Genesis 15:1 - Ohiatonhseratokénti

¹ Shontóhetsteʼ kí꞉ken nahorihoʼtén꞉shonʼs ne raowén꞉na ne Roiá꞉ner wahoiaʼtó꞉renʼne nʼAbram tsi ní꞉ioht ne wahotahsatáhrhahse tánon wahothón꞉teʼne ne Roiá꞉ner wahohró꞉ri, “Tósa sáhteronʼn, Abram, Í꞉i né satrenhohstáhkhwa í꞉ken; tsi naʼtensaterihwaʼserákwaʼse kwáh í꞉ken tsi enkowanénhake.”

Genesis 15:1 ပူးပေါင်းရင်းမြစ်များ

Genesis 15:2

Ók ne Abram wahén꞉ron, “O Saiá꞉ner Ní꞉io, nahó꞉ten akarihontá꞉ko né othé꞉non aontáhskon, tsi sénha iáh othé꞉non tewakewí꞉raien, tánon nakó꞉wenk sewatónhsere natientáhtshera ne ne Eliezer né꞉ne Damascusró꞉non?”

Genesis 15:4

Eʼthó꞉ne sahothón꞉teʼne ne Roiá꞉ner shé꞉kon sahohtháhrhahse, “Kí꞉ken rón꞉kwe Eliezer kwáh iáh raowenkhón꞉we thaón꞉ton ne saientáhtshera; etshién꞉ha raó꞉wenk enwá꞉ton.”

Genesis 21:17

Tánon kí ne Rawenni꞉io wahowennà꞉ronke ne raksá꞉ʼa; tánon kíʼ ne raoronhiaʼkehró꞉non ne Rawenni꞉io iahaná꞉ton ne Hagar karonhiá꞉ke nontá꞉we, tánon wahrènhahse, “Nahó꞉ten tesatateʼnikónhrhare, Hagar? Tóhsa sáhteronʼn; asèkenh Rawenni꞉io wahowenná꞉ronhke ne raksá꞉ʼa tsi nón꞉we ní꞉res.

Genesis 22:1

Shontóheste kí꞉ken nahorihoʼtén꞉shons ne Rawenni꞉io wahoteʼnién꞉ten ne Abraham; iahoná꞉ton, “Abraham!” Tánon waʼtharihwaʼserá꞉ko nʼAbraham, “Kén꞉en í꞉keʼs!”

Genesis 22:20

Ohnaʼkèn꞉ke nʼAbraham waharihwá꞉ronke, “Ne iatateʼkén꞉ʼa ne iatathróna, ne ne Nahor tánon Milcah shaʼté꞉kon nihotinekenhteronʼtsherá꞉ien.

Genesis 26:24

Tánon kwáh né siwahsontá꞉te ne Roiá꞉ner wahototáhshien tánon wahén꞉ron, “Í꞉I ne Raoní꞉io ne iaʼníha Abraham; tóhsa sáhteronʼn aseʼkénh Í꞉I tenikwé꞉kon tánon kwáh Enkoniaʼtaté꞉rihste ó꞉ni wé꞉so enkonhwatsirónnien ne nakehnhá꞉tshera Abraham raorihwá꞉ke.”

Genesis 31:7

eʼthó kíʼ sá꞉ne ne tshiseniʼníha wahakeʼnikonhrhá꞉ten tánon oié꞉ri niiorí꞉wake tonsahatá꞉ton nakkariá꞉tsheraʼs. Nok kiʼ ne Rawenni꞉io iáh tehorihwá꞉wi nahakkarewáhton.

2 Samuel 22:3

Akení꞉io í꞉ken, akisténra, rahonháke nón꞉we nikataséhta, akatrenhostákwa ó꞉ni ne ne kashaststénsera natiatakenatiéra, ne nakatenhenranirát꞉tsera ó꞉ni tsi katasehtá꞉kwa, ne sakeskontákwen; í꞉se stsiatanónstats tsi nòkwah ne kaʼniakatsʼthénshera.

