Genesis 13:13 - Ohiatonhseratokénti

¹³ Néʼthó nón꞉we ne Sodom nonkwehshón꞉ʼa kwáh í꞉ken tsi ronnonkweʼtahétkens, ó꞉ni iorihowá꞉nen rotiriwáneren tsi nonkwá ne Roiá꞉ner.

Genesis 13:13 ပူးပေါင်းရင်းမြစ်များ

Genesis 10:9

Kwáh í꞉ken tsi ratoratskó꞉wa kén꞉ne raohén꞉ton ne Roiá꞉ner, “Kwáh tsi ní꞉ioht ne Nimrod ratoratskó꞉wa í꞉ken raohén꞉ton ne Roiá꞉ner.”

Genesis 15:16

Kwáh kí kaié꞉ri niaʼtenwatereʼserá꞉seren nohén꞉ton tsi niesathwatsirí꞉non ne kén꞉ʼen naʼtaontahón꞉ne, aseʼkénh iáh thakheiaʼtínekenhwe ne Amorʼró꞉nons tsi niió꞉re ne kwáh tokén꞉ʼen enhonnonkweʼtáksenʼne ne entkarihón꞉ni ónenʼk tsi enhonwatihréwahte.”

Genesis 18:20

Eʼthó꞉ne ne Roiá꞉ner wahén꞉ron, “Né tsi naʼteiotenonhianíhton tsi nikonwatirihwáhrhohs ne Sodom ó꞉ni ne Gomorrah tánon ne raotirihwaneraʼáktsera kwáh í꞉ken tsi ioʼtáksen í꞉ken.

Genesis 19:13

Asèʼkén ó꞉nen thó꞉ha aiakenirihwáhtonʼte kí kén꞉ʼen watenà꞉taien, tsiorí꞉wa tsi niiakorihwáhrhohs tsi nokwá naonkweʼtaʼshón꞉ʼa tánon teiotenonhianíhton tsi niiotatkowanáhton raohén꞉ton ne Roiá꞉ner, tánon ne Roiá꞉ner tahshontiató꞉ri naiakenirihwáhtonʼte.”

Genesis 38:7

Ók ne Er, ne ne Judah thakowá꞉nen roién꞉ʼa kwáh í꞉ken tsi ionkweʼtahetkén꞉tahkwe raohén꞉ton ne Roiá꞉ner; tánon ne Roiá꞉ner wahononwariá꞉kon.

Genesis 39:9

Iáh sénha tehoʼshaststenhserá꞉ien kíʼ kén꞉en kanónhsote tsi ní꞉ioht nʼi꞉i, iáh ó꞉ni oh thé꞉nen tehakahtshiawenhrá꞉ti kwáh nek khók tsi nonkwá ní꞉se, tiorí꞉wa tsi í꞉se tesení꞉teron; oh katíʼ ní꞉ioht tsi akkwé꞉ni tho nakátiere ne nikarihwahétken tánon akerihwanéraʼke tsi nokwá ne Rawenni꞉io?”

Genesis 6:11

Ók ne ronatiaʼkéhshonʼs kwáh nén꞉ne rononkweʼtahétkenʼs raohén꞉ton ne Rawenni꞉io, tánon ne tsi ionhwentsá꞉te ne tít꞉kahé꞉re ne iáh othenen teskaianerenhseráien.

2 Kings 21:6

Tánon roiénha waʼhoteskónten né iahót꞉kaʼwe tsi tahá꞉ieste. Né ken niehaʼiéraʼkwe niaharihwáken tánon natahennarátshera tánon shakorihwanontonhniónʼniskwe ne sakonathiathonhserátʼkense ó꞉ni ne ronhnenhéions. Kwáh í꞉ken tsi kowánen waharihwánerake tsi nòkwah ne Roiá꞉ner tánon wahonakón꞉ni.

Isaiah 1:9

Tó꞉ka né Roiá꞉ner roshaststenserowanenkówa iáh thahothontátonke toká꞉ra nihionkwétake iathahonathaténhron, ne Jerusalem kwáh tokénʼen tsi akonwatóntonʼke, tsi kíʼ ní꞉ioht ne Sodom tánon ne Gomorrah tsi niʼiotihiatawénhon.

Jeremiah 23:14

Ók sénha wahétken wahkatkáton ne Jerusalem nónhwe tsi nihothiʼiéren ne rotitokénse: wahontenakwaʼiésaʼte tánon wahonnonhwenhtánion; wahshaʼkothiʼiénawahse nonhkweshón꞉a ne wahétken tsi nahatiʼieráhnion. Ne ne tó꞉sa ónhka ahióntkaʼwe tsi nihontiérah ne kariwahétken. Nakonháke kwáh rahtikwékon tsi ronnonhkweʼtahétken tsi ní꞉ioht nonhkweshón꞉a ne Sodom tánon ne Gomorrah.

