꞉ioht tsi ní꞉ioht ne ronwatiioʼokón꞉as; ne kí ó꞉ni entiakhiiaʼténhawe ne iakhiioʼokón꞉as nahonwatinaskónhni, tánon ótiaʼkhes ne iakhiioʼokón꞉as tionaʼthonwí꞉sens titkonwananontónhni; tanon iáh othé꞉non tehionkwashatstenhserá꞉ien tánon nonkwahentashón꞉as ó꞉ni tsi ionkwanenharathosétons akó꞉ren raoná꞉wenk.”

Nehemiah 5:8

Tánon wakheién꞉hase, “Nontiónhake, tsi nióre tsi enhionkwakwénionk, thentithihiaʼténhawe ne Sitaeró꞉nons tewathatekénʼahs ronónha ne ronwanathenhnínonkwe ne tiʼotinakareserá꞉te; tánon káti ó꞉nen enhietsihiathenhní꞉non ne sewathatekén꞉as ne raónha ne entionkhihiathenhní꞉nonse?” Tánon sak thahonthatón꞉ni iáh teotikwé꞉nion ne thé꞉non ahonénhke.

Exodus 12:44

ók ónhka ne rahnhátshera ne tsi sehwahiaʼtaʼnínon enwáton ne tahaʼtskáhon tó꞉ka ohénton enteʼtsisewaʼwarahkwétaron.

Exodus 21:16

“Ónhka né tahionthatiáʼthakwen, né꞉ne ahonsahonwatenhnínon tó꞉ka ó꞉ni ahonwaʼteweiénhton nahonwaʼtenhatsherónhniathe, kwáh kíʼ enhonwaʼnonhwarhiákon.

Exodus 21:2

Tó꞉ka entsiʼsewahiá꞉taninon ne Hebrew ranhátshera, ónenk tsi iá꞉iak niʼioseràke entsiʼsewahiótenhse. Né tsatákhaton niʼioserakeʼhátie kwáh ensathaʼtewenhní꞉ione né꞉ne kwáh iáh othènen thaʼhiokaraiénthake.

Exodus 21:4

Tó꞉ka ne róhnhas wahoniákʼten tánon wahowiraiéntaʼne roskenrakète tó꞉ka ó꞉ni iekʼsá꞉a, né iónkwe ó꞉ni nakohiohʼokónhas né kíʼ ne rahiataʼkweʼní꞉io rahonkwetaʼshónhas enkénhake, tánon kíʼ ne rónhkwe kwáh rahonhaʼtsíwa tsi enshaʼténti.

Leviticus 22:11

Ók kíʼ ne ratsihénstatsi ronhwahiótenhse, né kwáh rahónha rahowístha sakohiathaninónhton tó꞉ka ó꞉ni ne rahonónskon ronahnakeráton, enwá꞉ton nahónhneke neká꞉khwas ne ratsihénstatsi roienáhon.

Matthew 18:25

Nok tsi iah othenon tehoien nahakariakte: ȣahatennhane naonȣatenninon, oni ne rone, nok oni ne sakoienhokonha nok neh aontkariakte tsinikon rotkarote.