2 Kings 1:15

Né Roiá꞉ner rahoronhiakerónon wahawénhase ne Elijah, “Wáhs shá꞉sene, tánon tó꞉sa sateronhníhak.” Káti ne Elijah wahiateró꞉sen ne rasenhnowánen ronhnonhtí꞉ioke niaháne

1 Chronicles 28:20

Né Ronnonhtí꞉io Táwit wahawénhase ne roiénha Solomon, “Tashetakwénhak tánon tashanikonhrahkonhtaʼkwénhak. Tashatásawenh ne kahioténhsera tánon tó꞉sa othènen teshá꞉taste. Né Roiá꞉ner Rawenni꞉io, tsi nikáien ne rihiótenhse, kwáh ensenikweʼkónhake. Kwáh iáh thahiatewénhtheʼte, ók ensheʼnikwekónhake tsi niʼió꞉re ienshienthoserénhtaʼne né kénʼen Ononsatokentiʼkó꞉wa.

Psalms 115:10

Ó tsi sanónshoʼte Aaron, tatsetakwénhak ne Roiá꞉ner! Rahónha ne sakoiénawaʼse tánon rahónha né raonáwenk í꞉ken ne teioniatastákwah.

Psalms 119:114

Í꞉seke nónh꞉we nikatasehtákwah tánon í꞉se nakáwenk tehioniatastákwah í꞉ken; né꞉ne sahwénhnake nónhwe nitewahketákwen.

Psalms 142:5

Í꞉seke iatkahsénhtho, Ó Saiá꞉ner; Wakíron, “Í꞉se ne tsi katashetákwah í꞉ken, ne nakáwenk ne tsi ionhontsáte ne iakónnhe.”

Psalms 18:2

Roiá꞉ner se nakisténhra í꞉ken, nakatenhénhra, tánon ne sahtiathákwen, akeNí꞉io, nakisténhra ne rahonháke nón꞉we nikatasehthákwah, ne nakatʼroʼosthákwah, né꞉ne kashaststénhsera sewatiathákwen, ne nakáwenk iotenhenraníron.

Psalms 27:1

Né Roiá꞉ner rahón꞉ha nakswatthétshera í꞉ken ó꞉ni natiatakenhátsera; ónhka ká꞉ti atkhetshánike? Né Roiá꞉ner rahón꞉ha thá꞉nes ne tsi kónnhe; ónhka ká꞉ti akhetshánike?

Psalms 3:3

Ók ʼI꞉se, Saiá꞉ner, ne tehioniatasthá꞉kwa í꞉ken ne tewakénes, I꞉se nakerenhsharón꞉tshera í꞉ken tánon i꞉se takenikonranírats.

Psalms 3:4

Rahonháke ne Roiá꞉ner iatkaséntho, tánon waʼthakeriwasehrákwahse tsi nontáwe ne raʼonontatokentíke. Selah

Psalms 5:12

Asèken oriwiʼiohónwe sehiathaterístha ne iakoiánere, Saiá꞉ner; kwáh tsi ní꞉ioht ne teioniatasthákwa ne tesehwánen tsi niʼioiánereh ne saienawasétsera.

Psalms 58:11

Nonkweshón꞉has enhiaiéron, “Oriwiʼiohónwe tsi teshonateriwasehrakwénhnis ne tionkwetaiéris; oriwiʼiohónwe tsi káien ne Rawenni꞉io tsi rahónha rarihwénhtha ne tsi ionwenhtsáte.”

Psalms 84:11

Hen, ne Rawenni꞉io, né꞉ne Roiá꞉ner, rahónha ne karáhkwa í꞉ken, teshonkwáhwis ne kaswatʼthétshera tánon natónnhets. Rahónha teshonkwatiatáton, rahónha teshonkwáhnes. Teshonkwáhwis ne kanoronkwáhtshera tánon kakwenienstatserákon tsi shonkwaiénas, né꞉ne tsi niʼiákon ne iáh othènon teiakoníkon tsi iakónnhe né tesakówis ne kowánen í꞉ken ne ioiánere kaiataterítshera.

Psalms 84:9

Tsiatatérist nonkwanontí꞉io, Ó Sewenní꞉io, né꞉ne ronhnontí꞉io í꞉se tsiatará꞉kwen.

