Genesis 13:4 - Ohiatonhseratokénti

⁴ ne ne tsi nón꞉we nihaón꞉ni ne ietsenhahráhkhwa ne tiotierénhton; tánon eʼthó꞉ne ó꞉nen ne Abram iahaná꞉ton ne Roiá꞉ner raohsén꞉na.

Genesis 13:4 ပူးပေါင်းရင်းမြစ်များ

Genesis 13:18

Sók kíʼ Ne Abram tonsahanatáhkwaʼte ne raoʼtóhsera, tánon tho nón꞉we ionsahatenatón꞉ni tsi tiorón꞉tote ne karíhton, ne ne Mamre nón꞉we, ne꞉ne Hebron nón꞉we; tánon tho nón꞉we nahaónnien ne ietsenhahrákhwa ne Roiá꞉ner.

Genesis 26:25

Sók kíʼ thóh nónwe nahrón꞉ni ne ietsenhahráhkhwa tánon wahohsèn꞉naien ne Roiá꞉ner, tánon èʼthó nón꞉we nahataʼtohseró꞉ten. Tánon thóh nón꞉we ne Isaac raohnhatseraʼókon sahonthnawerón꞉ni.

Genesis 4:26

Ne Seth wahoneʼkenterontseraién꞉taʼne, Enosh wahoná꞉tonkwe. Eʼthó꞉ne nonkweʼshón꞉ʼa taiontáhsawen wá꞉ʼonste ne Roiá꞉ner raosénna nó꞉nen enhonterén꞉naien.

Psalms 107:1

Ó tetsisewaʼnonweráton ne Roiá꞉ner né tsi nithoriwaʼiéri; asèken né ioriwaʼtóken raonoronkwáhtshera tsi né nénhwe tsi thenkawisasteke.

Psalms 107:15

Ánion tehonwaʼnonhweráton ne Roiá꞉ner asèken ne tsi niʼiorihwaʼtóken ne raonó꞉ronhkwahtshera, asèken ne tsi niʼiorihwaʼneráhkwát tsi nisakohióthenhse nonkweshón꞉has.

Psalms 107:8

Ánion tehonwaʼnonhweráton ne Roiá꞉ner asèken ne tsi niʼiorihwaʼtóken ne raonoronhkwáhtshera, asèken ne tsi niʼiorihwaʼneráhkwát tsi nisakohióthenhse nonkweshón꞉has.

Psalms 116:17

Kwáh entkónhion ne kariwiʼiosehokónhas tsi tenhkonhnonweráton tánon ienkenáton ne raosénhna Roiá꞉ner,

Psalms 116:2

Tsioríhwa tsi rakatahónsatats, né káti aoríhwa ienhinatónsehke kwáh tsi nikaríwas enkónnheke.

Psalms 145:18

Ne Roiá꞉ner kwáh ratiʼiatátʼtha í꞉res tsi nihiákon ne ienhonwanáton, né꞉ne ratikwékon nienhonwanáton ne tewethákwen í꞉ken.

Psalms 26:8

Ó Saiá꞉ner, tsi nikenorónhkwa nètho Ononsatokentiʼkówa tsi nón꞉we nisí꞉teron, tánon tsi nón꞉we ne saiatanerakwáhtshera nikáien.

Psalms 84:10

Asèken sewenní꞉sera sanonsatokentiʼkówaʼne iakerihórhiaʼte sénha ne tsioiánere tsi ní꞉ioht ne énska niwenhnawehetserásen niwenhniseráke nakteʼnónhwe iakerihórhiaʼte. Sénha ne tkerákwas thóh aktáke tsi iehiontawehiatákwah ne raononsatokentikówaʼne nakeNí꞉io tsi ní꞉ioht thóh akiterónh꞉take tsi rotinón꞉shote ne ionhkwetahét꞉kens.

Isaiah 58:9

Eʼthóhne ientiená꞉ton, tánon ne Roiá꞉ner kwáh thenharihwaseráko; thenshaséntʼtho nahiaʼiénawaʼse, tánon kwáh enhénron, kénʼen í꞉kes. Tó꞉ka éhʼren ensewahá꞉wiʼte ne iontientaniákstha ne sewanenhrí꞉hen, tsi iesheʼwatsatónhnions, sewaʼtewenhnaksátha,

Jeremiah 29:12

Ethóhʼne enteskwahnáhton. Entísehwe tánon akonháke nónhwe tsi ensehwaterénnaien, ó꞉ni tenkwahriwahseráhkwahse.

Zephaniah 3:9

“Asè꞉ken ethò꞉ne kwáh tensetʼteni nonkweshón꞉as tsi ní꞉ioht tsi ronhtátis né꞉ne orihwí꞉io tsi ahonsahontrorísehke, ne káti ratikwé꞉kon ahónton nahatináton ne raoshén꞉na Roiá꞉ner, ne nahonwahiò꞉tenhse skaʼnikónhrat khók akénhake.

1 Corinthians 1:2

Ne thonwetákwen ne Rawenni꞉io thóh nónwe ne Corinth, tsi nihiákon ieiontatenáton ne Rawenni꞉io raotiokwahtokénti akénhake, tsi rahónha rahonkwetaʼshónha ne tsi tehonaterihwahshóntere ne Kerístos Ié꞉sos, rahtikwékon ne kwáh tsik nonwéson ne ronwahsénnaiens ne Ié꞉sos Kerístos, rahónha ne Shakoiáner ó꞉ni nonkwáhtiakes;