Genesis 15:2 - Ohiatonhseratokénti

² Ók ne Abram wahén꞉ron, “O Saiá꞉ner Ní꞉io, nahó꞉ten akarihontá꞉ko né othé꞉non aontáhskon, tsi sénha iáh othé꞉non tewakewí꞉raien, tánon nakó꞉wenk sewatónhsere natientáhtshera ne ne Eliezer né꞉ne Damascusró꞉non?”

Genesis 15:2 ပူးပေါင်းရင်းမြစ်များ

Genesis 14:15

Tánon waʼtehshakhokhahshión꞉ko ne raonkwetaʼshón꞉ʼa, sahshakotiohkonniánion, tánon iahonwanatiaʼtón꞉ti ne tehontátswenhs tsi niwahsón꞉tes, tánon wahshakóhsere kwáh tsi niió꞉re ne Hobah, né nothorè꞉ke nonkwá꞉ti ne Damascus.

Genesis 15:1

Shontóhetsteʼ kí꞉ken nahorihoʼtén꞉shonʼs ne raowén꞉na ne Roiá꞉ner wahoiaʼtó꞉renʼne nʼAbram tsi ní꞉ioht ne wahotahsatáhrhahse tánon wahothón꞉teʼne ne Roiá꞉ner wahohró꞉ri, “Tósa sáhteronʼn, Abram, Í꞉i né satrenhohstáhkhwa í꞉ken; tsi naʼtensaterihwaʼserákwaʼse kwáh í꞉ken tsi enkowanénhake.”

Genesis 15:3

Tánon nʼAbram wahén꞉ron, “Satkáhtho, ní꞉se iáh othé꞉non teskewirá꞉wi; shaiá꞉ta nakehnhá꞉tshera nakenónhskon rawennakerá꞉ton ne enhshowenkhón꞉weke natientáhtshera.”

Genesis 24:10

Eʼthó꞉ne ne rahnhá꞉tshera, oié꞉ri nihá꞉ti iahshakoiaʼténhawe ne raiaʼtakweʼní꞉io raotshenenʼó꞉konʼs iotiniaʼkwáhere tánon wahahtén꞉ti, rahawinóntie né kwáh tioiánereʼs natatawíhtsheraʼs tsi nontaháhawe ne róhnhaʼs tsi thonónhsote tánon Mesopotamia niahá꞉re, ne ne kanatowanèn꞉ke tsi nón꞉we thanákere ne Nahor.

Genesis 24:2

NʼAbraham wahawènhahse ne kwáh thokstén꞉ha ne raohnhá꞉tshera, tsi niká꞉ien roterihwatsteríston akwé꞉kon tsi nihoientahtsherá꞉ien, “Knítshó꞉kon iahsatahtsaʼnó꞉rok,

Genesis 25:21

NʼIsaac raonhá꞉ke ne Roiá꞉ner iahaterén꞉naien ne ne ró꞉ne aorihwá꞉ke, tiorí꞉wa tsi iáh teiowiraièn꞉taʼskwe; tánon kíʼ ne Roiá꞉ner waʼthorihwaʼserákwahse ne raoterén꞉naient, tánon ne ró꞉ne Rebekah iohrhá꞉rehkwe naiakowiraièn꞉taʼne.

Genesis 39:9

Iáh sénha tehoʼshaststenhserá꞉ien kíʼ kén꞉en kanónhsote tsi ní꞉ioht nʼi꞉i, iáh ó꞉ni oh thé꞉nen tehakahtshiawenhrá꞉ti kwáh nek khók tsi nonkwá ní꞉se, tiorí꞉wa tsi í꞉se tesení꞉teron; oh katíʼ ní꞉ioht tsi akkwé꞉ni tho nakátiere ne nikarihwahétken tánon akerihwanéraʼke tsi nokwá ne Rawenni꞉io?”

Genesis 43:19

Katíʼ iahonttakwaríhshiaʼte tsítreʼs ne rahnhá꞉tshera roteríhonte ne Só꞉se raonónhskon tánon tsi ieiontaweiaʼtáhkhwa ne kanónhskon nón꞉we naʼthatihthá꞉ren.