Psalms 91:4

kwáh enhiaróhroʼke tsi ní꞉ioht ne kítʼkit tsi iakohiataséhtha nakohiohʼokónha kanerahontsiókon, tánon ranerahontsiókonh nón꞉we nisataséhthaʼkwe; ne Rawenni꞉io rorihwaʼtóken kwáh kíʼ enhiaiatanónsthate tsi ní꞉ioht ne tehioniatasthákwa.

Exodus 14:13

Ne Mahís waʼthariwasehráko, “Tó꞉sa sehwaʼteronhiénten! Sehwaʼnikonhraʼnirónhak, tánon ensewatʼkátho tsi nenháiere ne Roiá꞉ner tsi entsiʼsewaʼnóns꞉thate nónhwa wenhniseráte; kwáh iáh shé꞉kon nonhwénhton tahonsaʼietʼtsíken ne Egyptró꞉nons.

Proverbs 11:18

Nónhka ne iáh tetiakorihwaié꞉ri iáh oʼthé꞉nen kwáh thaʼtaiontèn꞉tsha. Nok tókaʼ tho nénhshiere tsi nahò꞉ten tkariwaié꞉ri kwáh ki iorihwí꞉io tsi tensaterihwaʼserákwahse.

Proverbs 30:5

“Rawenni꞉io iáh nonwén꞉ton thaonsahoʼnikónhrhen nahò꞉ten enhahrhá꞉ratsteʼ. Tho kiʼ í꞉rate nahshakoiaʼtanónhstate nónhka ionhská꞉neks.

Isaiah 35:4

Sheʼiénhas tsi nihá꞉ti ne kwáh ne titkáhere ne raonerhiá꞉ne ne katerón꞉tshera, “Sheʼshátstek, tó꞉sa saterónhsek! Kénhen í꞉res ne Saní꞉io. Entʼtháhawe ne karewatátshera, né꞉ne teiotenonianíton tsi nenskakarhiákon. Kwáh éntʼre nahonsahiaiatanóns꞉thaʼte.”

Isaiah 40:10

Satʼkátho, ne Roiá꞉ner Rawenni꞉io tsi tá꞉re nikweʼkonhátie ne kashatsʼténhsera, tánon ne ranenhtsàkes né thoniaró꞉taron; né raoiatateríhtshera nikweʼkonhátie, tánon ne kakarhiátsera raohénton í꞉we.

Isaiah 41:10

tó꞉sa sáteron, asèken í꞉i tenikwé꞉kon, tó꞉sa sáteron, asèken í꞉i ne Saní꞉io í꞉ken; Kwáh kí enkonsasténhseron, kwáh kí enkoniénawaʼse, Kwáh kí enkonhiatenháwa né watesenhniétha ne tsi keweientetákwen.

Isaiah 41:14

Tó꞉sa sáteronh, í꞉se notsinonwanhéta Jacob, í꞉se nontsinón꞉wa Israel! Kwáh kí enkonsniénon, rá꞉ton ne Roiá꞉ner; né shiaʼiatákwen né꞉ne Roiatatokénti khók í꞉ken ne Israerʼronónke.

Isaiah 43:1

Ók nón꞉wa rá꞉ton ne Roiá꞉ner, rahón꞉ha ne iahiaʼiatíshon, Ó Jacob, rahón꞉ha ne iahiaʼtónhni, Ó Israel: Tó꞉sa sáteron, asèken í꞉i skoniʼakenton; Kwáh iekonhná꞉ton tsi nisasenhnó꞉ten, í꞉se naká꞉wenk í꞉ken.

Isaiah 43:5

Tó꞉sa sáteron, asèken Í꞉i tenikwé꞉kon; Kwáh thentekhehiaʼthénhawe ne seiohokónhas ne tsitʼkarakwínekens nokwáhti, tánon né tsi iatewatʼtsénthos tánon kwáh skát꞉ne enkwahiataróroʼke;

Isaiah 44:2

Né ki aoríhwa rá꞉ton ne Roiá꞉ner tsi rahónha hiaiatíson, rahónha hiaiatíson ne tsi watewiʼraráhkwah tánon kwáh enhiasniénon: Tó꞉sa sáteron, Ó Jacob akenhá꞉tsera, Jeshurunʼró꞉nons ronónha kheiatará꞉kwen.

