Genesis 15:18 - Ohiatonhseratokénti

¹⁸ Né eʼthó tewenhniserá꞉tehkwe ne Roiá꞉ner wahaianerenhserón꞉ni skát꞉ne ne Abram, rá꞉ton tsi “Nienhsathwatsí꞉rine takhé꞉ion kí꞉ken ohóntsa, thóh entewatáhsawen tsitkaniataratátie ne Egypt ièn꞉wawe ne kaniataraʼkehkowanén꞉ke, ne ne tsi kaniataratátie Euphrates,

Genesis 15:18 ပူးပေါင်းရင်းမြစ်များ

Genesis 12:7

Ethó꞉ne ne Roiá꞉ner wahototáhshien ne Abram tánon wahén꞉ron, “Tsi nienhsathwatsí꞉rine, né kí ne kanakeráhsera kheiawí꞉re.” Sók kíʼ thóh nón꞉we nahaónnien ne ietsenhahráhkwa ne Roiá꞉ner, ne ne rototahshién꞉ni.

Genesis 13:15

asèkenh akwé꞉kon tsi niiohón꞉tsa ne satkáhthohs entkón꞉ion tánon tsi niensathwatsí꞉rine ne ne tsi nén꞉we í꞉se sewawenkhón꞉we enkénhake.

Genesis 2:14

Nahsénhaton kaniataratátie né꞉ne Tigris, né꞉ne ná꞉kon nonkwá꞉ti ne Assyria, tánon ne kaieríhaton kaniataratátie ne nen né꞉ne Euphrates.

Genesis 24:7

Ne Roiá꞉ner, ne Rawenni꞉io tsi karonhiá꞉te, tsi ráonha tatshiaʼtinekénhen ne tsi thonónhsote ne rakeʼníha tánon ne tsi tiohontsá꞉ien tsi nón꞉we tewakenakerá꞉ton; tánon tsi ráonha wahaktháhrhahse tánon akonhá꞉ke rorihwahnirá꞉ton, ‘Tsi nienhsathwatsí꞉rine kwáh entekhé꞉ion kíʼ kén꞉ʼen ionhontsá꞉ien.’ Kwáh kíʼ enthoténniehte ne Raoronhiaʼkehró꞉non ne sahén꞉ton, tánon tho nón꞉we ientshenahkwatshénriaʼse ne riién꞉a.

Genesis 26:4

Kwáh tenkheiaʼserónnion tsi nienhsathwatsí꞉rine tsi ní꞉ioht tsi iotsistohkwarónnion ne tsi karonhiá꞉te, tánon kwáh enkhé꞉ion tsi nienhsathwatsí꞉rine akwé꞉kon ki꞉ken ionhwentsá꞉iens. Kwáh onkweʼtakwé꞉kon tsi enionkeriʼwanón꞉tonhse nakheiaʼtaté꞉rihste tsi nenhkheiaʼtatérihste tsi nienhsathwatsí꞉rine.

Genesis 28:4

Aiá꞉wens aontà꞉ion ne raoiaʼtateríhtshera ne Abraham, ní꞉se tánon tsi nienhsathwatsí꞉rine naesewakwekónhake ní꞉se, ne naón꞉ton ahsatiénawahste nonhóntsa tsi nón꞉wa nón꞉we nihsenákere tsi thihsonhontsá꞉te í꞉ken—ne nonhóntsa neʼthó Rawenni꞉io thó꞉wi ne Abraham.”

Genesis 35:12

Ne ohóntsa nétho tekheiá꞉wi ne Abraham tánon ne Isaac, kwáh í꞉se enskón꞉ion, tánon ó꞉ni iensekhé꞉ion tsi nienhsathwatsirí꞉ne.”

Genesis 50:24

Eʼthó꞉ne ne Só꞉se wahshakawènhahse ne rontateʼkoʼokón꞉ʼa, “Ó꞉nen thó꞉ha akíheie; ók kwáh orihwiioʼón꞉we, ne Rawenni꞉io tsi enhtshisewehiá꞉raʼne, tánon entehtshisewaiaʼtínekenhwe ne kenh nón꞉we niionhontsá꞉ien, ók thóh nón꞉we nientshisewaiaʼténhawe tsi tionhontsá꞉ien ne kwáh iorihwahní꞉ron rohrharatstén꞉ni ne Abraham, tánon ne Isaac tánon ne Jacob.”