Genesis 44:1

Eʼthó꞉ne ne Só꞉se wahóhnhaʼne ne raohnhá꞉tshera ne raonónhskon roióte, “Thontásraht atená꞉tshera ne ronnón꞉kwe raotiiareʼshón꞉ʼa, kwáh tsi nenhatikwé꞉ni niaonsahatíhawe, tánon thóh sasewatárion ne shatiiaʼtátshons ne rón꞉kwe raohwís꞉ta é꞉neken ne kaiárakon.

Psalms 127:3

Tsi iakonekenteronhtseraientáhon Roiá꞉ner nónh꞉we nitsawénon, né꞉ne tsi nahó꞉ten iotonnhéton ne tsi watewirahrá꞉kwah né teiakoterihwasehrákwahse.

Proverbs 13:12

Nó꞉nen ahskanéktshera tewaskwaʼseronhkwen, awé꞉ri ki ó꞉ni enwaʼnikonhró꞉kten, nok nahskanéktshera eʼthó naiá꞉wenʼne thentká꞉raʼne natonhnharáhtshera.

Proverbs 17:2

Kí꞉ken rahnhá꞉tshera rattokhahtsherí꞉io ne è꞉neken enhshotohetstáhkwen ne raiaʼtakweʼní꞉io roién꞉ʼa ne tsi tehotenonhwarorí꞉tonte tánon ne rahnhá꞉tshera knahò꞉tenʼk enhaié꞉na ne kakwahtshéhtshera.

Isaiah 17:1

Ne tsi niwataʼtíhon ne aorihwàke Damascus. Satʼkátho, Damascus kwáh ienwatótʼtaʼkwe tsi kanatowánen í꞉ken, tánon né enhiotsʼtokó꞉taʼne nononwénhseras.

Isaiah 56:5

Kwáh enkhéhion, nakenóns꞉kon tánon naʼkathenhenrá꞉kons, enkensthenró꞉take tánon ne kasénhna sénha ne ioiánere tsi ní꞉ioht naʼiakonekenteronhtsheraiéntake khés naʼiakowiraʼiéntake tionathonwísens; kwáh entekhéhion ne tsi nénhwe enkénhake enhotiʼsenhnaiéntake né꞉ne iáh tahontóntonhke.

Jeremiah 49:23

Kén nahó꞉ten ne Roiá꞉ner ráwenh tsi nòkwah ne Damascus: “Nonhkweshón꞉a ne tsi kanatowáhnenh ne Hamath nónhwe nihienáhkere ó꞉ni ne Arpad tehonataʼtenikónhrahreh tsioríhwa tsi iáh tekarihwí꞉io wahathiriwáhronhke. Ne kahterónhtshera iothohrhiáneron tsi nónhwe nihónnes tsi ní꞉ioht ne kaniatarahkekówah, iáh tehonhorisénhtas.

Acts 7:5

Ne Rawení꞉io iáh tetʼthó꞉wi ne Abraham ne hiatehahiáti ahowénhake, iáh sékon ne sewasíta tahiotekerónteke nohóntsia, nók Rawení꞉io waharárasʼte tsi entʼtáwen, tánon rahowenkónwe enkénhake tánon ó꞉ni tsi nienhatʼwatsirí꞉ne. Neh thóh sikaháwi neh saharáhraste ne Rawení꞉io NʼAbraham iáh thénen tehowiraiéntakwe.

Ruth 2:6

Waʼthariʼwaserá꞉ko ne rón꞉kwe, “Ne kí꞉ken nonhwentsakaionhró꞉non Naomi ískene tsi tionhwentsá꞉te ne Moab.

1 Samuel 1:11

Nakaónha kén ní꞉iot tsi wahonráhratsʼte: “Ó Sheiá꞉ner ne ronterí꞉ios ratironhiakerónons, tó꞉ka ní꞉se kwáh asheiatkátho tsi niʼiakonhnátsen ne sanhá꞉tshera, tánon aonshaskeiá꞉rahne, tánon tó꞉sa sheʼiatanikónren ne sanhá꞉tshera, ók enteshé꞉ion ne sanhá꞉tshera roskerakéte owirá꞉a, eʼthóhʼne kiʼ enhí꞉teron sahén꞉ton kwáh ne ne nazirite kwáh tsenshatonhnók꞉ten. Iáh thahanekiráke notsítsa khés niakononwahratóntha, eʼthóhʼne kwáh kíʼenthí꞉ion Roiá꞉ner kwáh tsi nikarí꞉wes enrón꞉nheke tánon iáh tsaʼkaiéna ne ionthatenonkarhiákstha ne ranontsíne.”