Isaiah 44:8

Tó꞉sa sewáteron, khés nahiʼsewatʼtsániʼke; iáh ken tekwahrorihánions tsi nahó꞉tens noriwakáions tánon tewakerihwakwát꞉ton? Í꞉se nakerihwanirát꞉tshera í꞉ken! Ónhka kén ne thiʼkaniʼioseràte ahatàke ne tiaták꞉ta? Iáh kén nó꞉ia tekensténhraien; kwáh iáh nénska tewakateriéntaʼre.

Isaiah 51:12

Í꞉i, Í꞉i ne konhnikonranírats; nontiéren ká꞉ti tsi asetʼtshaníseke nonkweshónhas ronónha ónenk tsi ronhniheiónhsere, né nonkweshón꞉has ne ronatashokwénhnis tsi ní꞉ioht nóhonte?

Jeremiah 39:17

Ók Í꞉i, ne Watiá꞉ner, kwáh entkónhne, tánon iáh tsiahiesátkaʼwe ronónhake ne setʼtsánis.

Lamentations 3:24

Thokʼkhók níkon wátsien ne:ne Roiá꞉ner, ne káti aoríhwa rahonháke non nikeniahésen.

Ezekiel 1:1

Ne ásen-niwáhsen shiʼioserahkéhaton, ne kaieríhaton siwenhnitakéhaton, ne꞉ne wísk-khaton siwenhniserahkéhaton, skátʼke iákweskwe ne tionkhihianahkerahkwáhton ne꞉ne tsi kaniatarahtátse ne Chebar, ne tsi karonhiáte onhtenhothónko, kwáh ne ne ahonkatetʼtsénseke Rawenni꞉io waí꞉ken.

Ezekiel 11:24

Tánon tsi wakatashataráhni ne Raonikonhratokénti ne Ní꞉io hontiatakaráhthaʼte tánon ionhsahatsaténhawe tsi thónnes ne ronhwanahnakerahkwáhton ne Babyloniaró꞉nons. Ethòne ne wakatashataráhni kwáh skenénha éhren sáhwete,

Ezekiel 3:4

Ehʼthóhne Rawenni꞉io wahénron, “Rónhkwe iaiénha, wáhs, tsi thónnes nonhkweshón꞉ʼa ne Israel niaháse tánon sehró꞉ri kwáh tsi nahó꞉ten enkonhró꞉ri nashíron.

Numbers 12:6

tánon ne Roiá꞉ner wahénron, “Ónen tsathahónshaʼtat tsi nahó꞉ten enkíron! Nónen ne rotitokénhse skát꞉ke ísehwes, tsi khehiatotashiénhnis ateʼtshenhserákon tánon rahonatetshenhserákons tsi khetaránis.

Numbers 18:20

Ne Roiá꞉ner wahawénhase ne Aaron, “Kwáh iáh thahóten thashiéhna ne kaientátshera nahiotónhon nahonsahiakowenhkónhweke, tánon iáh thahóten ne tsi hionhóntsaien NÍsraerʼró꞉nonke níse thahontaiéson. Í꞉i, ne Watiá꞉ner íken, thók nateshathonhontsóni.”

Numbers 24:4

Né rakwénies nahothóntene tsi nahoténsons ne Rawenni꞉io ratónhnions. Né tshiatewatkharotáhons atetʼtshenhserákon tsi wakatkátho Honhkatashatáhrase ne Roshatstenserowánen Rawenni꞉io.

Matthew 28:5

Tahatati ne raronhiakeronon. Ȣasakaȣenhase ne tsionathonȣisen: tosa nise seniteronn: Iesos seȣahi hetsiseniiatisaks ne ronȣaiatanentakton.

Matthew 8:26

Tontasakaȣenhase; nahoten Seȣaterontha nise-ȣerientaha? Ethone tontahatane, ȣahatarhase noȣeron oni tsi kaniatare; nok oksaok tonsakaȣeriiake.