2 Samuel 23:5

Ne kí꞉ken ne kwáh í꞉ken, tsi thóh ní꞉iot ne Ní꞉io tsi sakohiatateríston natwátsire, Asèken rakonhnienhni ne tsi nénhwen enkénhake ateriwaseronhniá꞉tshera, roriwasherónhni nètho tsi kwáh iáh thatahonsakahiákhon. Kwáh kén iáh ne taharikwakanónhni nakaiáneraste akwé꞉kon natsenawasetsheras ó꞉ni nakahkanéktshera.

2 Samuel 8:3

Ne Táwit kwáh ó꞉ni nonʼné꞉eh waononwariákhon ne Ronnontí꞉io Hadadezer ne ne roní꞉ha ne Rehob ne Zobah nón꞉we nihanákerehkwe, ne raónha tsi niahá꞉reh nahonsahakwahtáko ne raoshaststénhsera ne tsitkaniatarathátsie ne Euphrates.

1 Kings 4:21

Né Solomon rahonhnonhtiʼiótsera et rathihiátare nonhkweshón꞉as né Euphrates tiotásaʼwe tsi nióre ne Philistia tánon ne Egyptke karisthatátie. Ronhwakarhiaséhaʼkwe tsi niwateró꞉rokskwe nowísta tánon rahónha ronhwahiothenséhaʼwe kwáh tsi nirónhneskwe.

1 Kings 5:1

Ronhnonhtí꞉io Hiram né Tyre nónhwe kwáh tiókonhte tsi ronaténroʼkwe ne Táwit, tánon káti saharihwáronhke nètho Solomon tsi rahónha teshonatʼthakwénhni ne roʼníha Táwit tsi rononhtí꞉io íken,

1 Chronicles 16:16

né naʼterihwasehronniátshera tsi ró꞉son skát꞉ke ne Abraham, tsi niʼorahratsʼténhni ne Isaac.

1 Chronicles 5:9

Ionatsiokowánens rotiʼnaskwahiéntaʼkwe ne tsi watonhontsáien ne Gilead, tánon ká꞉ti wahontsatakwení꞉iosʼte nonhóntsa kwáh tsi niió꞉re ne tsitʼkarakwínekens nòkwahti ne iahonwenhtsiatʼthénhke nètho wathá꞉tie kwáh tsi niió꞉re ne Euphrates Kaniataratátse.

2 Chronicles 7:8

Né Solomon tánon ratikwé꞉kon nonhkweʼshón꞉as Nisraeʼró꞉nonke wahontenikonhró꞉ri ne kakhwahrá꞉ton ne waskwahkárenhre né꞉ne tsáta nón꞉ta nikariswaskwe. Kwáh í꞉ken tsi iakotsiokowanénhne kwáh tsi nió꞉re ne Hamath Pass né꞉ne othorèke nokwàhti tánon ne Egyptke karisthatase né entiéne nokwàhti nitsakawenónhseron.

2 Chronicles 8:7

Né Solomon thontashakonónhtonse tsi washakohiotenhserawíhons ratikwékons tsi nithonatwatsiríhnons nonhkweʼshón꞉as ne Canaan nón꞉we né꞉ne tsi niháti ne Israerʼró꞉nons iáh tehonwatinonhwariakónhnion nó꞉nen sahontsénawaste ne tsi ionhwenhtsáien. Thóh ratiʼiátares ne Hitró꞉nons, Amorʼró꞉nons, Perizró꞉nons, Hivró꞉nons, tánon ne Jebusró꞉nons, né꞉ne tsi nithonatwatsiríhnon iehiokonhtákwen tsi shé꞉kon ronhwatinaskónhni nón꞉wa wenhniseraténion.

2 Chronicles 9:26

Rahónha ne kwáh takorahserowánenhne tsi nihátikwe ne ronhtinonhtí꞉ioskwe ne tsi kanakeraserakéronskwe né꞉ne Euphrates Kaniatarahthátie tiotásawe tsi niʼió꞉re ne Philistia tánon ne Egyptke tkaristhatátie.

Ezra 4:20

Rothishatstenhserohwá꞉nenhskwe rotinonhtí꞉ioskwe ronatenonhtiióston ne nón꞉we tánon ronatkoráston tsi niwatenáskwah tsi kanakerahserá꞉ien ne tsi iaʼtewatsénhtos nokwá꞉ti ne Euphrates, rathirohróks꞉kwe tsi nihiokaraién꞉tons ó꞉ni nowístas.

