Genesis 14:5 - Ohiatonhseratokénti

⁵ Ne kaieríhaton iawén꞉re shiiohserakehátie ne Chedorlaomer tánon ratikwé꞉kon ne rontinontí꞉ioʼs né skátne ratikwekonhátie wahshakotishén꞉ni ne Rephaim né꞉ne Ashteroth Karnaimʼke nón꞉we, ó꞉ni ne Zuzim né꞉ne Ham nón꞉we í꞉ken, ó꞉ni ne Emim ne ne Shaveh-Kiriathaim nón꞉we í꞉ken.

Genesis 14:5 ပူးပေါင်းရင်းမြစ်များ

Genesis 14:4

Tékeni iawén꞉re niiohserá꞉ke wahonwahiótenhse ne Chedorlaomer, ók náhsen iawenré꞉haton shiiohserakehátie wahonwateriʼwaksá꞉ten.

Genesis 15:20

ne Hitró꞉nons, ne Perizró꞉nons, ne Rephaim,

2 Samuel 23:13

Ne shontonhtásawenh naieietkwáko áhsen niháti ne áhsen-niwáhsen nohénton iehonhnétons iahón꞉ne wahonwatsiátarase Táwit thóh nón꞉we ne ostʼtenró꞉kon ne Adullam, thóh ne ná꞉he ne Philistiaró꞉nons thóh tóh natatoseró꞉tons ahonrá꞉kwakon ne Rephaim.

2 Samuel 5:18

Nón꞉wa ne Philistines thóh nènon tánon wathonréhni thóh ahonrakwákon ne Rephaim.

2 Samuel 5:22

Shé꞉kon ionsónteratste ne Philistines tontahónhne, tánon thóh nón꞉we natehonahréhnion aonrakwáhkon ne Rephaim.

1 Chronicles 11:15

Énska kíʼ nenhʼné꞉e wenhniseráteʼkwe áhsen nihá꞉ti né asenhniwá꞉sen nihá꞉tiʼkwe ne sakotiʼhentenséhaʼkwe ne ronterí꞉ios tsi tsotsʼtenrakwénhrare niahón꞉ne tsi nón꞉we thenterón꞉taʼkwe ne Táwit né꞉ne ákta ne Adullam tsi tsosonhwakáronhte, thóh ná꞉he ne Philistiaró꞉nons rahotitsiókwah Rephaim nón꞉we nihonatatoseróhthaʼkwe.

1 Chronicles 14:9

Né Philistiaró꞉nons Rephaim Ahonráhkwahkon nón꞉we iahónhnewe tánon tahonthá꞉sawen wahatiʼnenskwenháton.

1 Chronicles 4:40

Kwáh iawetowáhnen wahatitsénhri ne tsi konwatiʼteronhtákwahs ionhontsakérons thóh hiohontsakwénhtares ne kahetakésons tsi niió꞉re tsi sakʼthíken. Nonkweʼshón꞉as né nón꞉we nihatirerónhtaʼkwe né꞉ne Hamró꞉nons.

Psalms 105:23

Eʼthóhʼne ne Jacob Israeronónhke niaháre; ne Jacob tihahóntsate tsi ní꞉ioht tsi iehenterón꞉taʼkwe ne tsi waʼtonhontsáien ne Ham.

Psalms 105:27

Tsi ratinákere ne Egyptró꞉nons ne waʼhiaterihwathénhtsate nanéneste, ne iorihwaʼnerakwahthénions ne Rawenni꞉io tsi nisakonáhon nahotiʼióten ne Ham nón꞉we.

Psalms 106:22

Iorihwaʼnerakwahthénions rohiothénhen ne tsi waʼtonhontsáien ne Ham, tánon iorá꞉ses ne kahiothénhseras rohiothénhen ne Red Sea nón꞉we.

Psalms 78:51

Ratikwékon waʼsakononhwarhiakónhnion ne tonatserénhton ronanakeráton ne rotiskenrákete ne tsi ratiwaʼtsiráiens ne Egypt nón꞉we, tánon tsi niehotwatsiríhnon ne Ham.

Isaiah 17:5

Tánon kwáh thóh nenhiotónhake tsi ní꞉ioht nó꞉nenh ne ratiʼnatsíʼiasts tsi niʼhatitonhwaróroks ne rotiʼthokótons nonátsias tánon ratinentʼtsàkes rónstha tsi ratiientʼtkwakwas, tánon nó꞉nenh ratinerók꞉tsions nónenhste nahonrákwahkon ne Rephaimke.