Jeremiah 23:24

Iáh ónhka thaʼhiekwéni nahionkahthaséhten. Shaʼteriéntharakki ne karonhiáke tsík nonhwésons nónhwe níkes ó꞉ni nonhwenhtsiákes?

Numbers 32:23

Ók kíʼ tó꞉ka iáh thaʼhisewatiénawasthe tsi nisehwararátston, Waʼkwahronhkáten kíʼ tsi ensewarihwánerake tsi nòkwah ne Roiá꞉ner. Kwáh tó꞉sa ó꞉ia ní꞉ioht tsi sewanontónhnionf; ensehwatréwate ne sewarihwaneraháktshera.

Matthew 9:10

Tsinikariȣes tehotskakon ne Iesos, Ȣatio raononskon, eh iaontaȣeiate ne ratikarotasions oni nona kȣaiesentasonha, etho oni ne rononha takarane tsi ronatekȣahere ne Iesos oni ne raotiokȣa nok ȣahontekhonni.

Matthew 9:13

Ȣasene tanisa, oni ietsirori tsinahoten kenton ne kenh nikaȣennoten: atanitenron ikere, iah natateȣenniiotsera. Aseken iah neh tokheroriane ne tionkȣetaieri aonsaiontatreȣate, neh tanon ne iakoriȣaneraakskon.

John 9:24

Ionsahonȣennonke kati onen oni neh ne tekenihaton, kehiken teharonȣekonne, nok ȣaonȣenhase: Niio letsenonȣeraton; ionkȣaterientare thohiken ronkȣe tsi onkȣetaksenskȣa.

John 9:31

Ionkȣaterientare ȣahi tsi iah tesakoȣennarakȣa ne Niio nʼionkȣetaksen, nok tanon ne Niio raonkȣeta oni ronȣaȣennarakȣa neh sakoȣennarakȣa.

Romans 1:27

5 Kwáh nòn꞉ne neh sákat ne ronʼnónkwe wahontiakwaríshi tsi nihiorenʼnáhon nahonteroserónni neh tsionatʼthonwísen, nehne tahontathaskáneke. Ne ronʼnónkwe wahothinonwátaʼne nònne, tsi káti naháwenʼne rohnónha ó꞉ni wahonwathiréwate tsi natehonaténtion tsi nihathiwenienʼnáksens.

Hebrews 4:13

Kwáh iáh thahóten thaónton nahotashéten ne Rawenni꞉io; kwáh tsi nahoténshons ne kashahánion tehkatakwahríhton ne raohénton. Tánon rahonhà꞉ke nón nihionkwahteriwahiénni akwékon entiohétsthe tsi nahionkwahtiéren.

2 Tiér 2:10

Kwáhʼsénha tsi niháti né꞉ne ratísere tsi natehiótion ne rahotiʼierónta ahoskanéktsheras tánon ronataróntion ne Rawenni꞉io rahohianerénsera. Kí꞉ken rohtinówens sakotirihonniénnis kwáh rohtikonsanírons ó꞉ni rontatónni, tánon kwáh iáh othènen karíwa tehonnónni ne rohtihiatanerákwas ne éneken tonnónnhes; kékenk, ronwatinikonrakarewátha.

Jude 1:7

Seweiáre wáhi ne Sodom tanon ne Gomorrah, tanon náktha kanataienthonkwe, ne rahononkwetasónhas thóh nahathiweienʼnhoten꞉ne tsi niʼioht thí꞉ken ratironhiakerónons ó꞉ni tsiktiahatiʼieránion tsi nokwáh ne kentéhsera ó꞉ni naskanéktsheras; ne wahatiʼiéna ne karewathátshera ne iotekaʼonwe ne kí꞉ken ne kwáh onkweʼtakwé꞉kon tsi iakonronkaténnis.

1 Samuel 15:18

Tánon ne Roiá꞉ner iehiatenié꞉ton ne nasaterihwaténtiate, tánon ráwen, ‘Wáhs, kwáh sheiátont ne iakorihwánerens, ne ne Amalekró꞉nons, tánon sewaterí꞉io iahetsiʼiatsatónhti kwáh tsi niʼió꞉re ienietsisá꞉hate.’

1 Samuel 2:17

Káti ne raotiʼrihwanerahák꞉tshera ne kén nithotiʼiónsa kwáh í꞉ken tsi iorihowá꞉nenh ne raohén꞉ton ne Roiá꞉ner; asèken tsi nitonwawis ne Roiá꞉ner iáh thahoten ne kakwenienstatsera tèken.