Genesis 17:1 - Ohiatonhseratokénti

¹ Ne nó꞉nen ne Abram tióhton niwáhsen tánon tióh-ton shaʼtehaohseriiá꞉kon, ne Roiá꞉ner wahototáhshien ne Abram tánon wahawènhahse, “I꞉i ne Ní꞉io wakeʼshaststenhserowá꞉nen; takewèn꞉narahk tánon kwáh tóhsa ohthé꞉non iesarihwatshènriaʼs.

Genesis 17:1 ပူးပေါင်းရင်းမြစ်များ

Genesis 12:1

Ó꞉nen ne Roiá꞉ner wahawénhase ne Abram, “É꞉ren í꞉seht tsi nón꞉we nisanakerahserá꞉ien, ó꞉ni ne sewatátenonhkwe, tánon ne tsi ronónhsote ne iaʼníha ne tsi tiohontsá꞉ien ienkonnaʼtón꞉hase.

Genesis 12:7

Ethó꞉ne ne Roiá꞉ner wahototáhshien ne Abram tánon wahén꞉ron, “Tsi nienhsathwatsí꞉rine, né kí ne kanakeráhsera kheiawí꞉re.” Sók kíʼ thóh nón꞉we nahaónnien ne ietsenhahráhkwa ne Roiá꞉ner, ne ne rototahshién꞉ni.

Genesis 16:16

NʼAbram shaʼté꞉kon-niwáhsenʼ iá꞉iaʼk shaʼtehaohseriiá꞉kon nó꞉nen né Hagar shahawennákeratste né Ishmael.

Genesis 18:1

Ne Roiá꞉ner wahototáhshien ne Abraham ákta tsi kehrhí꞉tonʼs ne karíhtonʼs, né꞉ne Mamre nón꞉we, thóh rentskó꞉tahkwe ne tsi ieiontaweiaʼtáhkhwa ne raoʼtohserà꞉kon né kwáh siiorahkwatarí꞉hen,

Genesis 18:14

Thénen ónhte kenh sóh꞉tsi wentó꞉re ne Roiá꞉ner raorihwá꞉ke? Tsi niekaná꞉ton Kwáh téntke tentkoniatkenʼsé꞉ra, né꞉ne kokwité꞉ne nenkahá꞉wike, tánon ne Sarah roskenʼrakéhte eniakonekenhteronʼtsheraién꞉take.”

Genesis 24:40

Ók wahakènhahse, ‘Ne Roiá꞉ner, tsi niká꞉ien ne raohén꞉ton í꞉keh enthoténniehte ne raoronhiaʼkehró꞉non naetsatenró꞉shen ne enhshaiánerahste tsi niènhse. Entehsheiaʼténhawe ne iakón꞉kwe nahotíniake ne riièn꞉ʼa ne ne Í꞉i iakwatátenonhkwe non néntien, ne ne rakeʼníha nokwá raohwá꞉tsire.

Genesis 26:2

Tánon ne Roiá꞉ner wahototáhshien NʼIsaac tánon wahén꞉ron, “Tóhsa Egypt nienhènhse; thóh senákerek ne tsi ionhwentsá꞉ien tsi nenkonhró꞉ri.

Genesis 28:3

Aiá꞉wens ne Roʼshatstenhserowá꞉nen Rawenni꞉io ahiaiaʼtaté꞉rihste tánon ahiónnien ne wé꞉so aesawiraién꞉taʼne tánon naesewentiohkowáhnha, í꞉se kaʼníhsera ahsá꞉ton ne iakotiohkowá꞉nen onkwehshón꞉ʼa!

Genesis 35:11

Ne Rawenni꞉io wahawènhahse, “I꞉i ne Ní꞉io wakeʼshatstenhserowá꞉nen: sathwatsirón꞉ni tánon sewentiohkowáhnha; nonkwehshón꞉ʼa tánon niaʼteiakahontsá꞉kes isé꞉ke non entieiènhtahkwe tsi enionthwatsirón꞉ni, tánon ótiaʼks tsi nienhsathwatsirí꞉ne enhotinontí꞉ioʼne.

