Genesis 14:19 - Ohiatonhseratokénti

¹⁹ Tánon wahoiataté꞉rihste tánon wahén꞉ron, “Aiá꞉wens ne kwáh Thótte Rawenni꞉io, ne ne róson tsi karonhiá꞉te ó꞉ni tsi ionhwentsá꞉te ahoiaʼtaté꞉rihste ne Abram;

Genesis 14:19 ပူးပေါင်းရင်းမြစ်များ

Genesis 14:22

Ók ne Abram wahawénhahse ne ronnontí꞉io ne Sodom, “Kwáh wakanentshakaratá꞉ton tánon wakerihwanirá꞉ton raohén꞉ton ne Kwáh É꞉neken Thótte Rawenni꞉io, ne ne Róhson ne tsi karonhiá꞉te ó꞉ni ne tsi ionwentsá꞉te,

Genesis 24:3

tánon kwáh enkoniónnien nahsehrihwahní꞉rate raohén꞉ton ne Roiá꞉ner, ne ne Rawenni꞉io ne tsi karonhiá꞉te tánon ne tsi ionhwenhtsá꞉te, tsi iáh thatshenahkwatshénriaʼse ne riʼiénha ne thóh niáhse tsi kontí꞉teron né Canaanró꞉non, raotiiaʼtaseʼtsheraʼshón꞉ʼa, tsi niká꞉ien né skátne iakwanákere,

Genesis 27:4

Eʼthó꞉ne takekhwahsehrónnien ne kakhwákon, ne ne wakekhwá꞉kaʼs, tánon taskekhwahawíhten ne takatská꞉hon; ne naón꞉ton akoniaʼtaté꞉rihste nohén꞉ton akíheie.”

Genesis 47:10

Eʼthó꞉ne ó꞉nen shé꞉kon ne Jacob sahoiaʼtaté꞉rihste ne Pharaoh, tánon sahaiá꞉kenʼne tsi rèn꞉teron ne Pharaoh.

Genesis 47:7

Eʼthó꞉ne ne Só꞉se tahoiaʼtínionʼte ne roʼníha Jacob ne tahotenró꞉seron ne Pharaoh, tánon ne Jacob wahoiaʼtaté꞉rihste ne Pharaoh.

Genesis 49:28

Ratikwé꞉kon kí꞉ken ne ne tékeni iawén꞉re nihotitióhkwakeʼs ne Israerʼró꞉nons, tánon kenʼ nahó꞉ten wahshakawènhahse ne ronwaʼníha nó꞉nen sahshakoiaʼtaté꞉rihsteʼ, shatiiaʼtátshonʼs ne raonekenhteronʼtsheraʼshón꞉ʼa tahshaká꞉wen ne tkawennaié꞉riʼs kaiaʼtateríhtshera.

2 Samuel 2:5

ne Táwit iasakotóri ratiʼrihwakarénies tsi thaʼtíteron nonkweʼó꞉kons ne Jabesh Gilead, tánon wasakonénhase, “Aiá꞉wenhs ní꞉se atsisewaiatatériste ne Roiá꞉ner, tsioríhwa tsi wehsewé꞉neste kí꞉ken tsi sewarihwatókenhne raonháke ne Saul sewaiá꞉ner, ó꞉ni tsi watsisewaiaʼtátah!

1 Chronicles 29:11

Í꞉se ne sesátsʼte ó꞉ni shaʼsatsʼtenhserowánen í꞉ken, sahiatanerákwat, iorá꞉se, tánon sanontí꞉io í꞉ken. Orihwaʼkwé꞉kon ne karonhiáke ó꞉ni nonwenhtsáke tsi í꞉se sáwenk, tánon í꞉se ne sanontí꞉io í꞉ken, né kwáh tishaʼsastenserowánen orihwaʼkwé꞉kon í꞉se tisaniaró꞉taron.

2 Chronicles 31:8

Nó꞉nenh ne Ronnontí꞉io Hezekiah tánon ne rahonkwetashón꞉as wahontkátho tsi niʼwé꞉so tahonwénhnon, waʼthonwanonhweráton ne Roiá꞉ner tánon waʼthonwatinonhweráton né rahonkweʼtaʼshón꞉as Nisraeʼró꞉nonke.

Psalms 115:15

Aiáwens ahiaiatatériste ne Roiá꞉ner, né꞉ne róshon tsi karonhiáte ó꞉ni tsi ionhontsáte.

