Genesis 14:12 - Ohiatonhseratokénti

¹² kwáh ó꞉ni iahonwaiaʼténhawe ne Lot, Sodom né nón꞉we nihanákerehkweʼ, ne ne Abram raonhwatén꞉ʼa, katíʼ akwé꞉kon iahatíhawe ne raoientáhtsheraʼs, tánon é꞉ren sahón꞉nete.

Genesis 14:12 ပူးပေါင်းရင်းမြစ်များ

Genesis 11:27

Né kí꞉ken ne Terah tsi niehothwatsirí꞉non, ráonha iesehshakoioʼokón꞉ʼas ne Abram, ó꞉ni ne Nahor, tánon ne Haran. Ne Haran né꞉ne ieshoién꞉ʼa ne Lot,

Genesis 11:31

Ne Terah iahoiaʼténhawe ne roién꞉a Abram tánon ne roteré꞉ʼa Lot, né꞉ne Haran roʼién꞉a, ó꞉ni ne shakosáfha ne Sarai, ne ne roién꞉a Abram ró꞉ne, skátne tsi sahontenró꞉shen Ur nontahón꞉ne ne ne Chaldeansʼke tsi tiohóntsaien ne Canaan niahón꞉ne; ók shiahón꞉newe ne Haran, thóh nónwe ionsahontatíteron.

Genesis 12:5

Abram iahshakoiaʼténhawe ne ró꞉ne Sarai, tánon ne raonhwatén꞉a Lot, tánon akwé꞉kon ne raotiientáhtshera ne ronatatehrohró꞉ki, ó꞉ni ne ratináhskwaʼs ne rononkweʼtaientáʼon ne Haran nónwe, tánon waʼthonhthá꞉hahkweʼ tsi tiohontsá꞉ien ne Canaan niahón꞉ne. Shiahón꞉newe ne Canaan,

Genesis 14:11

Ne tehontátswenhs kwáh akwé꞉kon iahatíhawe tsi nahoʼtén꞉sonʼs kaién꞉takwe ne Sodom ó꞉ni ne Gomorrah, thóh karátse ne kákhwa, tánon é꞉ren sahón꞉nete;

Genesis 14:14

Nó꞉nen ne Abram saharihwá꞉ronke ne raonhwatén꞉ʼa tsi ronwaié꞉nen, wahshakohén꞉tenʼse ne karihonnién꞉ni ronnón꞉kwe, ne ne raonónhskon ronanakerá꞉ton, áhsen-tewenʼniáwe shatékon-iawén꞉re nihá꞉ti, tánon wahshakotíhsere kwáh tsi niió꞉re ne Dan.

Genesis 14:16

Eʼthó꞉ne akwé꞉kon tontaháhawe ne kaientáhtshera, tánon ó꞉ni tontahoiaténhawe ne raonhwatén꞉ʼa Lot ó꞉ni ne ráonha raoientáhtshera, tánon né konnón꞉kwe ó꞉ni nonkwehshón꞉ʼa.

Job Tánon ne Raoronhiakensera 9:23

Tó꞉sa nó꞉kwire thentsawénstsi entkáhawe ne kenhé꞉ion, kwáh kí thensakoié꞉ron ne raonateraswaktsénhtsheras ne iáh othé꞉non teotiní꞉kon.

Numbers 16:26

Washaʼkawénhase nonhkweshón꞉ʼas, “Ahéren ísewet ne tsi ronatatóhsehrohte kí꞉ken roʼtirihwáneren tánon tó꞉sa othènen iáh sewaiéna ne rahonáwenk akénhake. Tó꞉ka iáh, kwáh kíʼ skát꞉ke tsi ienietshiʼiaténhaʼwe ne rahotirihwaneraháktsheras.”

Revelation 18:4

Eʼthó꞉ne ó꞉ia sakewenhná꞉ronhke thóh nontá꞉we karonhiá꞉ke watón꞉nions, “Tasewaiá꞉ken nahonhá꞉ke, akonkweʼtashón꞉as ne káti ne tó꞉sa ní꞉se ahisewatiá꞉taren naoriwanerahatsherá꞉kons, tánon káti né꞉tho ní꞉se tó꞉sa ahisewaienʼtá꞉rane thóh aokraó꞉kons;

Revelation 3:19

Enkheiaʼtewenhnaién꞉tonhwe tánon enkheriónhnien tsi niiá꞉kon ne khenorónhkwa. Kwáh kíʼ tasewaʼnikonrakontakwénhak, ne aorí꞉wa, tánon sasewatatré꞉wat.