Genesis 13:7 - Ohiatonhseratokénti

⁷ tánon waʼthonterihotaʼhrók꞉kon kíʼ tsi naʼtehóntere ne shakotí꞉nonhne Abram raotshenenʼó꞉konʼs tánon ne Lot raotshenenʼó꞉konʼs. Neʼthó shontakahá꞉wi ne Canaanites ó꞉ni ne Perizró꞉nons tho nón꞉we tionhwentsá꞉ien nihatinákerehkwe.

Genesis 13:7 ပူးပေါင်းရင်းမြစ်များ

Genesis 10:19

Tánon tsi nihotinakeráhsera ne Canaanites Sidon nón꞉we tiotáhsawe, eʼthó꞉ne Gerar nonkwá꞉ti nietsawé꞉non, ié꞉io tsi niió꞉re ne Gaza, eʼthó꞉ne Sodom nonkwá꞉ti nietsawé꞉non, tánon ne Gomorrah, Admah, tánon ne Zeboiim kwáh tsi niió꞉re ne Lasha.

Genesis 12:6

Abram waʼthronhontsí꞉iaʼke ne tsi watonhonntsá꞉ien tsi niió꞉re iahá꞉rawe tsi tewatená꞉taien ne Shechem, ne tsi tiorón꞉tote ne karíhton ne Moreh nón꞉we. Ne sikahá꞉wi ne Canaanró꞉non thóh nón꞉we nihatinákerehkweʼ.

Genesis 21:25

Nó꞉nen ne Abraham iahotewennaièn꞉tonhwe ne Abimelech tsi nó꞉kwah nohné꞉kanos iohnáwerote néthoh Abimelech raohanhaʼtsheraó꞉kon ronatatiaʼtakweʼniióhston,

Genesis 26:20

ne katshé꞉nen shakotiʼnikón꞉rare ne Gerar nón꞉we waʼthonterihotáhrhoke ne Isaac raotshenenʼó꞉konʼs sakotiʼnikón꞉rare tánon wahonní꞉ron, “Kí kahné꞉ko Í꞉i onkwá꞉wenʼk.” Sók kíʼ ne Isaac ne iohnáwerote Esek wahaná꞉tonhkwe.

Genesis 34:30

Eʼthó꞉ne ne Jacob wahshakawènhahse ne Simeon tánon ne Levi, “Taskenihawíhtaʼse ne taonkeʼnikonhrá꞉re ne tsi wahskenónnien naiónkswen ne ratinakerénion tsi ionhontsá꞉te, ne Canaanró꞉nons tánon ne Perizró꞉nons; iáh tewakitiohkowá꞉nen, tánon tó꞉ka enhonnitiohkwaró꞉roke naionkatkón꞉ten tánon aontaionhkatiaʼtón꞉ti, kwáh kíʼ enionkáhtonʼte, tetsá꞉ron Í꞉i tánon nakhwá꞉tsire.”

Genesis 46:34

kwáh iorihwiióhak tsi ehtshisewahró꞉ri ‘kwáh tsi nitiónhnhes tsi katshé꞉nen iethiʼnikón꞉rare, iakwakwé꞉kon tánon ne iakhisothokonʼkénhen’—ne katíʼ naón꞉ton tsi ionhontsá꞉ien ne Goshen nón꞉we naesewenʼterón꞉take, tiorí꞉wa ne Egyptró꞉nons kwáh iáh oh thé꞉nen tehon꞉nehre tahonterihwahsónteren ne teiotinaʼkarontón꞉ʼa shakotí꞉nonhne.”

Nehemiah 5:9

Iakatahshón꞉teren katónhnions “Iáh teioiánere né꞉tho tsi nisatié꞉ra. Iáh ken teió꞉wenk thóh nón꞉we nasaténhti atietsaníseke ne onkwaní꞉io tiorì꞉wa tsi ionkhisenhnát꞉satha ne ionkhí꞉sons?

Exodus 2:17

Ók thò꞉ka niháti ne teiotinakaronhtónʼa sakoʼtinikònhrahre sakonhwanatékwahte ne Jethro sakohiohoʼkónha. Ethóne ne Mahís saʼshakohiataróhroke ne konhtitʼtshénen tánon raónha wahsaʼkonékanonhtenʼhon nahoʼtitshenenhókon.

Proverbs 20:3

Thiʼkawenní꞉io ónhka tehotenonhwarorí꞉tonte aontahatáhsawen ne tahaterihwakén꞉ni; ne ioiánere é꞉ren satatiatenhá꞉wiht.

St. Mark 3:25

Nok oni ne skaȣatsira tekariȣatironte iah ki takaȣatsirateke.

1 Corinthians 3:3

tsoríwah tsi shé꞉kon thóh ní꞉ioht tsi tiónnhe tsi nihonónnhe né kén꞉en rononhontsiaʼkerónon. Nónen tesewahtatenósha tánon tesewahriwahkéna tsi naʼtesewáhtere, iáh ken né tekahriwahnírats tsi ne seh ne kén꞉en ionwenhtsiáte nónwe nisewahnikonranentákon, né tionnhékwen tsi nikaweiennótens?

Galatians 5:20

konwatisénnaiens kaiatonnisónhas ó꞉ni iontenénnaras. Nonkwesónhas tenhotiriwaráseron ó꞉ni enhonterihioháton; tánon enhatinosháseke, enhotinakwenhénhake, ó꞉ni enhonatetʼtséntake. Enhonnitiokonniánion;

Colossians 4:5

Sewahnikonrowahnénhak tsi ní꞉ioht tsi ensewahtorianéron tsi nokwáh ne iáh tethonetákwen, tión꞉ni nahioianeréhake naisewásthe natesénna tsi nihsewá꞉ien.

1 Thessalonians 4:12

Éhʼtho néntewe tensewahténtsha nahietsikwénienste tsi niháti ne iáh tethonetákwen, tánon iáh tathaisewahtonhóntiohse nónka aietʼtsiniahesénhake tsi nahoténsons taisewahtonwentiónike.

Titus 3:3

Asèhken ontionhá꞉a ó꞉ni iehiotherátsʼton tionkwatonʼnótʼthakwe, iáh theʼtewahtewennaráhkwaʼkwe, tánon thehionkwaterientawénrie. Tewahnáskwa kèn꞉ne tsi nòkwa ne onkwaskanektsheraʼókon ó꞉ni ne niatékon ahtenikonrohriátsheras ne kwáh tsík nahiotónhake. Kanhakwatserákon nón niʼionkwatiesatonhátieskwe tánon ne kahnoshátshera; ne rohnatsiakhésons ionkhísons tánon ní꞉i ietʼthísons.

Ne꞉ne Sák Rohiaton 3:16

Kanónwe ne kanhosátsera tánon naskeʼnátsera, tánon ó꞉ni iáh thènen tehioʼianerenseráien kwá káti tsík nahoténson tsiewahétken.

Ne꞉ne Sák Rohiaton 4:1

Kanónwe nitewétha ne aterihióseras ó꞉ni ne taieriwakéna? Thóh nón nitewétha ne tsi nisewaskáneks natenikonrohriátshera, né tsi nihioriwathóken tiotkonhónwe sewaterihio.

1 Tiér 2:12

Tsi niseweiennóten tsi natesewátere ne iáh tehotiriwiʼióston kwáh ioteriwíson nahioianeréhake ne nónen thènen eniesariwárho tsi seweiennáksen, ónenk tsi enhatiʼiénterene tsi nishotenserí꞉io tánon káti ahonwasénnaien ne Rawenni꞉io nentenwenniseráteke nónen tèntre.