Genesis 14:13 - Ohiatonhseratokénti

¹³ Eʼthó꞉ne tsi niká꞉ien né shoʼniakén꞉ʼen tontá꞉re tánon sahoró꞉ri ne Hebrew Abram, thóh neʼ nón꞉we nihotatoʼhseró꞉tahkwe ákta tsi iorón꞉tote ne karíhton, ne ne Mamre Amorʼró꞉non raorontaʼkénhen. Mamre tánon ne rontatekenʼokón꞉ʼa ne ne Eshcol tánon né Aner ne ne Abram thonatenrohón꞉ne.

Genesis 14:13 ပူးပေါင်းရင်းမြစ်များ

Genesis 10:16

ó꞉ni ne Jebusites, ne Amorʼró꞉nons, Girgashró꞉nons,

Genesis 13:18

Sók kíʼ Ne Abram tonsahanatáhkwaʼte ne raoʼtóhsera, tánon tho nón꞉we ionsahatenatón꞉ni tsi tiorón꞉tote ne karíhton, ne ne Mamre nón꞉we, ne꞉ne Hebron nón꞉we; tánon tho nón꞉we nahaónnien ne ietsenhahrákhwa ne Roiá꞉ner.

Genesis 14:24

Iáh ohthé꞉nen ní꞉i tshiákʼhawe nék khók entié꞉na tsi nahoʼtén꞉shon nakonkweʼtaʼshón꞉ʼa ronátston, ók ietshiríhon né tionkwatenróhonʼs, né꞉ne Aner, Eshcol, tánon ne Mamre ratiié꞉na tsi nihoná꞉wenʼk.”

Genesis 18:1

Ne Roiá꞉ner wahototáhshien ne Abraham ákta tsi kehrhí꞉tonʼs ne karíhtonʼs, né꞉ne Mamre nón꞉we, thóh rentskó꞉tahkwe ne tsi ieiontaweiaʼtáhkhwa ne raoʼtohserà꞉kon né kwáh siiorahkwatarí꞉hen,

Genesis 21:24

Wahén꞉ron ne Abraham, “Enkerihwahní꞉rate.”

Genesis 21:27

Káti ne Abraham teiotinaʼkarontón꞉ʼa tánon tehotiná꞉kares wahonahskwawíhon ne Abimelech, tánon tehnitsá꞉ron wahiaterihwahserón꞉ni.

Genesis 21:32

Né nó꞉nen Shahníhsa kí꞉ken aterihwahseronniáhtshera ne Beersheba nónwe, Abimelech, tánon ne rateriiohserakweʼní꞉io Phicol, sahiatén꞉ti tánon thóh nionsá꞉ne tsi tewatonhontsá꞉ien ne Philistines,

Genesis 39:14

iaʼakó꞉nonke ne ronnón꞉kwe aohnhaʼtsheraʼó꞉konʼs tánon waʼakawènhahse, “Sewatkáhtho kí꞉ken! Teiakení꞉teron thoiaʼténha kí꞉ken Hebrew ne kén꞉ʼen kanónhskon nahshonkwaʼnikonhrakaré꞉wahte! Kén꞉ʼen tahataweiáhstahkwe ne ne skátne aiatiá꞉rate, tánon kí tsi niiorakaré꞉ni waʼtewakhén꞉rehte;

Genesis 40:15

Aseʼkénh, tiontiaʼtanènhskwen tsi thononhontsá꞉ien ne Hebrews; tánon ó꞉ni ne kwáh kén꞉ʼen kwáh iáh oh thé꞉non thaʼtewakatèn꞉tshon naionkehnhó꞉tonke.”

Genesis 41:12

Hebrew nithoión꞉ha neh nón꞉we iakwakwé꞉konhkwe, roioʼtenhséhahkwe nohén꞉ton ié꞉rate ne shakoʼnikón꞉rare. Nó꞉nen sahshakwahró꞉ri, ráonha wahaʼnikonhraién꞉tahte nontiatetshènhsera, wahshonkeniʼnikonhraientáhten shonkenihrorihátie tsi nikén꞉tons ne shaià꞉ta raotetshènhsera.

Genesis 43:32

Ne Só꞉se kwáh raonhá꞉ak khók sewatekhwahrá꞉tshera tsi nón꞉we nahonwakhwahéhrhahse neh non ne shá꞉ka ne rontatekoʼoʼkón꞉ʼahs, neh non ne shá꞉ka ne Egyptró꞉nons ne tehonatón꞉ton, tiorí꞉wa ne Egyptró꞉nons iáh thaón꞉ton ne skátne tahón꞉tonte ne Hebrews, aseʼkénh ne raotirihwiiohstónhtshera ne Egyptró꞉non iáh tehonwaná꞉wis ne skátne tahón꞉tonte ne Hebrews.

Job Tánon ne Raoronhiakensera 1:15

Tánon ne Sabeans wahthonwanataséntʼte tánon iashakotiiaʼthénhawe ne kaʼtshé꞉nenhs tánon wahonwatinonwariaʼkónhnion ne ratinhá꞉tseras ashareʼkó꞉wa wáhonste akonwáha khók sakeniá꞉kenhne nahonsakonhró꞉ri.”