Nehemiah 9:8

Tánon wasetsénri ne rawé꞉ri ne sahénton tánon ní꞉se skátne wetsateriwasherón꞉ni nahontashátʼkawe ne rahononhóntsa ne Canaanró꞉nons, ne Hitró꞉nons, ne Amorʼró꞉nons, ne Perizró꞉nons, ne Jebusró꞉nons, tánon ne Girgashró꞉nons, thóh tsi wahawatsirathátie; tánon ní꞉se washerihwaié꞉rite ne sawenhnaó꞉kons asè꞉ken ní꞉se saiá꞉nere.

Psalms 105:11

“Entʼkónhion non꞉ontsa ne Canaan nón꞉we,” wahénron. “Kwáh í꞉se ensakwenhkónweʼke.”

Exodus 13:11

“Ne Roiá꞉ner ienʼtsisewahiaʼténhaʼwe tsi tsiohonʼtsáien ne Canaanites, né꞉ne kwáh tsi nihoriwaniráhton tsi nitsisehwarahrátsʼtenhni ní꞉se ó꞉ni ne ietʼtsisotʼthonkonhkénʼen. Nónen enthetsítion,

Exodus 2:24

rahónʼha wahothón꞉teʼne tsi nihoʼnonhsèhna tánon waʼrehiá꞉rahne ne raonateriwasehronhniátshera ne Abraham, lsaac, ó꞉ni ne Jacob.

Exodus 23:23

Nakeronhiakeró꞉non kwáh entsisewahéntenhse tánon tsi thoʼnonhontsáien ne Amorʼró꞉nons nientsisewahiaténhawe, ó꞉ni ne Hitró꞉nons, ne Perizró꞉nons, ne Canaanites, ne Hivró꞉nons, tánon ne Jebusites, tánon kwáh enkhehiáthonthe.

Exodus 3:8

Tánon káti takátsʼnenhthe nahonsakʼkheniáʼkenthe tsi nòkwah ne Egyptró꞉nons tánon ne tahontaʼkhehiaʼtínekenʼwe ne Egypt nónhwe thóh nienkhehiaténhaʼwe tsi nónhwe tionhontsowáhnen, tsi nikáien ne ionhontsàreʼsen ó꞉ni ionhontsí꞉io tánon tsi nónhwe né Canaanites, ne Hitró꞉nons, ne Amorʼró꞉nons, ne Perizró꞉nons, ne Hivró꞉nons, tánon ne Jebusites ó꞉nen nihatináhkere.

Exodus 32:13

Sehiehiárak shonkwetashón꞉as NʼAbraham, Isaac, tánon ne Jacob. Sehiárak tsi kwáh ioriwaníron sehiarahratsʼténhni tsi enteséhʼhion tsi etʼnenhonatiókwahske tsi ní꞉ioht ne tsi iotsistokwahrónhnions ne tsi karonhiáʼte tánon enteséhion tsi nienhontwatsiríne akwékon nonhóntsa sarahrátston tsi enhonawenhkʼkónhweke tsi nénhwe.”

Exodus 34:11

Satewénhnarak ne kaianerénseras né tkonhiáwis nónhwa wenhniseràte. Enkhehiarékwahthe ne Amorʼró꞉nons, ne Canaanites, ne Hitró꞉nons, ne Perizró꞉nons, ne Hivró꞉nons, tánon ne Jebusites, tsi nienhénse.

Exodus 34:24

Né nó꞉nen enkheʼhiatinekénhʼen ne onhkweshón꞉ʼas ne iesahiotátis tánon ensekʼkówanahthe ne sanakerásehra, kwáh iáh ónhka tahionteniénten nakonhwasénhni ne sanahkerásehra tsi nikaríwes kí꞉ken áhsenh nihioriwáhke tehiontenonhweráhtons.

Exodus 6:4

Káti ó꞉ni wákʼshon naʼkateriwaʼsehronhniátshera skátʼke ne roʼnónha, khehiaʼrahratsʼténhni tsi entekhé꞉ion nonhóntsa ne Canaan nónwe, né ionhontsáien tsi ehʼnónhwe nihatináhkereʼkwe tsi shí꞉ken ní꞉ioht ne thiʼhononhontsáʼte akénhake.

