Genesis 16:6 - Ohiatonhseratokénti

⁶ Ók nʼAbram washakawènhase ne Sarai, “Í꞉se tehseniarotárhon ne sahnhátshera; thóh naʼtié꞉raʼs tsi nitehsahská꞉neks.” Eʼthó꞉ne ne Sarai tsi naoteʼniakátstattshe ne Hagar, ne waʼkarihón꞉ni ne Hagar saioté꞉kwaʼse.

Genesis 16:6 ပူးပေါင်းရင်းမြစ်များ

Genesis 16:9

Ne Roiá꞉ner raoronhiaʼkehró꞉non sahrènhahse, “Thóh ionsá꞉se tsi tkènteron ne sánhas, tánon sewén꞉narak.”

Genesis 24:10

Eʼthó꞉ne ne rahnhá꞉tshera, oié꞉ri nihá꞉ti iahshakoiaʼténhawe ne raiaʼtakweʼní꞉io raotshenenʼó꞉konʼs iotiniaʼkwáhere tánon wahahtén꞉ti, rahawinóntie né kwáh tioiánereʼs natatawíhtsheraʼs tsi nontaháhawe ne róhnhaʼs tsi thonónhsote tánon Mesopotamia niahá꞉re, ne ne kanatowanèn꞉ke tsi nón꞉we thanákere ne Nahor.

Job Tánon ne Raoronhiakensera 2:6

Ne Roiá꞉ner wahawénhase Sakoriwaros, “Tho nihiá꞉wen, í꞉se sashatstenhserá꞉kon enhotátere; ne khók kí sehnóns꞉tat ne tsi rón꞉ne.”

Exodus 2:15

Nónen ne Ronhnonhtí꞉io sahariwáhronhke tsi nihiá꞉wenhʼen, wahaʼteniénhten nahonwaʼnonhwaʼrhiákon ne Mahís, ók ne Mahís wahaʼtéko tánon tsi tsohóntsaien ne Midian nónhwe ionsaʼhátsien. Eskawenniserá꞉tekwe, nó꞉nen ne Mahís onaweratʼta renskotakwe, tsá꞉ta nikón꞉ti ne Jethro sakoiohokónhas, ne ratsihénstatsi ne Midian, takontinekotsénha tánon wakontinekananonkʼkon nonarhiotashónhas ne kontinihkiratʼtha ne ronwaʼní꞉ha raotsenenhó꞉kons teiotinaʼkaronhtónhas tánon ne kahiatakéras.

Proverbs 14:29

Tókaʼ saʼnikonhrí꞉io, tesaʼnikonhráthe kiʼ, tókaʼ senaʼkwahseró꞉hen, nek ne enhshenaʼtón꞉hahse tsi tehsatenonhwarorí꞉tonte.

Proverbs 15:1

Tókaʼ skenén꞉ʼa tsi tenhserihwaʼserá꞉ko shakʼthenwá꞉ton ne kanaʼkhwénhtshera, nok ne kanaʼkhwenhsherá꞉kon nowén꞉na sénha eniakonaʼkón꞉ni.

Proverbs 27:8

Nónhka iáh tho té꞉tienʼs tsi nón꞉we tiè꞉teron, ne shá꞉ka ne otsítenha iáh tho té꞉wes tsi nón꞉we tiottsiʼnhahkón꞉ni.

Proverbs 29:19

Iáh thaʼón꞉ton nahsherihwakwaríhshien ne kahnhá꞉tshera nek ne ahshehtháhrhahse. Tókaʼ nón꞉wa enhotiʼnikonhraién꞉taʼne nok kiʼ iáh oʼthé꞉nen thahontahónhsatate.

Ecclesiastes 10:4

Tó꞉ka shí꞉ken ne iakóra enhianáhkwahse, tó꞉sa kíʼ ensahthorísʼsen; ne iorihowáhnen tewaterientawenriéhon ahónton nahonsahionthatenikónhrenhse tó꞉ka sak tenhsahthatónhni.

Jeremiah 38:5

Ronnonhtí꞉io Zedekiah wahtariwahsehráhko, “Kwáh ioiánereh, káti, kwáh thóh nahsewáier tsi nísehwehre ne rahonháke; Iáh takʼkwéni ne thakwáhtasʼthe.”

Joshua 9:25

Ó꞉nen ki nón꞉wa shashatstenhserá꞉kon nón꞉we nihionkwathaténron; thóh naʼthakwaiéras tsi nisé꞉re tkariwaié꞉ri.”

1 Tiér 3:7

Neh nònne sáka ne sewaskenrákete ne sewaniákʼkons ioteriwíson ne taisewaiaséhake ne tesewénterons ne kwáh aisewanikonraiéntane tsi sénha oʼónha iáh tekontisáste tsi nise ní꞉ioht. Taietsihiateweientónhas ó꞉ni ietʼtsikweniénstak, tioríwa onónha ó꞉ni enkontiʼiéna, skátke níse, ne Rawenni꞉io raotathawítsera nahiakónnheke. Thóʼki nasewáier nehne tóhsa thènen aisewaiótatʼtse ne sewaterennaientátseras.