Genesis 43:14

aiá꞉wens ne Roʼshatstenhserowá꞉nen Rawenni꞉io aontahtshition ne kentén꞉rat raohén꞉ton nétho rón꞉kwe, ne naón꞉ton taontahoténniehte nó꞉ia sewatateʼkén꞉ʼa tánon ne Benjamin. Ók ní꞉i, tóka ʼeh naiá꞉wenʼne aonká꞉tonʼse ne kheioʼokón꞉ʼa, eʼthó꞉ne kiʼ kwáh waká꞉tonʼs.”

Genesis 46:3

Eʼthó꞉ne ne Rawenni꞉io wahén꞉ron, “Í꞉i ne Ní꞉io, ne Raoní꞉io ne iaʼníha; tóhsa sáhteronʼn ne Egypt niáhse, aseʼkénh kwáh ne enkoniónniaʼte naesewentiohkowáhnha ne nón꞉we.

Genesis 48:15

Wahoiaʼtaté꞉rihste ne Só꞉se, tánon wahén꞉ron, “Ne Rawenni꞉io ráonha ne tió꞉konte raotihén꞉ton í꞉re ne ne khehsothokonʼkénhen ne ne Abraham tánon ne Isaac, Ne Rawenni꞉io ráonha tió꞉konte sihakeʼnikonhrarátieʼs kwáh tsi nikarí꞉wes shikónhnhe tánon shé꞉kon nón꞉wa wenhniserá꞉te,

Genesis 48:3

Tánon ne Jacob wahawènhahse ne Só꞉se, “Ne Rawenni꞉io Roʼshatstenhserowá꞉nen wahakatotáhshiáʼse ne Luz nón꞉we ne tsi tionhontsá꞉ien ne Canaan tánon wahatiaʼtaté꞉rihsteʼ,

Genesis 6:9

Né ki꞉ken tsi niehotwatsiríhnon ne Noah. Ne Noah kwáh íken tsi tronkwetaiérihkwe, iáh othénnen tahonwarihwatsénhriase tsi nihothenhnisehraténionkwe; ne Noah skátne tehiatekhahakwahkwe ne Rawenni꞉io.

1 Kings 2:4

Tó꞉ka entsewénhnaraʼkwe, ne Roiá꞉ner enhatsénawasʼthe narahrátseras né rósons nó꞉nen sahatró꞉ri swatsiratátie enhonhtkórasʼthe Nisraerʼró꞉nonhke kwáh tsi nikaríhwes enhonthenhnikonhráren nahontewénhnaraʼkwe ne rahorihwatátʼtseras enhotirihwatoʼkénhake kwáh ronerhiasakwékon ó꞉ni rahonahthonnhetseraʼkwékon.

1 Kings 3:6

Solomon watharihwasehráko, “Tiókonte sés kowánen kanoronhkwáhtsera senéston tsi nòkwah ne rakeʼníha Táwit, ne sanhátsera, tánon thorihwaiérihkwe, rorihwató꞉kenhne, tánon roʼrihwakwahríhshonhne tsi naʼtetsaterihwasónhteraʼkwe. Tánon kíʼ iaskónhthaʼkwe waʼtsenathónhase ne kowánen iorihwató꞉ken kanoronhkwáhtsera tsi thá꞉tion wahonekenteronhtseraʼiéntaʼne tsi rahónha nónhwa wenhniseráte rotkoráston ne rahonákʼthaʼke.

1 Kings 8:25

Tánon káti ónen, Saiá꞉ner Sheʼwenní꞉io Nisraerʼró꞉nons, wakaterénhnaien né ó꞉ni nahsatiénawasʼte nó꞉ia tsinitsiarahratsʼténhni ne rakeʼníha ne shastsró꞉ri tsi kwáh tiókonte tsi né nónhkak ne tsi ienhatwatsiríhne enhotkorastónhake tsi enhonhnontí꞉ioʼke Nisraerʼró꞉nonke, né ki entewanón꞉ton tsi kwáh enthotinikonhrakonhthakwénhake tsi eniesawenhnarákwahke tsi né niʼhiotónhne ne rahónha.

2 Kings 20:3

“Takweʼhiárak nón꞉wa O Saiá꞉ner, wakonianiténten, tsi ní꞉ioht tsi tewakatekhahákwen ne sahénton iothokenskéʼonwe ó꞉ni kwáh akweʼriasakwékon, tánon thóh niwatiéren ne sahénton tsi nahó꞉ten ne ioiánere.” Tánon ne Hezekiah otsitó꞉wa tsi ní꞉ioht tsi wathashéntho.