Exodus 6:8

Ienkwahiaʼténhawe ne tsi tsohóntsaien né kwáh khehiaʼrahratsʼténhni tsi entekhéhion ne Abraham, lsaac, ó꞉ni ne Jacob; tánon kíʼ í꞉se èntʼtsion tsi kwáh í꞉se ensehwahwenhkónhweʼke. Í꞉i ne Watiá꞉ner.’”

Isaiah 27:12

Né thóh entewenhniserateke ne Roiá꞉ner kwáh enhá꞉waheke tho tsi kanatserathá꞉tse ne Euphrates tsi nió꞉re tsik kahionhá꞉tatse ne Egypt, tánon ní꞉se kwáh enhietsiiá꞉tarohroke tsi sewahiá꞉tatʼtions, Ó tionkwe ne Israerʼronónke.

Isaiah 55:3

Satahonsí꞉iost, tánon akonháke nontáse; satahón꞉satat, né ká꞉ti nahón꞉ton ashón꞉nheke. I꞉i kwáh ne enkonhiónhnien ne tsi nénhwe enkénhake naʼterihwaseronniátshera, naká꞉wenk iorihwató꞉ken, né noriwí꞉io kanoronkwáhtshera tsi nihiʼiararatsʼthénhni ne Táwit.

Jeremiah 32:22

Tesehiáwi kí꞉ken ionhontsiaréhsen ó꞉ni ionhontsí꞉io, tsi kíʼ nisehiarahratsʼténni ne sahkotisotʼthonkonkénʼen.

Jeremiah 32:40

Kwáh tsi nénhwe tsi enkáhtake nenhiakwahtsiaʼnerensehrónni. Kwáh iáh nonhwénhton thakátkahwe nahó꞉ten ne ioiánereh tsi naʼkhehiatiérahse, tánon enkhhiónnien kwáh rahonerhiashaʼkwékon tsi enhionkhetianísehke, eʼnahontáʼwe ne kwáh tó꞉sa nonhwénhton ne ahonshaʼhionkatkahrahténi.

Leviticus 26:42

Kwáh enkehiá꞉rake nakaterihwasehronhniátshera tsi nòkwah ne Jacob tánon ne Isaac ó꞉ni ne Abraham, tánon á꞉se enskónhni tsi nikhehiararatsʼténhni ne nahontatʼkhéhion nakonhkwetashón꞉as nohóntsa.

Leviticus 26:45

Kwáh á꞉se enskónhni naʼterihwasehronhniátshera tsi niwát꞉son rononháke ne sakotisotʼthonkonhkénʼens nó꞉nen nonhontsakwékon shaʼkhenatónhas nakeshastsʼténshera tsi thonthakhehiatínekenhwe ne Egypt, né nahónton tsi, Í꞉i, ne Watiá꞉ner, nonhtiérenk Raotiní꞉io akénhake.”

Numbers 34:5

Thóh nónhwe ienskakahrenhráko thóh niénhsewe Nahonrákwahkon ne tsi karistatátie ne Egypt tánon thóh nónhwe iatenhká꞉tahne ne Mediterranean.

Acts 7:5

Ne Rawení꞉io iáh tetʼthó꞉wi ne Abraham ne hiatehahiáti ahowénhake, iáh sékon ne sewasíta tahiotekerónteke nohóntsia, nók Rawení꞉io waharárasʼte tsi entʼtáwen, tánon rahowenkónwe enkénhake tánon ó꞉ni tsi nienhatʼwatsirí꞉ne. Neh thóh sikaháwi neh saharáhraste ne Rawení꞉io NʼAbraham iáh thénen tehowiraiéntakwe.

Deuteronomy 11:24

Akwé꞉kon nonhontsà꞉ke tsi nón꞉we niensewenhnèn꞉rine í꞉se sewáwenhk enwá꞉ton. Ne sewanakeráhsera entiè꞉ne nokwáti ne iahonwentsathèn꞉ke entewatáhsawen né꞉ne tsi ionontahrón꞉nions ne Lebanon nothorè꞉ke nokwá꞉tis ienhénwe, tánon né꞉ne nà꞉kon nokwá꞉ti ne Euphrates kaniataratátie entewatáhsawen iénwahwe ne tsi iaʼtewatshénthos nokwá꞉ti ne Mediterranean kaniatarakheʼkó꞉wa.

