Genesis 14:22 - Ohiatonhseratokénti

²² Ók ne Abram wahawénhahse ne ronnontí꞉io ne Sodom, “Kwáh wakanentshakaratá꞉ton tánon wakerihwanirá꞉ton raohén꞉ton ne Kwáh É꞉neken Thótte Rawenni꞉io, ne ne Róhson ne tsi karonhiá꞉te ó꞉ni ne tsi ionwentsá꞉te,

Genesis 14:22 ပူးပေါင်းရင်းမြစ်များ

Genesis 14:21

Eʼthó꞉ne né ronnontí꞉io ne Sodom wahawénhahse ne Abram, “Takonkweʼtawíhon, ók í꞉se sonháʼak sateweièn꞉ton ne kaientáhtsheraʼs niaʼtehshiá꞉ti.”

Genesis 17:1

Ne nó꞉nen ne Abram tióhton niwáhsen tánon tióh-ton shaʼtehaohseriiá꞉kon, ne Roiá꞉ner wahototáhshien ne Abram tánon wahawènhahse, “I꞉i ne Ní꞉io wakeʼshaststenhserowá꞉nen; takewèn꞉narahk tánon kwáh tóhsa ohthé꞉non iesarihwatshènriaʼs.

Genesis 21:33

Abraham tamarisk naʼkarontó꞉ten waharontaièntho thóh non ne Beersheba, tánon thóh nón꞉we nahohsén꞉naien ne Roiá꞉ner, ne ne Ronhnheʼón꞉we Ní꞉io.

Genesis 24:3

tánon kwáh enkoniónnien nahsehrihwahní꞉rate raohén꞉ton ne Roiá꞉ner, ne ne Rawenni꞉io ne tsi karonhiá꞉te tánon ne tsi ionhwenhtsá꞉te, tsi iáh thatshenahkwatshénriaʼse ne riʼiénha ne thóh niáhse tsi kontí꞉teron né Canaanró꞉non, raotiiaʼtaseʼtsheraʼshón꞉ʼa, tsi niká꞉ien né skátne iakwanákere,

2 Samuel 2:5

ne Táwit iasakotóri ratiʼrihwakarénies tsi thaʼtíteron nonkweʼó꞉kons ne Jabesh Gilead, tánon wasakonénhase, “Aiá꞉wenhs ní꞉se atsisewaiatatériste ne Roiá꞉ner, tsioríhwa tsi wehsewé꞉neste kí꞉ken tsi sewarihwatókenhne raonháke ne Saul sewaiá꞉ner, ó꞉ni tsi watsisewaiaʼtátah!

2 Kings 5:16

Elisha watharihwaseráko, “Tsi nironnhehónwe ne Roiá꞉ner, tsi nikáien ne rihióthenhse, wakerihwanírate tsi iáh thatséna nètho athatawítshera.” Né Naaman taharihwáreke, ók iáh kíʼ tehoienáhon.

1 Chronicles 29:11

Í꞉se ne sesátsʼte ó꞉ni shaʼsatsʼtenhserowánen í꞉ken, sahiatanerákwat, iorá꞉se, tánon sanontí꞉io í꞉ken. Orihwaʼkwé꞉kon ne karonhiáke ó꞉ni nonwenhtsáke tsi í꞉se sáwenk, tánon í꞉se ne sanontí꞉io í꞉ken, né kwáh tishaʼsastenserowánen orihwaʼkwé꞉kon í꞉se tisaniaró꞉taron.

Psalms 144:11

Saskeniákent tsi nòkwah ne kaniákaste asarekówa, tánon sastsatonhtáko ne ratisnonhsáke ne thiʼononhontsátes, ne tsi ratisakáronhte tsi ronhtátis ronhnowénhtha, tánon ne satinekwáhti iáh nenhné꞉e teiorihwatóken.

Psalms 144:8

Tsi ronhtátis tsi ratisakáronhte ronhnowenhtánions, tánon ne satiweientethákwen iáh nenhné꞉e tehiorihwató꞉ken.

