Genesis 12:9 - Ohiatonhseratokénti

⁹ Eʼthó꞉ne ó꞉nen né Abram wahonatenʼawíhson, shé꞉kon kíʼ Negeb nón꞉we iaʼthaʼoienhátie.

Genesis 12:9 ပူးပေါင်းရင်းမြစ်များ

Genesis 13:1

Ká꞉ti nʼAbram tánon né ró꞉ne ó꞉ni ne Lot é꞉ren tontahón꞉nehte ne Egypt tánon akwé꞉kon tsi nihoientahtsherá꞉ien, tánon Negeb nionsahón꞉ne.

Genesis 13:3

Eʼthó꞉ne tonsahanatahkwánion tsi naʼtontá꞉re ne Negeb kwáh tsi niió꞉re ne Bethel, ne iokwèn꞉rare tsi nón꞉we nihotaʼtohsehró꞉tahkwe né tiotierénhton shaʼthatʼtháhahkwe, ne ne tsi naʼtetiátere ne Bethel tánon ne Ai,

Genesis 20:1

NʼAbraham, Mamre nón꞉we tonhtahahtén꞉ti tánon tsit kanakerahserá꞉ien né Negeb nón꞉we iaʼtonsahaná꞉tahkwe, tánon thóh nón꞉we nonsahatatíʼteron tsi naʼtetiátere ne Kadesh tánon né Shur; tánon thóh ná꞉he Gerar nón꞉we nihenʼterón꞉tahkwe ne tsi thihahontsá꞉tehkwe í꞉ken.

Genesis 20:13

Nó꞉nen ne Rawenni꞉io sahakónnien ne takatstikafháhsera é꞉ren á꞉kehte ne rakeʼníha raowatsí꞉rakon, waʼkénhahse, ‘Né kíʼ ne tkarihwaié꞉ri tsi nenhskatié꞉raʼse: ne kwáh tsik nón꞉we ienhéntene, nenhsekthá꞉rahkwe, enhshí꞉ron ne ne iatiatenoʼsénha í꞉ken.’”

Genesis 24:62

Nón꞉wa ne Isaac Beerlahai-roi nón꞉we nithawé꞉non, aseʼkénh Negeb nón꞉we nihanákerehkwe.

Psalms 105:13

rotinatenháwisʼkwe tsi ienakeré꞉nion nonkweshón꞉ha, tehotiʼnakerasehrawénhron tsi ratinakeréron nonkweshón꞉has,

Isaiah 30:6

Ne tsi niwáton tsi nókwa ne kontitshénens ne Negeb. Thóh tsi ionhontsáien ne teionikonráhrat tánon ionhnikonraronhiákent, né꞉ne otinétsens kénreks tánon ne ratonriá꞉iens kénreks, ne óniare tánon ne kátshes óniare, iehatíhas ne raoʼtikwahséhtseras tsi nihiotíkete ne tewahóntes, tánon ne raonatʼtsiokowátsheras thóh kará꞉tse tsi nihiotinowakwáhronhte ne iotiniaʼkwáhere, rononhàke nonkweókons ne iáh thahatikwéni naʼsakonateriwatsʼterísthase.

Numbers 13:17

Nónen ne Mahís shiasakoténiete, wasakawénhase, “Wáhs kén꞉en iasewatáhshawen othoréke niahásewe ók entiène nó꞉kwah hionhsásewe iatsonhontsóren ne Canaan tánon ethòne ne tsi ionhnonhtarónhnions ne tsi kanakeraseráien.

Deuteronomy 1:7

Thonshasewanáhtak tánon sesewahténhti. Wás tsi tsionhniarónhnion ne Amorʼró꞉nons rahononhontsà꞉ke niahá꞉sewe tánon akwé꞉kon ne tehiokwahtasèhton ne kanahkerásehras—tsi nió꞉re ne Jordan ahonráhkwakon, ne tsi tionhniarónhnions ó꞉ni ne ahonráhkwakonhs, tsi nió꞉re ne entiè꞉ne kanakerahseraké꞉rons, tánon tsi nió꞉re ne Mediterranean kaniatarakʼtóntie—tsi tiohontsá꞉ien ne Canaan niahásewe tánon iasehwató꞉hets ne tsi ionnonhtaʼrónhnions ne Lebanon kwáh tsi nió꞉re ne tkaniatarowá꞉nen Euphrates.