Genesis 14:11 - Ohiatonhseratokénti

¹¹ Ne tehontátswenhs kwáh akwé꞉kon iahatíhawe tsi nahoʼtén꞉sonʼs kaién꞉takwe ne Sodom ó꞉ni ne Gomorrah, thóh karátse ne kákhwa, tánon é꞉ren sahón꞉nete;

Genesis 14:11 ပူးပေါင်းရင်းမြစ်များ

Genesis 12:5

Abram iahshakoiaʼténhawe ne ró꞉ne Sarai, tánon ne raonhwatén꞉a Lot, tánon akwé꞉kon ne raotiientáhtshera ne ronatatehrohró꞉ki, ó꞉ni ne ratináhskwaʼs ne rononkweʼtaientáʼon ne Haran nónwe, tánon waʼthonhthá꞉hahkweʼ tsi tiohontsá꞉ien ne Canaan niahón꞉ne. Shiahón꞉newe ne Canaan,

Genesis 14:10

Kíʼ naonhráhkwakon né Siddim kwáh thitkáhere iohshonwakarón꞉tonʼs né kahnehtahón꞉tsi í꞉ken; tánon tsi nonsahiaté꞉ko ne rontinontí꞉io ne Sodom ó꞉ni ne Gomorrah, ótiaʼke thóh iahatiiá꞉tenʼne, tánon ne ronátiaʼkeʼs tsi tionontahrónnion nón꞉we nionsahonté꞉ko.

Genesis 14:12

kwáh ó꞉ni iahonwaiaʼténhawe ne Lot, Sodom né nón꞉we nihanákerehkweʼ, ne ne Abram raonhwatén꞉ʼa, katíʼ akwé꞉kon iahatíhawe ne raoientáhtsheraʼs, tánon é꞉ren sahón꞉nete.

Genesis 14:16

Eʼthó꞉ne akwé꞉kon tontaháhawe ne kaientáhtshera, tánon ó꞉ni tontahoiaténhawe ne raonhwatén꞉ʼa Lot ó꞉ni ne ráonha raoientáhtshera, tánon né konnón꞉kwe ó꞉ni nonkwehshón꞉ʼa.

Genesis 14:21

Eʼthó꞉ne né ronnontí꞉io ne Sodom wahawénhahse ne Abram, “Takonkweʼtawíhon, ók í꞉se sonháʼak sateweièn꞉ton ne kaientáhtsheraʼs niaʼtehshiá꞉ti.”

Deuteronomy 28:31

Ne shatshenenhó꞉kons tionhnónskwarons kwáh sahénton tsi enkonwaná꞉tsowe, ók iáh ki thahó꞉ten thasehwárahke. Ne shatshenenhó꞉kons tewahòn꞉tes enkonwatihiaʼthísere tsi ienhkonhwatihiaʼténhawe tsi nikarì꞉wes teskánere, tánon iáh tathahontakonhwathihiaʼténhawe. Ne shatsheʼnenhó꞉kons teiotinakarontón꞉as né꞉ne tesewatà꞉tsons enhonwatinaskwawí꞉hon, tánon iáh ónhka tahonteʼtshénri nahiesasnhiénon.

Deuteronomy 28:35

Ne Roiá꞉ner ne enharoró꞉the ne tsiʼnákes ne iáh othé꞉nen tekanonhkwatsherá꞉ien, iononhwaʼténions tsi nenhwató꞉we; kwáh tiathakwé꞉kon ensatkwarothakwarontháseron né꞉ne senonhtsí꞉ne tsi nió꞉re ne shasithákes.

Deuteronomy 28:51

Kwáh enkonhwatiwá꞉rake ne saʼtshenenhó꞉kons ó꞉ni enhón꞉neke ne saienʼthó꞉tsheras, tánon athonkarià꞉kon ensarhió꞉te. Iáh othé꞉nen taiesénhrase nonátsa, ne onenharataʼsehontsherákeri, iakenhiewátha kén꞉ie, tionónskwarons, ó꞉ni ne teiotinaʼkarontón꞉a; tánon enshí꞉heie.