Luke 1:13

Nok tanon ne Raronhiakeronon Sahenron: tosa sateronn, Sakari; aseken ne saterennaient onen ieioh raohenton ne Niio; nok ne teseniteron Arisaȣe roskenrakete enhioȣiraientane, nok San enhtsenatonkȣe.

Luke 1:30

Nok ne Raronhiakeronon ȣarenhase: tosa sateronn Onȣari: Aseken saien ne Kaiataterisera raohenton ne Niio.

Luke 12:32

Tosa seȣateronn, seȣententsihon nitsion ok; thonikonriiohonse ne Etsiseȣaniha naetsitsion ne raonakerasera.

Acts 10:22

“Ranenrakweʼní꞉io Cornelius tasonkwatóri,” watatiriwaseráko. “Tronkwetaiéri roʼsénnaiens ne Rawenni꞉io tánon ó꞉ni kwáh íken tsi éneken tsi ní꞉ioht tsi ronwariwakweniénstha ne Sitaeró꞉nons. Ne Rawenni꞉io rahoronhiakerónon wahoróri ne iahianatarénaʼse ne tsi thonónsohte, neh nahónton nahothónteʼne tsi nahóten sáien nasíron.”

1 Corinthians 3:22

Kór, Apollos, tánon ne Tiér; kiʼkén꞉en ionwentsiáte, natónnets ó꞉ni ne kenhéion, nónwah tánon ne tsi niénhewe—oriwahkwékon kí꞉ken í꞉se sewáhwenk,

Deuteronomy 18:2

Iáh tehiówenk ne thé꞉nnen ahononhontsaiéntake, tsi ne ní꞉ioht ne ronatià꞉kes kentióhkwas; ne rahonáwenk né꞉nenhne rahotihiathakenhátshera tsi Roiá꞉ner rahotsihenstaʼshón꞉as í꞉ken, tsi ki nihorahrátston ne Roiá꞉ner.

Deuteronomy 31:6

Kwáh iasewanikonhrakónhtat tánon sewaʼnikonhranirón꞉hak. Tó꞉sa ietshitshà꞉nisek. Ne sewaNí꞉io, ne Roiá꞉ner rahonhatsí꞉wa, ensewakwekónhake. Iáh thatsisewaʼnikonráhthe iáh ó꞉ni thatsisewatiaʼthonthakwáse.”

Hebrews 1:1

Tsi nitsawénon Rawenni꞉io wéso iorihwáhke sakotaráni ne ietʼtisotthonkonhkén꞉en tánon ó꞉ni wéso tsi nitsawéhnon ne rotitokenshéhakwe ó꞉ni shakotahráhni,

Revelation 1:17

Nó꞉nen sahí꞉ken, watsiataién꞉taʼne rashitákʼtha tsi ní꞉iot nahonkihé꞉ionke. Ók wathakanisnónhsaren ne saweientenhthákwen, ratón꞉nions, “Tó꞉sa saterónh; Í꞉i ne tiotierenhthá꞉kwen tánon nonaʼkénkha í꞉ken,

Ruth 2:12

Aiá꞉wens ne Roiá꞉ner tahiariʼwaserakwáhse tsi nisatié꞉ren. Aiá꞉wens káti ó꞉ni kwáh otokén꞉en tahiariʼwaserakwáhse ne Roiá꞉ner Rawenni꞉io ne Israel tsi kén꞉en nontáhse nahiaiaʼtanónhstate!”

1 Samuel 15:10

Ne raowennaʼó꞉kons ne Roiá꞉ner wahohiatórenhne ne Samuel:

1 Samuel 9:9

(Nohén꞉ton tkènʼne ne Israerró꞉nonhke, ón꞉ka ién꞉hien neh thé꞉nen ahieriwísake tsi nó꞉kwah ne Ní꞉io enhiaʼiéron, “Káts, áhnion thóh nienhé꞉tene tsi thénteron ne iehariwákenhs”; asèken raón꞉ha ó꞉nenh ne shonhwanatón꞉kwa rotokén꞉se nohén꞉tonn tkènʼne ne ronwanatón꞉kwakwe iehariwáʼkenskwe.)