Jeremiah 48:1

Kén kíʼ nahó꞉ten ne Roiá꞉ner Roshastsʼtenseroʼwáhnen ne ne sakoʼNí꞉io ne Israerʼró꞉nons warénhase ne Moab: “Tesehnonhiánik nonhkweshón꞉as ne Nebo nónhwe— ne raothináta kariwénhkton! Ne Kiriathaim konhwahiénenh, ne hiotenhenrahníronhkwe tenahnahtánenhʼne ehtàke wáhtion, tánon nahonkwetaʼshón꞉a wahonwahnahtéhaʼthe;

Jeremiah 48:23

Kiriathaim, Bethgamul, Bethmeon,

Numbers 32:37

Ne rahotitsiókwahs ne Reuben sahatinathonhniánion ne Heshbon, Elealeh, Kiriathaim,

Deuteronomy 1:4

Ne kí꞉ken nó꞉nen ne Roiá꞉ner shihosénhnion ne Ronhnonhtí꞉io Sihon né꞉ne Amorʼró꞉nons nahotaró꞉ten, raónha rakó꞉rahkwe ne tsi kaná꞉taien ne Heshbon, tánon ne Ronhnonhtí꞉io Og né Bashan, raónha ne rakó꞉rahkwe ne tsi kaná꞉taien ne Ashtaroth ó꞉ni ne Edrei.

Deuteronomy 3:11

(Ne Ronhnonhtí꞉io Og raónha nonaʼkènkha iaʼtehotaténron tsi tahatiwatsiraʼtátie ne Rephaim. Ne raorónhto, onén꞉ia nahó꞉ten ionhnià꞉ton, iá꞉iak niwashì꞉take naʼtewataká꞉ron tánon kaié꞉ri iawénhre niwashì꞉take ní꞉ions, tioianénha tsi nikatokénston natenienʼténtsheras. Shé꞉kon enwá꞉ton naiontká꞉tho ne tsitkaná꞉taien ne Ammonró꞉non né꞉ne Rabbah nón꞉we.)

Deuteronomy 3:13

Ashénhnon tsi nihotitiókwa ne Manasseh taʼkhéhion ne ken iotiè꞉ton ne Gilead, tánon ó꞉ni ne Bashan, thóh nón꞉we ne Og nihakó꞉raʼkwe, né꞉ne ieiokwékʼton ne Argob iokwèn꞉rahre.”

Deuteronomy 3:20

Ieʼtsisnié꞉non ne otià꞉kes NʼIsraerʼró꞉nonhs tsi nió꞉re ienhontié꞉nawatsʼte nohontsaʼshón꞉a ne Roiá꞉ner enteshakowí꞉hon né꞉ne tsi iaʼtewatshénthos nokwá꞉ti iotohetsʼtákwen ne Jordan tánon ne tsi nió꞉re ne Roiá꞉ner enshakorí꞉hon ne skén꞉non tsi ahatiʼterón꞉take, tsi ó꞉nen thóh ne nihoié꞉ren ne kén nónhwe ne sewariwà꞉ke. Ken ienwatásawen, enwá꞉ton ne kén꞉en tsi iohontsá꞉ien natahonʼté꞉sehwe né꞉tho ohóntsa tkwá꞉wi.’

Deuteronomy 3:22

Tó꞉sa ietsitshanísek, asè꞉ken ne Roiá꞉ner sewaNí꞉io raónha entsisewaterí꞉iose.’

Joshua 12:4

Kwáh ó꞉ni wahonwasén꞉ni ne ronhnonhtí꞉io Og né꞉ne Bashan nón꞉we, rahonhà꞉a khók iatesothaténronhne ne rathikowá꞉nenskwe né꞉ne Rephaim; roʼkorásthonhne ne Ashtaroth nón꞉we tánon ne Edrei.

Joshua 13:12

Thóh í꞉kare ne rahonhnonhtihiótsera ne Og, né꞉ne iatesaonhà꞉a ne Rephaim, né꞉ne raónha thoniarotháronhne ne Ashtaroth ó꞉ni ne Edrei. Mahís kí꞉ken shakosénhnion ki onhkweshón꞉a tánon sakohiaʼtinekén꞉en.

Joshua 13:19

Kiriathaim, Sibmah, Zereth Shahar ne ionhniáhere nahonráhkwakon nón꞉we,

Joshua 13:31

Thóh í꞉kare nasénhnon ne Gilead, ó꞉ni ne Ashtaroth ó꞉ni ne Edrei, né꞉ne kanathakweʼní꞉io ne kanatowá꞉nens ne Og kanakerahserá꞉kons ne Bashan nón꞉we. Akwé꞉kon kí꞉ken ne thonwanawí꞉hons ne asénhnon rahotiwá꞉tsires tsi nithonatwatsirí꞉non ne Machir ne roiénha ne Manasseh.

Joshua 9:10

Tánon tsi nishakoieráse ne teninonhtihioʼtserá꞉ke ne Amorʼró꞉nons né꞉ne ná꞉kon nokwá꞉ti ne Jordan: ne ronhnonhtí꞉io Sihon ne Heshbon ó꞉ni ne ronhnontí꞉io Og ne Bashan, ne raónha Ashtaroth nón꞉we nihanákereʼkwe.