Genesis 16:12 - Ohiatonhseratokénti

¹² Ók kiʼ ne tshièn꞉ʼa tho ní꞉ioht tsi enhrónhnheke tsi ní꞉ioht ne iáh tekarihonnién꞉ni tewahònhtes; kwáh onkweʼtakwé꞉kon enhshakotkón꞉ten, tánon kwáh onkweʼtakwé꞉kon tsi enhonwatkón꞉ten, tánon kwáh iáh shaʼhotirí꞉wa thakénhake tsi nokwá ne rontátenonhkweʼ.”

Genesis 16:12 ပူးပေါင်းရင်းမြစ်များ

Genesis 21:20

Rawenni꞉io roʼnikonhrarátieʼskwe ne raksá꞉a, tánon kíʼ wahatehiá꞉ron; iahonwentsathenhá꞉ke nón꞉we nihanakerátieʼs, tánon kwáh í꞉ken tsi wahaweientéhtaʼne ná꞉ratsteʼ naʼén꞉na.

Genesis 25:18

Tsi rahwatsiratátie nʼIshmael thóh nón꞉we nihatinákerehkwe tsi kanakerahserá꞉ien tsi naʼtetiátere ne Havilah tánon ne Shur, ne ne tsitkarahkwínekens nonkwá꞉ti ne Egypt tsi nieiothahí꞉non ne Assyria. Aí꞉non naʼtehónterehkwe tsi ratinákerehkwe ne ronatiaʼké꞉shonʼs nʼAbraham raohwá꞉tsires.

Genesis 27:40

Ateriiohserà꞉ke nón꞉we nenhsatonhnhihsáksheke, tánon tsatateʼkén꞉a enhtshiótenʼhse; ók nó꞉nen ensehsatatewenní꞉ioʼne, tènhshiaʼke ne raohtienʼtaniáktha ne seniarà꞉ke.”

Genesis 37:25

Eʼthó꞉ne wahóntien ne tahontská꞉hon; tánon tsi wahontahrakétsko wahshakotí꞉ken rotinenhrí꞉ni Ishmaelró꞉nons Gilead nón꞉we nontahonenonhátie, tahatikwekonhátie ne raotitshenenʼó꞉konʼs iotiniaʼkwáhere iotihrieʼnakéhte ne iohnehtotkhá꞉ʼon, tánon ne kanonhkwaʼtsheranó꞉ron wenserákonʼonʼs, tánon ne wenienanó꞉ron iontatiaʼtohkáhstha, ronathahitáhkhe tsi niahotihawihátse ne Egypt nón꞉we.

Job Tánon ne Raoronhiakensera 11:12

Ók ne tsakohtón꞉nokte ónhkwe kwáh enhiakoién꞉taʼne ne kaʼnikonhraienthá꞉tshera, nó꞉nen ne karakonró꞉non tewahòn꞉tes rónhkwe aonakératste.

Job Tánon ne Raoronhiakensera 24:5

Kwáh né꞉ne tewahòn꞉tes ne iahonwenhtsathénhake í꞉res iehatihiá꞉kens nahothihiò꞉then tehotinakonhátie; tsi nón꞉we ne iáh othé꞉non tehiohontsástha ronatoratonhátie ne iahonwentsaténhake nón꞉we nashakotinón꞉te sakotiiohokón꞉a.