Genesis 14:18 - Ohiatonhseratokénti

¹⁸ Tánon ne Melchizedek né ronnontí꞉io í꞉ken ne Salem tahanaʼtarénhawe tánon otsí꞉tsa tahanekénhawe; ráonha ne ratsihènhstatsi kén꞉ne, ráonha roiotʼénhse ne Rawenni꞉io ne Kwáh É꞉neken Thótte.

Genesis 14:18 ပူးပေါင်းရင်းမြစ်များ

2 Samuel 2:5

ne Táwit iasakotóri ratiʼrihwakarénies tsi thaʼtíteron nonkweʼó꞉kons ne Jabesh Gilead, tánon wasakonénhase, “Aiá꞉wenhs ní꞉se atsisewaiatatériste ne Roiá꞉ner, tsioríhwa tsi wehsewé꞉neste kí꞉ken tsi sewarihwatókenhne raonháke ne Saul sewaiá꞉ner, ó꞉ni tsi watsisewaiaʼtátah!

Psalms 104:15

tánon onenharatasehontsherákeri enhontʼnekónhni né nenhné꞉e nahontsenhnonniátaʼkwe iakeniehwáhtha kénhie enhonthatókaʼwe ne ratikonhsáke ne nenhné꞉e nahontkatotsherihióhake, tánon kákhwa né꞉ne tsakosasthenhseráwis.

Psalms 110:4

Né Roiá꞉ner kwáh í꞉ken tsi rorihwaʼniráton tánon kwáh kíʼ iáh tatahonsahoterihwaʼténien, “Kwáh tsi nénwe tsi enstsihénstatsi enkénhake tsi ne nihatsihenstotenhne kenʼne ne Melchizedek.”

Psalms 50:14

Ítstats ne Rawenni꞉io ne kariwiʼioseokónhas ne tehionhtenonweratónhkwa, tánon thá꞉tion ne Roshaststenhserowanenkówa akwékon tsi nisararátston.

Psalms 57:2

Iahináton ne Rawenni꞉io, ne kwáh éʼneken tótʼthe, né꞉ne Rawenni꞉io, tsi rahónha tatkáwas akwékon tsi natewaʼkatonhontsóni.

Psalms 7:17

Kwáh entíhion ne Roiá꞉ner ne kanonhweratónhtsera nahontakaiérihke tsi nòkwah ne raorihwaʼkwahrishión꞉tsera, tánon tenhkeríhwakwe ne kanonweratónhtsera raosénhnakon ne Roiá꞉ner né kwáh éʼneken tót꞉te.

Psalms 76:2

Tsi ionón꞉te ne Zion ne Jerusalem nón꞉we nihénteron.

Psalms 76:3

Thóh nón꞉we nathahiákon ne kaiénkwires né꞉ne ronhwaʼtíshons raotiʼiénkwires, ne rontrenhosthákwas tánon ne raonasarekówa, hén, akwékon ne tsi nihonterihiosthákwas. Selah

Daniel 4:31

Nʼohén꞉ton nʼiahatewennókten, karonhiá꞉ke nontá꞉we ne Rawenni꞉io wahén꞉ron, “Sanontí꞉io Nebuchadnezzar, satahónhsatat tsi nahò꞉ten enkonhró꞉ri. Ó꞉nen waʼkónhkhwa ne sashatsténhsera tsi nón꞉we nisatenontiióhston.

Micah 6:6

“Onhnahó꞉ten iahihawí꞉then raohénton ne Roiá꞉ner, tánon takattsákete raohénton ne Roiá꞉ner ne eʼnekénstsi? Raohénton onhtéken niáke ne ne katshé꞉nen nahihiatsathatsáhate, ne ne énska tehaosehrihià꞉kon tionhnónskwahron owí꞉ra?

Numbers 18:28

Thóh kíʼ ní꞉ioht tsi kwáh iensewát꞉kaʼwe ne katokénston tkaiéston ne Roiá꞉ner rahowenhkhónhwe né nakwékon tewátkawen tsi nisewaienáhon tsi nithotiʼiéston NʼIsraerʼró꞉nons. Ónenk tsi iensewát꞉kawe kí꞉ken katokénston tewatkáwen ne Roiá꞉ner rahorihwáke rahohénton ne Aaron ratsihénstatsi.

Numbers 24:16

Ónhka aiekwéni nahiakothóntene tsi nahó꞉ten rathónhnions ne Rawenni꞉io Tánon nahieiéna natohkhátshera tsi nitewé꞉tha ne kwáh éhneken nónhwe. Tiatewaʼtkarotáhon atetʼtshenhserákon Thiʼhiothasátare tsi ríhkens ne Roshatstenserowánen Rawenni꞉io.

Acts 16:17

Wahonwásere ne Kór tánon nonkwátiakes, tehiakohenrétane, “kíʼ ronʼnónkwe neh ronwahiótense nahonwa꞉a tohsatstenserowánen Rawenni꞉io! Neh rontʼróris onʼní꞉ioht tsi ahonsahseniákenʼne!”

Acts 7:48

“Nók kíʼ ne kwáh rosastenserowánen Rawení꞉io iáh nen né꞉e tsi kanonsóton non tehnteron neh oʼónkwe akosnónsa akanonshonʼniáton; tsi nihónen ne rothithokenséhaʼkwe,

Galatians 6:10

Ne káti, tsi niʼioriwáke enhionkwatesennaiéntane, kwáh ioianeréhak tsi naietʼthihiatiérase nakorénson, kwáh ó꞉ni sénha tsi niháti neh nón nihatiʼiátare non kwentiókwakon ne tewetákwen.

Hebrews 5:10

tánon Rawenni꞉io waʼhorihowahnháten tsi rahtsihenstowá꞉nen tsi ne nihatsihenstótenhne kénʼne ne Melchizedek.

Hebrews 5:6

Shékon óni ákte nónwe nisháwen, “Kwáh tsi nénwe tsi enstsihénstatsi enkénhake tsi ne nihatsihenstoténhne kénʼne ne Melchizedek.”

Hebrews 6:20

Í꞉i onkwarihwàhke ne Ié꞉sos tsi thóh iehotawehiáton rohénton tánon tsi nénwe rahtsihentowáhnen rohtón꞉on tsi ne nihatsihenstoténhne kenʼne ne Melchizedek.

Hebrews 7:1

Kí꞉ken Melchizedek raónha ne Ronontí꞉ioʼkwe ne Salem nónwe tánon raónha ne ratsihénstatsi tsi nòkwa ne Rawenni꞉io ne Kwáh É꞉neken Thótte. Né Abraham shatontahotentionhátie ne tsi wahterí꞉iokwe shakoshennionhátie ne kaiéri nihatinontiʼiotsheráke, Melchizedek iatoteráhte tánon wahohiatatériste,

Ruth 3:10

Wahèn꞉ron, “Roiá꞉ner ahiaiaʼtatérihste. Wéne senestonhá꞉tie tsi sénha seriwakweniéns꞉tha ne kahwá꞉tsire tsi nihsatiérha nón꞉wa, tsi niʼsheiatierá꞉se iesasá꞉wha. Aiotónʼon aiesesá꞉kon sénha kenʼnithoiénha tóka rokwáhtshe tóka niʼ ró꞉ten nek tsi iáh kiʼ tho tesaié꞉ren.