Psalms 115:16

Né tsi karonhiáte né꞉ne Roiá꞉ner raówenk í꞉ken ne tsi karonhiátes, ók ne tsi ionhontsáte ónhkwe nenhné꞉e tesakówi.

Psalms 24:1

Né tsi ionwenhtsáte Roiá꞉ner sèh raówenk tánon akwé꞉kon tsi nahoténhsons né thóh í꞉wa, tsi ionwenhtsáte, tánon tsi niʼiákon né nón꞉we niʼienákere;

Psalms 50:10

Asèken kwáh tsi niateháti ne kontírios ne kará꞉kon rónhnes Í꞉i kíʼ aketsenenhókons í꞉ken, ó꞉ni ne tionhnónskwarons ne tewenhniawehetserásens nikónti kónhnes tsi ionhniarón꞉nions.

Micah 6:6

“Onhnahó꞉ten iahihawí꞉then raohénton ne Roiá꞉ner, tánon takattsákete raohénton ne Roiá꞉ner ne eʼnekénstsi? Raohénton onhtéken niáke ne ne katshé꞉nen nahihiatsathatsáhate, ne ne énska tehaosehrihià꞉kon tionhnónskwahron owí꞉ra?

Matthew 11:25

Ethone ne Iesos tontahenron: O konsennaiens Rakeni, ok tiseȣenniio tsi Karonhiate oni tsi Ionȣontsiate, ne tsi sheriȣasetenni neh nikarihotens ne iontokhas oni ne ienikonrasson, nok neh ne kenniiakasa shetokatenni.

St. Mark 10:16

Ethone kati onen ȣasakokitarho, ȣasakoiatateriste, oni ȣatesakonisnonsaerhase.

Luke 10:21

Ethone ne Iesos ȣahatonnharen ne raȣeriane, nok ȣahenron: Konhiatsennonniase, O Rakeni, Seȣenniio ne karonhia oni nonȣentsia! tsi sheriȣasetenni neh nakarihotens ne iakohnikonroȣanens nok oni ne ionttokhas, nok eksaokonha sheriotasienni; Eh kati niiot, Rakeni! Aseken eh ki nitisanikonriiohon.

Acts 16:17

Wahonwásere ne Kór tánon nonkwátiakes, tehiakohenrétane, “kíʼ ronʼnónkwe neh ronwahiótense nahonwa꞉a tohsatstenserowánen Rawenni꞉io! Neh rontʼróris onʼní꞉ioht tsi ahonsahseniákenʼne!”

Ephesians 1:3

Ánion thetsitewanonweráton ne Rawení꞉io ó꞉ni rahónha ne kanísera ne sonkwaiáner Ié꞉sos Kerístos! Ne tsi tehionkwateriwasóntere ne Kerístos sonkwahiatateríston neh tsi nitesonkwáʼwi noriwakwékon ne kariwiʼiostóntsera ahohiataterítsera ne karonhiáke tiohontsáte.

Ephesians 1:6

Ánion theʼtsitewanonweráton ne Rawení꞉io tsi nihionerákwat ne rahoténrat, tsi kwáh iáh thènen tehiokaráien tsi nithesonkwáʼwi ne roiénha!

Deuteronomy 10:14

Raónha ne Roiá꞉ner rahó꞉wenk shé꞉kon ne kwáh è꞉neken ítken ne karonhià꞉ke; tsi ionhontsáte ó꞉ni raónha rahó꞉wenk, tánon tsi nahó꞉ten ne kahawánion.

Ruth 3:10

Wahèn꞉ron, “Roiá꞉ner ahiaiaʼtatérihste. Wéne senestonhá꞉tie tsi sénha seriwakweniéns꞉tha ne kahwá꞉tsire tsi nihsatiérha nón꞉wa, tsi niʼsheiatierá꞉se iesasá꞉wha. Aiotónʼon aiesesá꞉kon sénha kenʼnithoiénha tóka rokwáhtshe tóka niʼ ró꞉ten nek tsi iáh kiʼ tho tesaié꞉ren.

1 Samuel 15:13

Nó꞉nenh ne Samuel shiahárawe tsítres ne Saul, Saul wahawénhase, “Aiá꞉wens ní꞉se aiaiathateríston ne Roiá꞉ner; Í꞉i wakerihwaieríhton ne raotiawenhrátshera ne Roiá꞉ner.”