Genesis 12:3 - Ohiatonhseratokénti

³ Enkheiaʼtaté꞉rihste, nónhka eniesaiaʼtaté꞉rihste, ók enkhehré꞉wahte nónhka aiesahré꞉wahteʼ; tánon sonhá꞉ke non néntewe ne tsi iehwatsiraién꞉ton nonkwehshón꞉ha naiakoiaʼtaté꞉rihsteʼ tsi ionhwentsáte.”

Genesis 12:3 ပူးပေါင်းရင်းမြစ်များ

Genesis 18:18

tsi neniá꞉wenʼne né Abraham kwáh í꞉ken tsi tenhotenonhianíhtonke tánon enhotiohkwaʼsháststeke, tánon onkweʼtakwé꞉kon né tsi ionhontsá꞉te kwáh kíʼ raonhá꞉ke nón꞉we entkaiènhtahkwe tsi enkheiaʼtaté꞉rihste nonkwehshón꞉ʼa.

Genesis 18:19

Iáh, asèken ráonha riiaʼtarákwen, né katí nahshakorihónnien ne shakoioʼokón꞉ahs tánon tsi nienhathwatsí꞉rine ne nahonteweién꞉ton tsi nihorihó꞉ten ne Roiá꞉ner thóh níʼhatí꞉iehr nahó꞉ten né tkarihwaié꞉ri tánon né kaiánerenʼn; né ká꞉ti naón꞉ton né Roiá꞉ner naontaháhawe tsi nahó꞉ten rohrharatstén꞉ni nʼAbraham.”

Genesis 22:18

Kwáh ohontsakwé꞉kon nonkwehshón꞉ʼa enionkeriʼwanón꞉tonhse nakheiaʼtaté꞉riste, tsi kiʼ nikheiaʼtateríston ne sahwá꞉tsire ne tiorí꞉wa tsi takewennaráhkwen.”

Genesis 24:35

Ne Roiá꞉ner kwáh tshieiorihwakwé꞉kon tsi roiaʼtateríston ne riioʼténhse tánon wahronkweʼtowáhnha. Teiotinaʼkarontón꞉ʼa tánon kaiaʼtákeras, tionhónskwaronʼs ronahskwawíhon, kahwistarà꞉kenʼs tánon ohwistanó꞉ronʼs, tánon ne rotiskenʼrakéhteʼs ó꞉ni tsonathonwí꞉senʼs ratihnhá꞉tsheraʼs, iotiniaʼkwáhere tánon ne tewahónhteʼs.

Genesis 25:11

Shahrénheie ne Abraham, ne Rawenni꞉io wahoiaʼtaté꞉rihste ne roièn꞉ʼa Isaac, tánon NʼIsaac ákta ne Beerlahai-roi nón꞉we nihanákerehkwe.

Genesis 26:29

tsi iáh thahskwakaré꞉wahte, kwáh tsi ní꞉ʼi ní꞉ioht iáh tshiekwaié꞉nen tánon iáh ohthé꞉nen tekwaierá꞉se ne khók ne ioiánere tánon skén꞉non tsi sakwaté꞉kwahte. Ó꞉nen kíʼ í꞉se iaiaʼtateríhston ne Roiá꞉ner.”

Genesis 26:4

Kwáh tenkheiaʼserónnion tsi nienhsathwatsí꞉rine tsi ní꞉ioht tsi iotsistohkwarónnion ne tsi karonhiá꞉te, tánon kwáh enkhé꞉ion tsi nienhsathwatsí꞉rine akwé꞉kon ki꞉ken ionhwentsá꞉iens. Kwáh onkweʼtakwé꞉kon tsi enionkeriʼwanón꞉tonhse nakheiaʼtaté꞉rihste tsi nenhkheiaʼtatérihste tsi nienhsathwatsí꞉rine.

Genesis 27:29

Aiá꞉wens nonkwehshón꞉ʼa aiesaióʼtenhse, ó꞉ni nonhkwehshón꞉ʼa taiesatentshóthahse. Sheiatiaʼtakweʼní꞉ohst tsi nokwá ne sewatatekenʼokʼón꞉ʼa, tánon aiá꞉wenʼs né saʼnisténha akoioʼokón꞉ʼa taiesatentshóthahse. Ónhka akénhake naionhskanéksheke wahétken tsi naesaia꞉tawen eʼthó꞉ne kíʼ enhihré꞉wahte tánon rotiiaʼtaté꞉rihsts nónhka aiesaiaʼtaté꞉rihste!”

