Genesis 13:8 - Ohiatonhseratokénti

⁸ Eʼthó꞉ne ne Abram wahawénhahse ne Lot, “Ánion tóhsa ohthé꞉nen kaièn꞉taʼn naterihotahrhóktshera tsi naʼtetewátere, tánon tsi naʼtehóntere nonkenihnaʼtsheraʼshón꞉as; tiorí꞉wa tsi tewatátenonhkwe.

Genesis 13:8 ပူးပေါင်းရင်းမြစ်များ

Genesis 13:9

Iáh kenh onhwentsakwé꞉kon ne sahén꞉ton thiká꞉ien? Takatiaʼtontákwas. Tóka sehsenekwá꞉ti nonkwá nienhense, ethó né kʼiʼ skeweientehtáhkwen nonkwá nienhénhke; khés sehseweientehtáhkwen nonkwá nienhénhse, eʼthó꞉ne kíʼ skhenekwá꞉ti nonkwá nienhén꞉ke.”

Genesis 14:14

Nó꞉nen ne Abram saharihwá꞉ronke ne raonhwatén꞉ʼa tsi ronwaié꞉nen, wahshakohén꞉tenʼse ne karihonnién꞉ni ronnón꞉kwe, ne ne raonónhskon ronanakerá꞉ton, áhsen-tewenʼniáwe shatékon-iawén꞉re nihá꞉ti, tánon wahshakotíhsere kwáh tsi niió꞉re ne Dan.

Genesis 45:24

Eʼthó꞉ne ó꞉nen ionsahshakotó꞉ri ne rontateʼkoʼokón꞉ʼahs naonsahonhtén꞉ti, tánon tsi nishonhtentiónhene wahshakawènhahse, “Tóhsa tesewariʼwakéhnha tsi nisewaháhhes.”

Genesis 46:34

kwáh iorihwiióhak tsi ehtshisewahró꞉ri ‘kwáh tsi nitiónhnhes tsi katshé꞉nen iethiʼnikón꞉rare, iakwakwé꞉kon tánon ne iakhisothokonʼkénhen’—ne katíʼ naón꞉ton tsi ionhontsá꞉ien ne Goshen nón꞉we naesewenʼterón꞉take, tiorí꞉wa ne Egyptró꞉nons kwáh iáh oh thé꞉nen tehon꞉nehre tahonterihwahsónteren ne teiotinaʼkarontón꞉ʼa shakotí꞉nonhne.”

Psalms 133:1

Tsi niʼioiánere tánon ionwé꞉sen nó꞉nen ne tehiontenhnóntere skát꞉ne ratiréron skanikonra ronhnónhni!

Exodus 2:13

Tsi ó꞉ia sahiórenhne thóh sá꞉rethe tánon wasaʼkóken tenihiá꞉se Hebrew ronaterí꞉io. Wahawénhase tsi nikáien ne tehaterienʼtawénhries, “Onhʼnihiotiéren tsi ehʼtsenonhwenhsehrhários né꞉ne sehseniʼhiá꞉tha Hebrew?”

Proverbs 15:1

Tókaʼ skenén꞉ʼa tsi tenhserihwaʼserá꞉ko shakʼthenwá꞉ton ne kanaʼkhwénhtshera, nok ne kanaʼkhwenhsherá꞉kon nowén꞉na sénha eniakonaʼkón꞉ni.

Proverbs 15:18

Ne ienaʼkwahseró꞉hen tkáhas ne taieriʼwakéhnha, nok ne iakoʼnikonhrí꞉io tkáhas ne skén꞉nen.

Proverbs 20:3

Thiʼkawenní꞉io ónhka tehotenonhwarorí꞉tonte aontahatáhsawen ne tahaterihwakén꞉ni; ne ioiánere é꞉ren satatiatenhá꞉wiht.

Matthew 5:9

Iakotaskat nʼiakoianerenseriio: aseken Niio sakoienhokonha enhiontatenatonkȣake.