Exodus 2:11

Nónen ne Mahís sihotehiá꞉ron, thóh niaháre washaʼkonahtenhrehsèhra ne rahonkwetashón꞉ʼa, né꞉ne Hebrews, tánon wahatkátho tsi nihonwenhnonhniénhnis nahotiʼhióten ne iohiotensehrahnírons. Iekaníhare wahó꞉ken ne Egyptró꞉non wahononhwarhiákon ne Hebrew nahahiaʼtóten, né꞉ne kwáh Mahís rahonkwéta.

Exodus 2:6

Ne iakononhtí꞉io wahenonhtékshi tánon wahonwàken owirá꞉ʼa raksá꞉a. Tehasén꞉thoskwe, tánon tsi nahonwénhtenhre. “Né kíʼ꞉ken ne énska Hebrew raksá꞉ʼa,” wakénron.

Exodus 3:18

“Nakonkwetashón꞉ʼas kwáh enhontahónsahtaʼte tsi nahó꞉ten ensehró꞉ri. Ethòne ó꞉nenk tsi ensewahteró꞉sen ne ohénton iehonnhéton ne lsraeró꞉nonke tánon Ronnonhtí꞉ioʼke nienhénsewe né Egypt nónhwe tánon entsró꞉ri, ‘Ne Roiá꞉ner, ne SakoNí꞉io ne Hebrews, wahatoʼtáshion nontsionhàke. Ó꞉nen kí takwahríhon ne áhsen nónhta nihioháhes tahiaʼkwahtháhaʼkwe kahentakekówah niehiotʼthaʼhínon né꞉ne katʼtshé꞉nen ahsakwateskóntʼthase ne Roiá꞉ner onhkwa Ní꞉io.’

Jeremiah 34:9

ne rahtináskwah ne ne Hebrew nahatihiathó꞉ten, tetsarónkwen roskenrahkéte tánon ne tiothonwísen, ne káti ne tó꞉sa ónhka ne ahonwahnaʼtenaskónhniaʼthe ne Israerʼró꞉nons.

Jonah 1:9

“Hebrew nikenekwensó꞉ten,” waʼtharihwaʼserá꞉ko ne Jonah. “Ne ní꞉i rihsénnaiens ne Roiá꞉ner ne Rawenni꞉io tsi karonhiá꞉te, tsi nikáien rohsaʼánion ne onwéntsha ó꞉ni ne kaniataraʼkehkó꞉wa.”

Numbers 13:23

Iahónhnewe nahonrakwáhkon ne Eshcol, tánon thóh nónhwe nahatináʼtshiake ne wèso iohnenharénhton tsi nihiótste tenihiáse waʼtewathonhóntsowe né tahiatenakarotárohke tsi natehiátere tsi waʼnhíhawe. Tánon ó꞉ni thontahonʼiénhawe ne tehiohiaʼtsikhétare sewahiówane tánon ne wisonkówa. (

Numbers 21:21

Ethòne nonhkweshón꞉ʼas NÍsraerʼró꞉nonhke iahonwanaténiete ne ratirihwakarénies tsi thénhteron ne ronhnonhtí꞉io Sihon né Amorʼró꞉non nónhwe nahonhníron:

2 Corinthians 11:22

Tsi nihatinekwenhsò꞉tens rón꞉ton kenʼ Hebrew nahatiiaʼtò꞉ten? Í꞉ʼi kiʼ ó꞉ni. Tsi nonkwa ne karihwiióston Sitaeró꞉non kenʼ rón꞉ton? Í꞉ʼi kiʼ ó꞉ni. Abraham ken nón꞉we nithonathwatsirí꞉non? Í꞉ʼi kiʼ ó꞉ni.

Philippians 2:5

Tánon nesáka tsi sewanonthónʼnionf tsi ní꞉ioht ne Kerístos Ié꞉sos tsi rononthonniónʼhon:

1 Samuel 29:3

ne ronteriʼioserakweʼní꞉io ne Philistines wahonníron, “Ónh nihontiéra kí꞉ken Hebrews ne kénʼen?” Achish washakawénhase ne ronteriʼioserakweʼní꞉ios ne Philistines, “Iáh kén kí꞉ken Táwit tèken, ne raonhá꞉tsera ne Ronnontí꞉io Saul ne Israeronónke, ne raónha ó꞉nenh kwáh thóh tsi nikaríwes siʼiakenikwékon? Tsi ná꞉he akonhá꞉ke thoʼniakénʼen iáh othènon tehiriwatsénhrhiase tsi niió꞉re nón꞉wa wenhniseráte.”

1 Samuel 4:12

Benjaminró꞉non thóh nontahatátke tsi tewaterí꞉io tetkanenhráton, tánon thoʼnón꞉we náʼraʼwe Shiloh ne ne sahwenhní꞉sera, ne raoʼtsherón꞉ia ioteratsónhkwen tánon roʼtakenrá꞉ron ranontsí꞉ne.