Genesis 13:12 - Ohiatonhseratokénti

¹² Ne Abram aotonhwentsà꞉ke ne Canaan thóh nón꞉we nahatená꞉taien, nok ne Lot ákta ne tsi kanatowá꞉nens ne aʼonhráhkwákon nónwe iaʼthanatáhkwaʼte ne raoʼtóhsera, kwáh tsi niió꞉re ne Sodom.

Genesis 13:12 ပူးပေါင်းရင်းမြစ်များ

Genesis 13:11

Sók kíʼ ne Lot kwáh tsi niwatená꞉skwa ne Jordan aonhráhkwakon wahataterákwaʼse, tánon né Lot thóh nón꞉we iaʼthaná꞉tahkweʼ tsi tkarahkwí꞉nekenʼs nonkwá꞉ti niahá꞉re; eʼthó kiʼ ní꞉ioht tsi waʼthiatekháhhsi.

Genesis 14:12

kwáh ó꞉ni iahonwaiaʼténhawe ne Lot, Sodom né nón꞉we nihanákerehkweʼ, ne ne Abram raonhwatén꞉ʼa, katíʼ akwé꞉kon iahatíhawe ne raoientáhtsheraʼs, tánon é꞉ren sahón꞉nete.

Genesis 14:2

Kí꞉ken ronhtinontí꞉ioʼs wahonterihiosehrón꞉ni skátne ne ronhnontí꞉io Bera né Sodomró꞉non, né ronnontí꞉io Birsha né Gomorrahró꞉non, né ronnontí꞉io Shinab né Admahró꞉non, né ronnontí꞉io Shemeber né Zeboiimró꞉non, tánon ne ronnontí꞉io ne Bela nónhwe (né shahotihsén꞉na ne Zoar).

Genesis 19:1

Tehniiáhse tehnironhiaʼkehró꞉non wá꞉newe Sodomke né siioʼkarahsné꞉ha; tánon ne Lot tsi iontkehrontákhwa ne kanatowanèn꞉ke ne Sodom nón꞉we nihentskwáhere ne nó꞉nen ne Lot shashakó꞉ken, waʼthá꞉taʼne ne tahontátken, tánon ohontsà꞉ke iaʼthatshá꞉kete,

Genesis 19:24

Thontaiawénhstsi ne Roiá꞉ner wahakennó꞉rehste ne Sodom tánon ne Gomorrah ó꞉tsire tánon iontenatenʼtáhstha tekaiéhston;

Genesis 19:25

tánon wahshakóhtonte tánon kwáh akwé꞉kon naonhráhkwakon í꞉ken, thóh ratiiá꞉tare nonkwehshón꞉ʼa ó꞉ni kwáh tsi nahotén꞉shonʼskwe neh nón꞉we niiohwentsá꞉ien niwatonniá꞉thahkwe.

Genesis 19:29

Tánon thóh kíʼ niiawèn꞉en nó꞉nen ne Rawenni꞉io shaháhtonʼte ne kanatowá꞉nenʼskwe naonhráhkwakon nón꞉we nikén꞉ne, ne Rawenni꞉io rawehiá꞉rahkwe Abraham tánon wahoiaʼtínekenhwe ne Lot nahaʼniá꞉kenʼne tsi nokwá ne karihwaiesáhtshera, nó꞉nen ne Rawenni꞉io shaháhtonʼte ne kanatowá꞉nenʼskwe, tsi nón꞉we nihanákerehkwe ne Lot.

Psalms 26:5

Íkʼshons nahiakwaterosehrónhni ne kariwát꞉sen tsi nihontiéra, tánon iáh skát꞉ne tahiakwátien ne ratinikonhrák꞉sen.

1 Corinthians 15:33

Tóhsa iesanonwahrohritónni. “Ne wahterohserákʼsen iontaʼtetkenténni ne tiakoriwahiéri.”