Job Tánon ne Raoronhiakensera 1:1

Ronkweʼkén꞉en thoraná꞉kereʼkwe tsi watonwentsá꞉ien ne Uz. Job ronwá꞉iatskwe tánon kwáh iáh othé꞉non tewátonskwe ne othé꞉nen ahontahonwárase tánon tronkweʼtaiérihkwe, tánon ne nénska rónkwe kwáh í꞉ken tsi rorihwakweniénstakwe ne Rawenni꞉io tánon ratharonhtsiénskwe tsi nokwáh ne karihwahetkénhsera.

Job Tánon ne Raoronhiakensera 11:7

“Askwé꞉ni ken natsiataʼtshén꞉ri ne Ní꞉io natsiatísake? Askwé꞉ni ken naserihwatshén꞉ri thóh nihosénhnes ne Roshatstenhserowanenhkó꞉wa?

Psalms 115:3

Nón꞉kwah Ní꞉io karonhiáke nón꞉we thénteron; thóh nihaiéra kwáh tsi nenhthanón꞉wehne.

Psalms 116:9

Tewaʼkatonhontsóni thóh nón꞉we nahonkathaténhronhke tsi ionhontsáien ne iakónnhe tánon tsaták꞉ta nón꞉we nakónnheke.

Psalms 25:14

Nahonwaʼterosehrónhnien ne Roiá꞉ner né꞉ne tsi nihiákon ne ronwaʼtsánis, tánon sakawenesténhnis ne raoterihwaseronniátsera.

Exodus 6:3

Khehiaʼthotashiénʼni ne Abraham, ó꞉ni ne lsaac, ó꞉ni ne Jacob tsi Wakeshatsʼtenseroʼwáhnen Ní꞉io, ók iáh kíʼ né tewakathatonhniáton Watiá꞉ner ne roʼnonhàke tsi ne naʼiontsenterestaʼkwe natʼsenhnató꞉kenti.

Proverbs 10:9

Ón꞉kwe tiakorihwaié꞉ri skén꞉nen tsi ronnonhtónnions tánon enhotiiaʼtahnirónhake nok ne iáh tethotirihwaié꞉ri enhatiiaʼtató꞉kenʼne.

Isaiah 38:3

“Sasehiá꞉ran ó꞉nen Saiá꞉ner, wakonhianiténhten, tsi ní꞉ioht tsi tewakatekhaʼhákwen ne sahénton né꞉ne aóskon tewetákwen tsi kerhiasakwékon í꞉ken, tánon thóh niwatiéren nahó꞉ten ne ioiánere ne sahénton.” Tánon ne Hezekiah otsitówa tsi waʼthaséntʼtho.

Jeremiah 32:17

“Sahnonhtí꞉io Saiá꞉ner, i꞉se shá꞉son ne tsi ionwenhtsiáte ó꞉ni ne tsi karonhiáte ne sátsthon tsi sashastsʼtenserowáhnen ó꞉ni sehsátsʼte; kwáh iáh thahóthen ne ahisentoráhkwen.

Daniel 4:35

Ne ronnonhwentsakehró꞉non kwáh iáh thé꞉nen karí꞉wa té꞉ken tsi tehshakoká꞉nere; ratironhiaʼkehró꞉non tánon ne ronnonhwentsaʼkehró꞉non kwáh ratikwé꞉kon raónha tehshakoniarotárhon. Iáh ónhka thaiekwé꞉ni ne tahonwátahste, tókaʼ ó꞉ni ahonwariʼwanóntonhse onhnihatiérha.

Micah 6:8

Eʼtsisewahró꞉ri, O tiónkwe, tsi nahó꞉ten ne ioiá꞉nere í꞉ken. Tánon tsi thóh kiniiot ne Roiá꞉ner tsi sewarihwanonhtón꞉nis: Ne sewahiò꞉ten ne tkarihwaié꞉ri, tánon ne iorihwató꞉ken kanoronhkwáhtshera, tánon tsi tesewatekhá꞉hakwe sewanitentón꞉hak rahonhà꞉ke ne Ní꞉io.

Numbers 11:23

“Iehiotók꞉the kèn nakeshatsténshera?” ne Roiá꞉ner watharihwasehráko. “Kwáh iosthó꞉re ensatʼkátho tó꞉ka kèn tsi nahó꞉ten wáken thóh nenhiáwenhne khès ne iáh!”