Deuteronomy 12:20

“Nó꞉nen ne Roiá꞉ner sewaNí꞉io enshakowanà꞉te ne sewanakeráhsera, tsi ki nihorahrátston, enwá꞉ton nahisewahwá꞉rake ne kwáh tsiknón꞉we akénhake tsi nenhséwere.

Deuteronomy 19:8

“Nó꞉nen ne Roiá꞉ner saNí꞉io enshakowanáhthe ne sanakeráhsera, tsi nishakohró꞉ri ne sesothonkonhkén꞉en tsi thóh nenhá꞉iere, tánon énthion nonhóntsas tsi nihorahrátston,

Deuteronomy 34:4

Ethò꞉ne ne Roiá꞉ner wahawénhase ne Mahís, “Ne kí꞉ken ne iohontsá꞉ien ne khehiararatstén꞉ni ne Abraham ó꞉ni ne Isaac, tánon ne Jacob tsi enthekhéion tsi nienhontwatsí꞉rine. Wakonhríhon nasatkátho, ók iáh ki thakonhrí꞉hon ne thóh nón꞉we iáse.”

Deuteronomy 7:1

“Ne Roiá꞉ner saNí꞉io akwáh ieniahiaʼténhawe ne tsi tiohontsá꞉ien nakwáh ienshatiaʼtakweʼní꞉ioste, tánon kwáh iakotiohkowá꞉nen enshakohiaʼtínekenhwe ne nón꞉we. Tsi neinhénsewe, tsáta nihononhontsá꞉kes enshakohiaʼtínekenhwe ronatiohkowá꞉nen ó꞉ni sénha ratiʼshátstes tsi ní꞉se ní꞉ioht: né꞉ne Hitró꞉nons, ne Girgashró꞉nons, ne Amorʼró꞉nons, ne Canaanites, ne Perizró꞉nons, ne Hivró꞉nons, tánon ne Jebusites.

Hebrews 13:20

Rawenni꞉io shoketskwenh ne kenheiátʼne ne Sonkwahʼiáner Ié꞉sos, rahónha ne Rohshatsʼtenserowáhnen Shakonónhne ne teiotinakarontónha ne tsi niaʼteionénon ne raonekwénhsa, ehnónwe tsi nénwe nahterihwahseronniátshera tsi kanakentóron. Aiáwens ne Rawenni꞉io né skén꞉nonk tíken ahontáhion kwáh tsík nahoténsons ne ioiánere tahishatonwenhtió꞉nike nahishaióten tsi nitonikonriʼióʼon, tánon aiáwens ne rahónha, rahonháke ne Ié꞉sos Kerístos otionháke ahoióten tsi nitohnikonriʼióʼon. Tánon rahonháke ne Kerístos nón nikáien ne kahiatanerahkwáhtshera tsi nénwe ó꞉ni tiókonthe! Éʼtho naiá꞉wenhne.

Joshua 13:3

ó꞉ni tsi tkanakerahserá꞉ien ne Avvim nenhtiè꞉ne nokwá꞉ti. (Ne iohontsá꞉ien tsi nitiawé꞉non ne kahionhatátie Shihor, ne tsit karistatátie ne Egypt, kwáh tsi nió꞉re nothorè꞉ke nokwá꞉ti tkaristatátie ne Ekron, akénhake né꞉ne Canaanite; ne ronhtinontí꞉ios Philistines ratinákereʼkwe ne Gaza, Ashdod, Ashkelon, Gath, ó꞉ni ne Ekron.)

Joshua 15:4

né꞉ne Azmon nietsawé꞉non, tánon ióhseron ne kahionhatátie ne tsi karistatátie ne Egypt tó꞉nietsawé꞉non ne Mediterranean kaniatarakeʼkó꞉wa, thóh nón꞉we ne karistatátie iatehiothàhon. Ne nentiè꞉ne nokwá꞉ti karistatátie ne Judah.

Revelation 9:14

wahonwénhase ne iaiákhaton raronhiakeró꞉non ne rahá꞉we iehonrawátsta, “Sheiátkaf ne kaié꞉ri nihá꞉ti ratironhiakeró꞉nons ne ronónha thatiné꞉ren thóh ne kaniatarowanénhne Euphrates.”