Genesis 16:7 - Ohiatonhseratokénti

⁷ Ne Roiá꞉ner raoronhiaʼkeró꞉non waʼthiatátken ne Hagar tsi tiohné꞉kote ne iawentsathenhá꞉ke né꞉ne tsi nieiothahí꞉non ne Shur

Genesis 16:7 ပူးပေါင်းရင်းမြစ်များ

Genesis 20:1

NʼAbraham, Mamre nón꞉we tonhtahahtén꞉ti tánon tsit kanakerahserá꞉ien né Negeb nón꞉we iaʼtonsahaná꞉tahkwe, tánon thóh nón꞉we nonsahatatíʼteron tsi naʼtetiátere ne Kadesh tánon né Shur; tánon thóh ná꞉he Gerar nón꞉we nihenʼterón꞉tahkwe ne tsi thihahontsá꞉tehkwe í꞉ken.

Genesis 21:17

Tánon kí ne Rawenni꞉io wahowennà꞉ronke ne raksá꞉ʼa; tánon kíʼ ne raoronhiaʼkehró꞉non ne Rawenni꞉io iahaná꞉ton ne Hagar karonhiá꞉ke nontá꞉we, tánon wahrènhahse, “Nahó꞉ten tesatateʼnikónhrhare, Hagar? Tóhsa sáhteronʼn; asèkenh Rawenni꞉io wahowenná꞉ronhke ne raksá꞉ʼa tsi nón꞉we ní꞉res.

Genesis 21:18

Téstaʼn, tetʼtshiátahk né raksá꞉a tánon tetshahrhó꞉ton, asèkenh kwáh í꞉ken tsi enhitiohkó꞉wanahte.”

Genesis 21:19

Eʼthó꞉ne ne Rawenni꞉io tonsahakahkwaríhsi ne Hagar tánon ʼontkáhtho tionáwerote. Thóh niaháhe tánon sakahné꞉kanahne ne kanéhon wathnekaráhkhwa, tánon iahohné꞉kanonte ne raksá꞉a.

Genesis 22:11

Thontaiawénhstsi ne Roiá꞉ner raoronhiaʼkeró꞉non karonhià꞉ke nontá꞉we tahonà꞉ton, “Abraham, Abraham!” Waʼtharihwaʼserá꞉ko ne Abraham, “Kén꞉ʼen í꞉keʼs.”

Genesis 22:15

Ne Roiá꞉ner raoronhiaʼkeró꞉non shé꞉kon karonhiá꞉ke naʼtontá꞉we ionsahoná꞉ton ne Abraham ne tekeníhaton ionsónteratste,

Genesis 24:7

Ne Roiá꞉ner, ne Rawenni꞉io tsi karonhiá꞉te, tsi ráonha tatshiaʼtinekénhen ne tsi thonónhsote ne rakeʼníha tánon ne tsi tiohontsá꞉ien tsi nón꞉we tewakenakerá꞉ton; tánon tsi ráonha wahaktháhrhahse tánon akonhá꞉ke rorihwahnirá꞉ton, ‘Tsi nienhsathwatsí꞉rine kwáh entekhé꞉ion kíʼ kén꞉ʼen ionhontsá꞉ien.’ Kwáh kíʼ enthoténniehte ne Raoronhiaʼkehró꞉non ne sahén꞉ton, tánon tho nón꞉we ientshenahkwatshénriaʼse ne riién꞉a.

Genesis 25:18

Tsi rahwatsiratátie nʼIshmael thóh nón꞉we nihatinákerehkwe tsi kanakerahserá꞉ien tsi naʼtetiátere ne Havilah tánon ne Shur, ne ne tsitkarahkwínekens nonkwá꞉ti ne Egypt tsi nieiothahí꞉non ne Assyria. Aí꞉non naʼtehónterehkwe tsi ratinákerehkwe ne ronatiaʼké꞉shonʼs nʼAbraham raohwá꞉tsires.

Genesis 31:11

Eʼthó꞉ne ne Rawenni꞉io raoronhiaʼkehró꞉non wahaktháhrhahse nakatetshenhserá꞉kon, ‘Jacob,’ tánon waʼkí꞉ron, ‘Kén꞉ʼen í꞉keʼs!’

Exodus 15:22

Ethòne ne Mahís sashaʼkosáʼrihne nonhkweshón꞉ʼa é꞉ren sahónhneʼte ne Red Sea tánon kahentaʼkekówa niahonʼne né꞉ne Shur nónhwe. Áhsenh nónhta nikaríwes tsi niahónʼne ne kahentaʼkekówa, ók iáh othènnenh tehó꞉thinekhatsenhrion.

Exodus 3:2

Thóh nónhwe ne rahronhiaʼkeróhnon wahoʼthotháshien tsi ní꞉ioht ne iotònkoʼte thóh nonhtaiawenonhátie ahsènhnon nónhwe ne tsi ioʼkwí꞉rote. Ne Mahís wahatʼkáto né ioʼkwí꞉rote tsi iotèkha ók iáh kíʼ tehioʼkwirahté꞉kha.

Proverbs 15:3

Roiá꞉ner tehaká꞉nere tsi niiá꞉wenʼs tsik nón꞉we, tetehshonkwaká꞉nere tsi nitewatiéhrha tókaʼ kenh tkariwaié꞉ri tókaʼ ó꞉ni tewarihwanérakʼs.

1 Samuel 15:7

Ne Saul washakosénhni ne Amalekró꞉nons, thóh tontáhsawen Havilah kwáh tsi niʼió꞉re ne Shur, ne ne tsík kará꞉kwinekens nòkwahti ne Egypt.