Genesis 15:16 - Ohiatonhseratokénti

¹⁶ Kwáh kí kaié꞉ri niaʼtenwatereʼserá꞉seren nohén꞉ton tsi niesathwatsirí꞉non ne kén꞉ʼen naʼtaontahón꞉ne, aseʼkénh iáh thakheiaʼtínekenhwe ne Amorʼró꞉nons tsi niió꞉re ne kwáh tokén꞉ʼen enhonnonkweʼtáksenʼne ne entkarihón꞉ni ónenʼk tsi enhonwatihréwahte.”

Genesis 15:16 ပူးပေါင်းရင်းမြစ်များ

Genesis 10:16

ó꞉ni ne Jebusites, ne Amorʼró꞉nons, Girgashró꞉nons,

Genesis 15:13

Eʼthó꞉ne ne Roiá꞉ner wahawénhahse ne Abram, “Saterién꞉tarak, kí꞉ken kwáh iorihwí꞉iok, tsi nienhsathwatsí꞉ríne kwáh thihononhontsá꞉te thenkénhake tsi ionhontsá꞉ien né iáh ronónha tehononhóntsa, tánon thóh nón꞉we ratináhskwah enkénháke, tánon kwáh enhonwatironhiá꞉kenʼte ne ne kaié꞉ri tewenʼniáwe niiohserá꞉ke nikarí꞉wes;

Genesis 48:21

Eʼthó꞉ne ne Israel wahawènhahse ne Só꞉se, “Ó꞉nen thó꞉ha akíheie, ók kiʼ ensenikwekónhake ne Rawenni꞉io tánon ó꞉ni iensiaiaʼténhawe tsi nón꞉we thóh nonhontsá꞉ien ne shasottsheraʼokonkén꞉ʼen.

Genesis 50:24

Eʼthó꞉ne ne Só꞉se wahshakawènhahse ne rontateʼkoʼokón꞉ʼa, “Ó꞉nen thó꞉ha akíheie; ók kwáh orihwiioʼón꞉we, ne Rawenni꞉io tsi enhtshisewehiá꞉raʼne, tánon entehtshisewaiaʼtínekenhwe ne kenh nón꞉we niionhontsá꞉ien, ók thóh nón꞉we nientshisewaiaʼténhawe tsi tionhontsá꞉ien ne kwáh iorihwahní꞉ron rohrharatstén꞉ni ne Abraham, tánon ne Isaac tánon ne Jacob.”

1 Kings 21:26

Né kwáh tsiahonháʼa tsioterihwathéhak tsi nihotséren né tsi nishakosénhnaien ne kahiatónhnis, tsi ne nihotiʼiéren ne Amorʼró꞉nons, né꞉ne tsi nikáien ne Roiá꞉ner tesakohiatinekénʼen ne tsi iohontsáien né nonhkweshón꞉as Nisraerʼró꞉nonke tsi niahónhne.)

2 Kings 21:11

“Né Ronnontí꞉io Manasseh thó nihoieráhnions kí꞉ken ioterihwatehaʼshón꞉as, sénha iorihwát꞉tsanis tsi nahoténsons ne Canaanró꞉nons tsi nihonatséren; tánon né꞉ne raʼoiátonnishónʼas wáʼratse tsi waʼsahkosárihne nonkweʼshón꞉ʼas ne Judah nón꞉we nahatiʼrihwá꞉nerake.

Psalms 105:43

Káti aktsenhnonniatserákon tsi tontasakohiathénhaʼwe ne rahonkwetaʼshón꞉has, né꞉ne rotonkwetarákwen kwáh tehotirihkwakwenhátse.

Exodus 12:40

Né lsraeró꞉nons 430 nihiosehràke nikaríwes Egypt nónwe nihatináhkereʼkwe.

Exodus 13:3

Ne Mahís wasakawénhaʼse nonhkweshón꞉á, “Sewehiá꞉rak kí꞉ken nonhwaʼwenhniserà꞉te—tsi né wenhniserá꞉teʼkwe sehsewaʼhiákenʼne ne Egypt, tsi nónhwe niʼietʼtshiʼnaskhónhnisʼkwe. Né kíʼ wenhniserá꞉teʼkwe ne Roiá꞉ner wàʼrasthe ne rahoʼshatsʼtenseroʼwanáhtshera tsi thontatsiʼsewahiaʼtínekenhwe. Iáh ne iosherhátʼken kanátaro thaʼtahionskáhonʼkwe.

Exodus 13:4

Èhren tsiʼsehwetàʼne ne Egypt nónwa kén wenhnisehràte né꞉ne tioʼtennhiʼtatsherénton, né wenhnítaʼre tsi nikanoráhris nʼonátsia.

Daniel 8:23

“Ne nó꞉nen ákta én꞉we ne iahontókten ne tho tsi kanakerahseraké꞉ron tánon eʼtho niió꞉re tsi rotirihwanerenʼákskon kwáh káti ioterihwíson nahonwatihréwahte, kwáh káti eʼtho tsi nenhokonsaníronke, enronkweʼtaksénhake, enhanikonhràtake ne ronnontí꞉io.

Leviticus 18:24

Tó꞉sa thènen teshaʼtatsiatátionst ne kíʼ thóh nashieránion, asèken thóh ní꞉ioht ne ioʼkwetáksens tsi tehonthatsiatatiónstha, nètho onhkweshón꞉as né ratinákerekwe ne tsi ionhontsáte nohénton níse tánon tsi nikáien ne Roiá꞉ner shakohiatinekénhseʼre né nahónton níse thóh niahí꞉seʼwe.

Deuteronomy 9:4

“Nó꞉nen ne Roiá꞉ner sewaNí꞉io sakohiaʼtinekénhen ne sewarihwá꞉ke, tó꞉sa sewénhron ne tsonháke tsi thatsisewahiaʼténhawe nahisewatié꞉nawatste kí꞉ken ionhontsá꞉ien tiorí꞉wa tsi tesewaténhtion. Iáh, ne Roiá꞉ner tsi enshakohiaʼtínekenhwe ki onhkweshón꞉a ne sewarihwá꞉ke tiorí꞉wa tsi nihononhkweʼtahétken.

Deuteronomy 9:5

Iáh ne tetiorí꞉wa tsi sewaiánere tánon thóh nisewahiéra né꞉tho Roiá꞉ner tsi sewariwá꞉wis nahisewatié꞉nawatste ne rahononhóntsas. Akwáh enshakohiaʼtínekenhwe ne tiorí꞉wa tsi nihonhnonkweʼtahétkens tánon ne tiorí꞉wa tsi ihré꞉re nahatié꞉nawatste tsi nishakorahratstén꞉ni ne sewasoʼtsheraokonhkén꞉en, nʼAbraham, Isaac, tánon ne Jacob.

1 Thessalonians 2:16

Kwáh ó꞉ni wahontheniénten ne tahionkhítaste nahiakhiiateriwahnótʼtase ne iáh-tahatiʼsitaerónons nahontahotíhawe ne kahiatakenátshera. Thóh káti kí꞉ken ní꞉ioht tsi tahontatʼtawíten niahontésa akwékon tsi níkon rotirihwáhneren. Tánon káti ónen ne Rawenni꞉io rahonakwáhtshera wahthonatasénten!