Psalms 24:1

Né tsi ionwenhtsáte Roiá꞉ner sèh raówenk tánon akwé꞉kon tsi nahoténhsons né thóh í꞉wa, tsi ionwenhtsáte, tánon tsi niʼiákon né nón꞉we niʼienákere;

Psalms 83:18

Tánon sehtokáhten tsi kwáh séh shonháhak khók í꞉ken, né sasénhna né꞉ne Roiá꞉ner í꞉ken, né꞉ne kwáh ohontsakwékon tisaʼshaststenhserowánen.

Exodus 6:8

Ienkwahiaʼténhawe ne tsi tsohóntsaien né kwáh khehiaʼrahratsʼténhni tsi entekhéhion ne Abraham, lsaac, ó꞉ni ne Jacob; tánon kíʼ í꞉se èntʼtsion tsi kwáh í꞉se ensehwahwenhkónhweʼke. Í꞉i ne Watiá꞉ner.’”

Isaiah 57:15

Asèken né aoríhwa rá꞉ton ne éhʼneken tánon né kwáh tótʼte tsi rahónha thóh nón꞉we nihénteron tsi nón꞉we ne tsi nénhwe í꞉ken, né raosénhna né꞉ne Iotokénti: Thóh nón꞉we nikíteron ne kwáh éhʼneken ít꞉ken tánon iotenathatokénti, tánon kí ó꞉ni tsi nihiá꞉kon ne teiakaweriaʼsaríhon tánon tiakonikonrénhen, né náse ahonsónhton nakonikónhra ne tiaʼkonikonrénhen, tánon á꞉se ahonsónhton nakawariáʼne ne teiakaweriaʼsaríhon.

Daniel 12:7

Ne raronhiaʼkehró꞉non tetsá꞉ron tsi wahanentshakétsko tánon karonhiá꞉ke niahaié꞉raʼte tánon kwáh orihwiioʼón꞉we waharháratste eʼtho raosén꞉nakon ne ronhnheʼón꞉we Rawenni꞉io. Onkathón꞉teʼne tsi wahén꞉ron, “Áhsen niiohserá꞉ke tánon tsiaʼtewasén꞉nen. Né nó꞉nen ienwatókten tsi nihonwatironhiakéntha ne Rawenni꞉io raotióhkwa, kwáh kiʼ orihwakwé꞉kon ó꞉nenk tsi tho neniá꞉wenʼne.”

Daniel 4:34

“Shontóhetste ne tsá꞉ta niiohserá꞉ke,” wahén꞉ron ne ronnontí꞉io, “Iaʼkatkáhtho ne tsi tiohtsíkerare, tánon kwáh ionsakeʼnikonhraié꞉riʼne. Wahihsénnaien ne Roshatsthenhserowá꞉nen Rawenni꞉io ó꞉ni wahikwénienhste tánon ne raoiaʼtanehrakwáhtshera tsi niká꞉ien ne ronnheʼón꞉we. Kwáh tsi nén꞉we enhawenní꞉ioke, tánon ó꞉ni ne raonakeráhsera tsi nén꞉we enkátake.

Haggai 2:8

Ne kahwistará꞉kens í꞉ih aká꞉wenk, ó꞉ni ne ohwistanó꞉rons í꞉ih aká꞉wenk, rá꞉ton né Sakoiá꞉ner ne ratironhiakeró꞉nons.

Deuteronomy 10:14

Raónha ne Roiá꞉ner rahó꞉wenk shé꞉kon ne kwáh è꞉neken ítken ne karonhià꞉ke; tsi ionhontsáte ó꞉ni raónha rahó꞉wenk, tánon tsi nahó꞉ten ne kahawánion.

Deuteronomy 32:40

Kwáh tsi nihiorihwí꞉io tsi konhnhehónwe Ní꞉io, kanenʼtsakará꞉tats tánon karahrátstha

Judges 11:35

Nó꞉nen sashakokóken, kanikonhratʼsenhtserákon waharatsónhko ne rahotierón꞉nia tánon wahénron, “Oh, konhiénha! Watesskheriesaríhthe! Onh nonhtséren tsi í꞉se thaʼkonhniénhnis nahonhkenonhwatʼtháten? Kwáh í꞉ken tsi iorihwaníron tsi ní꞉ioht tsi rihiararatsʼténhni ne Roiá꞉ner, tánon iáh thahónton ne tahontakát꞉thaʼte!”