Genesis 16:5 - Ohiatonhseratokénti

⁵ Eʼthó꞉ne ne Sarai sahawènhahse ne Abram, “Tiorí꞉wa tsi niwahétken tsi nonkatié꞉rase í꞉se kíʼ entsisà꞉raʼne! Í꞉i iekát꞉kawenh nakehnhá꞉tshera né senentshà꞉ke né꞉ne tahsahrhó꞉ton, tánon shaʼkarihwatshén꞉ri tsi iowiraientá꞉sere, waʼtewakatkenʼhkerènhthen. Aiá꞉wens ne Roiá꞉ner ahshonkenirihwènhten ónhka ne teteniiáhse tieié꞉rits; í꞉se káton í꞉ʼi!”

Genesis 16:5 ပူးပေါင်းရင်းမြစ်များ

Genesis 16:4

Katíʼ skátne wahiá꞉rate nʼAbram tánon ne Hagar, tánon ʼontháwa nowirá꞉ʼa. Nó꞉nen shónttoke tsi iowiraientá꞉sere, Sók waʼokèn꞉ron ne Sarai.

Genesis 31:53

Aiá꞉wens Ne Raoní꞉io ne Abraham tánon ne Raoní꞉io ne Nahor ne Raotiní꞉io ne ronwatiʼníha, tahshonkeniiaʼtoréhtaʼse tsi naʼtetiátere.” Sók kiʼ ne Jacob waharihwahní꞉rate ne tsi nihotshá꞉nis ne roʼníha Isaac,

2 Chronicles 24:22

Né ronnontí꞉io iáh othènen tesré꞉hiare tsi nihiorihwató꞉kenʼne rohiótenhskwe nètho Zechariah ronikénʼen Jehoiada tsi naʼtehorihwasnieséhakwe, tánon wahaténhnahne nahonwanonwariáhkon ne Zechariah. Tsi nirenhéions ne Zechariah, waʼthohénrete, “Aiáwens ne Roiá꞉ner ahatkátho tsi nisewatiérah tánon atsisewaréhwaʼte!”

Psalms 35:23

Sahnitskwará꞉ko! Ó Saiá꞉ner, tánon táskene, ní꞉i akerihwáʼke, akeNí꞉io, tánon Atiá꞉ner!

Psalms 43:1

Saskatatewenhniʼióseron, Ó Sewenní꞉io, tánon teskeriwaʼkénas tsi nòkwah nonkweʼshónhas ne iáh tehonwaʼsénhnaiens Rawenni꞉io; tsi nòkwah ne ratinikonhráhtha tánon iáh tehotihiánere saskeniákent!

Psalms 7:8

Ne Roiá꞉ner tesakohiatorèhtha nonkweshónha; testsiatóret, Ó Saiá꞉ner, né tiohianénhaf tsi iáh tewakeníkon tsioríhwa tsi kwáh iaothènon tewastónhton. Í꞉se né éhʼneken satohesthakʼwen.

Exodus 5:21

Wahonwenhnénhaʼse ne Mahís ó꞉ni ne Aaron, “Ne Roiá꞉ner rotʼkáton tsi niʼtsiatiéren tánon kwáh entsiseniréhwathe tsi wahtsisehnónhnien ne Ronhnonhtí꞉io ó꞉ni ne rahonkweʼtashón꞉á nohénton iehonʼnéton nahionkhíson. Waheʼtsiʼiatesenhniʼiósten ne tó꞉sa aonteraiá꞉taʼkwe nahionkhinonhwarhiaʼkónhnion.”

Jeremiah 51:35

Aiáwenhs ne Babylon ahonshaʼkonhwahkárhiaʼtse tsi níkonh ionkwahteniakatsʼténhni,” rónton ne Jerusalemró꞉nons. “Aiáwenhs ne Babyloniaró꞉nons kwáh akanahnónhake tsi ahonshaʼhonatʼkárhiaʼse tsi níkonh shaʼkothinetkwáhthon,” wáthon ne Jerusalem.

Judges 11:27

Iáh, iáh othènen tekonhetkenhténhni. Teshaʼterienhthawénries tsi saterihiosehrónhnis nakonháke. Roiá꞉ner seh ne rarihwénhtha í꞉ken. Ónhwa kíʼ wenhniseráte iathenhorihwaiéntaʼse tsi naʼtehiátere ne Israerʼró꞉nons tánon ne Ammonró꞉nons.”

1 Samuel 24:16

Nó꞉nen ne Táwit sahá꞉sa tsi nihotharaníhakwe ne Saul, ne Saul wahén꞉ron, “Í꞉se kén kí꞉ken sawénhna, konkén꞉ʼa Táwit?” Ne Saul wahatewenhnakétsko tánon wathaséntʼtho.