Genesis 15:17 - Ohiatonhseratokénti

¹⁷ Nó꞉nen shiaʼtewatshéntho tánon tetió꞉karahs, ne kaienʼkwararíhtha ón꞉tak ó꞉ni ne iotsí꞉rote, thontaiawénhstsi waʼokétohte tánon thóh ʼontóhetste tsi naʼtetiatewahrá꞉tere tsi nón꞉we nikaké꞉ron né tehonwatiiatià꞉kon katshé꞉nen.

Genesis 15:17 ပူးပေါင်းရင်းမြစ်များ

Genesis 15:10

NʼAbram iahshakoiaʼténhawe ne kontitshén꞉nenʼs raohén꞉ton ne Ní꞉io, ahsénʼnon waʼtehshakoià꞉tiaʼke, tánon skatíhson tsi ní꞉ioht tsi wahaké꞉ron; ók iáh nenʼneʼ thaʼtehshakoia꞉tiakon ne otsiʼtén꞉ahs.

2 Samuel 22:9

Takaʼienkwaró꞉ten ne tsi tehanionkáronhte, tánon ne iakothóntha ótsire thóh takaʼiákenhne tsi rasaká꞉ronhte; ioswenhthataríhen iotsiró꞉tatse nontáwe rahonháke.

1 Kings 18:38

Né Roiá꞉ner ótsire ehtàke tahathénieʼte, tánon onhtsahá꞉the ne nahonteskónhthake, ó꞉ni nó꞉ienthe, tánon nonénhias, ohontsaʼtektánion wakastátʼthaʼte noné꞉kanos ne tsi teiahontsakonhátse.

1 Chronicles 21:26

Thóh nón꞉we nahahónhnien ne ietienharáhkwah ne Roiá꞉ner tánon tahá꞉ieste nahateskónhten ó꞉ni ne skaríhwa í꞉ken tsi tkaiéston. Wahaterénhnaien, tánon ne Roiá꞉ner wathoʼrihwaserákwahse tsi tahasén꞉te nótsire ne karonhiáke nahióteʼke tsi enhonteskónhten ne ietienharáhkwahke.

Exodus 19:18

Ohnonhthakwékon ne Sinai tehioienkwaráien, tsioríwa ne Roiá꞉ner tsi thóh nónhwe nathatásenhthe òtsire nikwekonhátie. Noʼiénkwahra thóh ní꞉ioht tsi onhtharátate tsi ní꞉ioht ne karístakon iohienkwarahkéthothe, tánon onhkwetakwékon tehiotenonhianíton tsi ní꞉ioht tsi wahakohiatísonʼkwe.

Exodus 20:18

Nónen nonhkweshón꞉ha sahakothónteʼne tsi iowèren ó꞉ni ne iehonrawátstha tsi nihiorahkaréni tánon wahontkátho tsi natewanineʼkarahwánions tánon tsi natehioienkwaráhien ne tsi iononhtáhere, wahakohiatíshonhkwe tsi nahakóteronhne tánon ahʼínon nióre thontahatítaʼne.

Isaiah 62:1

Asèken né꞉ne Zion aoriwá꞉ke tsi iáh sák thaʼkatatónhni, tánon né꞉ne Jerusalem aoriwáke tsi iáh thakatoríshen, tsi nió꞉re naoʼtesenhniéntshera thenhiostwá꞉theʼne kwáh tsi ní꞉ioht noronkéne, tánon naoʼhiatakenáhtshera kwáh tsi ní꞉ioht tsi iotékha ne iekatsiró꞉hare.

Jeremiah 11:4

Ne ne ateriwahsehronniátshera ne kheʼhionniénni ne sakothisotʼthonkonkénʼen ne ne sahthontatʼkhehiatínekenʼwe ne Egypt, nonhwénhtsia thóh niʼiotónʼne tsi ní꞉ioht ne kwáh tehiotsenhanonhiáni ne rahotiriwáhke. Kheró꞉ri nahionkewénhnarahkwe tánon éhtho nihatí꞉ier tsi niwahkatenná꞉hon. Kheró꞉ri tó꞉ka enhionkewénhnarahkwe, ronónha ne akonhkwetahshón꞉a enhónton tánon Í꞉i ne Raotí꞉io enkénhake.

Deuteronomy 4:20

Ók í꞉se kíʼ ne tsónhkwe ne tsi tsiʼsewaniakénton ne Egypt nónhwe, né꞉tho tehiotonʼkwanònhiani ioté꞉kha. Thatsisewahiaʼtínekenhwe natsiʼtsiónhnien ne raónha rahonkweʼtashón꞉a ahisewá꞉ton, tsi ki nónhwa ní꞉ioht nónhwa wenhniserá꞉te.

Judges 13:20

Tsi nikaríhwes nothónhkwa iotharathathonhátse ne ietsienharákwahke, Manoah tánon ne ró꞉ne wahonwáken ne Roiá꞉ner rahoronhiakeró꞉non karonhiáke hionhsáre thóh tsi iotónkhoʼte. Ne Manoah thó꞉ne nahát꞉thoke nètho rónhkwe tsi Roiá꞉ner rahoronhiakeró꞉non í꞉ken, tánon rahónha ó꞉ni ne ró꞉ne kwáh nikonhsáke kahénte ohontsáke wanihiataiénhthaʼne. Iáh nonhwénhton shé꞉kon thesonhwáken ne raronhiakeró꞉non.

Judges 6:21

Ethòne ne Roiá꞉ner rahoronhiakerónon iathanéntseste tánon iahaiéna nowáron ó꞉ni ne kanátaro kaniakéniate iehióhare tsi roienawákon. Ostenhráke takatsiríhnekenhne tánon ónhtsahathe nowáron ó꞉ni ne kanátaro. Ethòne ne raronhiakerónon thot thonsaháton.