Genesis 28:14

tánon tsi nienhsathwatsí꞉rine ʼeh nenhonatióhkwahske tsi ní꞉ioht tsi tewaʼkenhrotarhon tsi ionhwentsá꞉te, tánon kwáh iaʼtenhsaré꞉ni nakté꞉shon nón꞉we tionhontsaièn꞉ton ne ne tsi iaʼtewatshénthohs, tánon ne tsitkarahkwínekenʼs tánon nothorè꞉ke tánon nentiè꞉ne; tánon kwáh ne tsi iehwatsiraièn꞉ton ne tsi ionhwentsá꞉te kwáh kíʼ eniakoiaʼtaté꞉rihste ne ne sonhà꞉ke nón꞉we entkaientákwe tánon ne tsi nienhsathwatsí꞉rine.

Genesis 30:27

Ók ne Laban wahawènhahse, “Tóka enskeríhon nakí꞉ron, wakerihwatshénrion tsi naʼtewakatkónhston nétho Roiá꞉ner ratiaʼtateríhston ne tsi í꞉se iorihonní꞉ʼon.

Genesis 30:30

Kenʼk ní꞉kon sanahskwaièn꞉tahkwe nohén꞉ton sà꞉kewe, ó꞉nen nón꞉wa wé꞉so sanáhskwaien, tánon ne Roiá꞉ner iaiaʼtateríhstha kwáh tsi nienkatié꞉raʼte. Ók ó꞉nen kiʼ iaʼkáhewe ne takheiaterienʼthá꞉ren nakwá꞉tsire.”

Genesis 39:5

Kwáh tsi nikahá꞉wi Só꞉se wahorihón꞉ten nahatenʼnikón꞉raren tsi ronónhsote tánon akwé꞉kon ne raowenhshón꞉ʼa, ne Roiá꞉ner wahoiaʼtaté꞉rihste ne Egyptró꞉non ne ne Só꞉se raorihwá꞉ke; tsi wahaiaʼtaté꞉rihste ne Roiá꞉ner ne ne akwé꞉kon tsi nahotén꞉shonʼs roientahtsherá꞉ien.

Psalms 72:17

Wakaterénhnaien ne ronnonhtí꞉io raosénhna tsi nénhwe akátake, tsi nihasenhnowánen thóh nakarihwéshonke aʼkathátseke tsi kíʼ ní꞉ioht ne karákwah. Wakaterénhnaien akahontsakwékon ahonwarihwaʼnónhtonhse ne Rawenni꞉io nasakohiatatériste tsi kíʼ nihohiatateríston ne ronnonhtí꞉io; wakaterénhnaien onhkwetaʼkwékon ne ahiontrohriá꞉thake ne raotsenhnonhniátshera.

Exodus 23:22

Ók tó꞉ka entsisewawenhnarákwen tánon oriwakwékon thóh nenhsewáhiere tsi niwáken, kwáh kíʼ rahthikwékon enhiakwateríio ne ietʼtshíshons.

Numbers 24:9

Ne rahotiʼtiókwah kwáh né꞉ne rashátste kénreks; Né nónen rótas, iáh ónhka tháʼienre nahonwáiete. Ónhka akénhake nahonwatiʼhiatatériste Israerʼró꞉nons kwáh kíʼ entionhtatiatatéristhe, Tánon ónhka nenhonwatihiésate enhtionhtatiésate kíʼ.”

Matthew 25:40

Tentesakoȣennaȣeron ne Ronontiio enhenron: Oriȣiio, Oriȣiio tsi kȣarori tsi niioriȣake etho niietsiierase nʼakȣa niieiakaha nakatatekenha iise eh niskȣaierase.

Matthew 25:45

Tentesakoȣennaȣeron, enthenron: Oriȣiio tsi kȣarori tsi iah enskatha eh teietsiiatierase enskat ne niiakasa, iah ki oni nii eh teskȣatierase.

Luke 24:27

Ethone oni ȣasakohnikonraientaten tsini hotiiaton nʼOiatonseratokentike, ne Moïs oni ne Rotitokensehakȣe ne raonha raiatatake.