Numbers 24:16

Ónhka aiekwéni nahiakothóntene tsi nahó꞉ten rathónhnions ne Rawenni꞉io Tánon nahieiéna natohkhátshera tsi nitewé꞉tha ne kwáh éhneken nónhwe. Tiatewaʼtkarotáhon atetʼtshenhserákon Thiʼhiothasátare tsi ríhkens ne Roshatstenserowánen Rawenni꞉io.

Matthew 19:26

Ȣasakotkatho ne Iesos nok ȣahenron: ethoneneh tsinonkȣati nonkȣene iah othenon taonton; nok ki tsinonkȣati ne Niio, oriȣakȣekon thiienȣaton.

Matthew 5:48

Eh tanisa nonteseȣariȣaierik tsinithoriȣaieri ne Etsiseȣaniha Karonhiake tenteron.

Luke 1:6

Nok rotiianerekȣe rahohenton ne Niio, oriȣakȣekon oni rotiriȣaieritonhatiene tsini ȣatenienten oni tsini kariȣataton ne Roianer raoriȣasonha, iah tehotinnhiseraien.

Acts 23:1

Kór kwáh iahatakwaríshiaʼte tsi iatesakotʼkáneren ne rathitsiénhaiens tánon wahénron, “Tewatatéken Israerʼró꞉nons! Nakweriáne kwáh oriwiʼiohónwe tsi tehioskwátʼte tsi ní꞉ioht tsi konʼnhétie rahohénton ne Rawenni꞉io tsi nióre nónwa wenniseráte.”

Acts 24:16

Káti tiotʼkonónwe iatewakatatʼtiaháton ne kwáh akeriasihióhake rahohénton ne Rawenni꞉io ó꞉ni nonkwesónha.

Ephesians 3:20

Rahonháke nónwe nitewètha ne kasatsʼténsera tsi hionkwakwenionhátie tsi niwéso hionkwahiotátie iáh sénha tahitewakwéni nísiʼnon nahitewariwanónton, tóhkaʼ ó꞉ni sénha wéso ahitewanonthónnionwe.

Deuteronomy 10:17

Ne Roiá꞉ner sewaNí꞉io raónha ne kwáh thóh shatstenhserowá꞉nen tsi nokwáh ne nihioʼokón꞉as ó꞉ni tsi nokwáh ne raotishatsténhseras. Tehoshatstenhseranónhiani, tánon ó꞉nenk tsi enhonwawénhnaraʼkwe. Iáh ká꞉neka teʼthariwaráhkwa, akwé꞉kon ne raoiatoreʼtá꞉tsheras tsi tkariwaié꞉ri.

Deuteronomy 18:13

Kwáh iehiokontaʼkwénhak sewariwatokénhak raonhà꞉ke ne Roiá꞉ner.”

Deuteronomy 30:20

Tsi sewanorónhkwak ne Roiá꞉ner sewaNí꞉io, tsi sewawénhnarak tánon sewariwatokénhak ne rahonhà꞉ke, tánon ethò꞉ne ní꞉se tánon tsi niensatwatsí꞉rine kwáh entionhnhésonhke ne tsi tiohontsá꞉ien né꞉tho tsi sewarahratstén꞉ni nahontashaká꞉wen ne ietsisoʼthonkonhkén꞉en, Abraham, Isaac, tánon ne Jacob.”

Philippians 4:13

Kwá tsík nakahiotenseróten enkʼkwéni nahontióten tioríwa tsi Kerístos rahkesastenseráwis.

Hebrews 12:28

Ánion kíʼ tethewahtenonwerátonsek, káti, tsoríhwa tsi entewahiéna ne kanakerásera né꞉ne iáh tahónton tahiotihéntonwe. Ánion ionkwatsennonníhak ó꞉ni tetsitewahnonweráton ne Rawenni꞉io né꞉ne ahkakwéni ahawerientí꞉io, aterennaientaʼtsherákon ó꞉ni kakwenienstátshera;

Hebrews 7:25

Tánon káti rohkwénion, nónwah ó꞉ni tiókonte, nashakoniákente tsi nihiákon né rahonháke nónwe nién꞉ien rahohénton ne Ní꞉io, tioríhwa tsi ronnhehónwe nahoniténtase ne Rawenni꞉io ne rahotirihwáhke.