Acts 7:26

Nó꞉ia sahióren꞉ne wasakóken tenihiáse Israerʼró꞉nons ronaterí꞉io, wahatheniénten ne skén꞉nen arón꞉ni tsi natehiátere. ‘Tiatahónsatat, tesenónkwe,’ wahénron, ‘Tiatatekén꞉a teseniʼIsraeronon; nontiéren tsi éhʼtho ní꞉ioht tsi tiaterí꞉io?’

Romans 12:10

Tesewathatenorónwat tsi natesewáterhe tsi ní꞉ioht ne rotiriwiʼióstons, tánon kwáh tesewasteríhensek nahitsiotháshon ne kakwenesthátsera tsi naʼtesewáterhe.

Philippians 2:14

Tiotkonhónwe neh sewaióhten ne tóhsa aisewariwhakátate tóhsa ó꞉ni ne taisewariwhakèna.

1 Thessalonians 4:9

Iáh thènen takarihontáko niakwahiátonse ne kanoronkwáhtshera aoriwáhke tsi natesewáhtereh. Kwáh iatesewahiáti Rawenni꞉io tsi sewahrihonniénni tsi natahiotonʼontióhonke tsi taisewahtatenorónkwahke.

Hebrews 12:14

Shateniénten kwáh skén꞉nen akénhake kwáh tsík ónhka akénhake, tánon shatheʼniénten iotokéntik tsi ní꞉ioht tsi sónnhek, tsoríwah tsi iáh ónhka tahonwáhken ne Roiá꞉ner tóha iáh tóh tahiotónhake.

Hebrews 13:1

Iasewahtasónteren tesewahtatenorónkwak ne tsi sewahriwiʼióston.

1 Tiér 1:22

Nónwa ne tsi sewatewennarákwen ne oriwiʼioʼónwe níse iatesewaiáti tsi sehsewatonnakanónni ó꞉ni ne iahátkene naisewaháwake ne naioriwatokénhake tsi aietʼtsinorónkwake ne ronatiakhésons ne thoʼnetákwen, tesewatatenorónkwak tasewanikonrakontakwénhak kwáh seweriasakwékon.

1 Tiér 2:17

Kwáh niaʼtehionkwétake sekweniénstak, senorónkwak nakorénsons ne tiaʼkawetákwen, skweniénstak ne Rawenni꞉io, ó꞉ni skwewniénstak ne Ronnontí꞉io.

1 Tiér 3:8

Ne iakákwekʼthe: ónenk tsi sewakwékon setiónnha akénhake ó꞉ni sataisewatʼthokát꞉tseke; tesewatatenorónkwak, tánon tasewariwaiérik ó꞉ni tesewatatkweniénstak.

1 Tiér 4:8

Ne kwáh éneken iothohetstákwen, tasewanikonrakontakwénhak tsi tesewatatenorónkwak, tioríwa kanoronkwátsera karorótstha ne wéso kariwánerens.

2 Tiér 1:7

ne sewariwiʼiosthóntshera iasewáiest tsi nitiakoriwaiéri ne iakoriwiʼióston; tsi nókwa tsi nitiakoriwaiéri ne iakoriwiʼióston iasewáiest kanoronkwátshera.

1 Sawátis 4:7

Tekanórons tewatenrosónhas, Ánion thetewathatenóronk, Asèken Ni꞉ióʼne nón nitewétha ne kanoronkwátsera. Ónka ne iakóien ne kanoronkwátsera Rawenni꞉io rahokʼsáta í꞉ken ó꞉ni ronwaientéri ne Rawenni꞉io.

Judges 9:26

Ethòne né Gaal ne roʼníha né꞉ne Ebed wá꞉raʼwe ne Shechem skát꞉ke ne ronhthatekenhokónhas, tánon nonhkweshón꞉as ne Shechem kwáh orihwakwékon rahónʼa wahonwarihwakéthaʼte.