Romans 4:11

Oʼnhàken kén nihonwawarakwétaron, tánon tsi rhotewarakwétharon ne iawenéston tsi aonteriwanírate neh tsi tawethákwen ne Abraham ne Rawenni꞉io wahokwénienste tsi síken ní꞉ioht nahoʼthonkwethakwarísion nohénton sahonwahwarakwétaron. Rahóna káti ne Abraham neh kariwihiosthóntsera kanísera tiokwékthon tsi niʼiákon tiakawethákwen ne Rawenní꞉ioke tánon ó꞉ni raónha ne Rawenni꞉io ensakokwéniensʼte, iahwerhohátien tsi iáh teonwathiwahrakwétaron.

1 Corinthians 1:30

Nók Rawenni꞉io tahiaiaténhawe ne taitiateriwahshónteren ne Kerístos Ié꞉sos, tánon Rawenni꞉io wahahónnien ne Kerístos rahónha nonkwahnikonrowahnhátshera akénhake. Rahónha shaʼshonkwarihwahserónnien tsi natetewáhtere ne Rawenni꞉io; Rawenni꞉io rahonkwetatókenti weteʼwáhton ó꞉ni setewahtatewenhní꞉ioʼne.

Galatians 3:16

Neh, Rawenni꞉io tsi niʼohrahratsʼténni ne Abraham tánon saiáta ne rahowátsire. Noriwatokénti iáh tewástha ne “iakotiokowánen,” Kíʼ owénna “tionkwétak khók” rótons, tánon nètho rónkwe nehne Kerístos.

Galatians 3:28

Kwáh káti iáh thénen tathetiatʼthíhen ne Sitaeró꞉nons tánon ne Iatehatisitaerónons, tsi natehónteron ne rathináskwas ó꞉ni ne rontatewenní꞉io onkwesónha, tsi natehóntere ne ronnónkwe tánon ne konnónkwe; kwáh sewakwékon tsi énskat iéken tsi tesewateriwasóntere ne Kerístos Ié꞉sos.

Galatians 3:8

Noriwatokénti iekariwákens nètho Rawenni꞉io tsi ensesakoriwaserónnien ne iáh tehathisitaerónons tsi natehóntere ne rahónha, tewetákwen nón néntewe. Tánon rahonháke ne Abraham nón kí꞉ken ne kariwí꞉ios nikarihowanáton noriwatokéntis: “Iséke ne Rawenni꞉io ensakohiatatériste nonkwetakwékon.”

Ephesians 1:3

Ánion thetsitewanonweráton ne Rawení꞉io ó꞉ni rahónha ne kanísera ne sonkwaiáner Ié꞉sos Kerístos! Ne tsi tehionkwateriwasóntere ne Kerístos sonkwahiatateríston neh tsi nitesonkwáʼwi noriwakwékon ne kariwiʼiostóntsera ahohiataterítsera ne karonhiáke tiohontsáte.

Colossians 3:11

Tsi niateionéhnon, iáh ó꞉nen thé꞉nen taʼtestsiatʼthí꞉en tsi naʼtehón꞉tere ne iáh Tehatisitaeró꞉non tánon ne Sitaeró꞉nons, nahonwatiwahrakweráron tánon ne iáh tehonwahtiwarakweráron, tihononhontsá꞉tes, ratirahkonró꞉nons, ratináskwas, tánon ne rontatewenní꞉ios, nok Kerístos seh norihwakwé꞉kon, Kerístos seh tsehahiatakwení꞉io.

Revelation 7:9

Shontóhetste kí꞉ken iakatkáto, tánon wakhé꞉ken kwáh í꞉ken tsi kanenhrowá꞉nen né꞉ne iáh thaón꞉ton nahonwanaséhte, né꞉ne kwáh tsi niateiakahontsá꞉ke, né꞉ne kwáh tsi niateiakotará꞉kes ó꞉ni nonkwehó꞉kons ó꞉ni nakoronkhá꞉tsheras, thóh ronhné꞉te ohén꞉ton tsi wanitskwaratseró꞉te ó꞉ni raohén꞉ton ne teiotinaʼkarontón꞉ha owí꞉ra, teonateweiá꞉here kará꞉ken, ne rathihawáhnion ne ionerá꞉tes onenhrashón꞉as.