Genesis 12:2 - Ohiatonhseratokénti

² Ne enkónniaʼte tsi nienhsathwatsí꞉rine naesewatiohkowá꞉nenke, tánon kwáh enkoniaʼtaté꞉rihste tánon enkonhsennó꞉wanahte, ne katiʼ nahsheiatʼateríhsthake nakohrén꞉shon.

Genesis 12:2 ပူးပေါင်းရင်းမြစ်များ

Genesis 13:16

Enkonhwatsiʼrón꞉nien tsi ní꞉ioht noʼkèn꞉ra né tsi ionhwentsá꞉te; né katíʼ tokáʼ ónhka aiekwé꞉ni naiónhshete noʼkèn꞉ra ne tsi ionhwentsá꞉te, ne sahwá꞉tsire enwá꞉ton kíʼ nón꞉neʼeh nahonwanáhshete.

Genesis 15:5

Átsteʼ niahoiaʼténhawe tánon wahén꞉ron, “Karonhiá꞉ke iaʼsatkáhtho tánon sáhset ne tsi iotsistohkwarónnion, toka enhskwé꞉ni nahsheiáhshete.” Eʼthó꞉ne wahawénhahse, “Thóh kiʼ nenhonatióhkwaske tsi nienhsathwatsí꞉rine.”

Genesis 17:20

Tsi nokwá ne Ishmael, waʼkonwenná꞉ronke; kwáh kíʼ enhiiaʼtaté꞉riste tánon enhitiohkó꞉wanahte ó꞉ni kwáh í꞉ken tsi enhonatiohkowá꞉nenke; tékeni iawén꞉re nihá꞉ti enhonekenhteronʼtsheraién꞉take né꞉ne rotinontí꞉ioʼs enkénhake, tánon né enhiiónniaʼte nahotiohkowá꞉nenke.

Genesis 18:18

tsi neniá꞉wenʼne né Abraham kwáh í꞉ken tsi tenhotenonhianíhtonke tánon enhotiohkwaʼsháststeke, tánon onkweʼtakwé꞉kon né tsi ionhontsá꞉te kwáh kíʼ raonhá꞉ke nón꞉we entkaiènhtahkwe tsi enkheiaʼtaté꞉rihste nonkwehshón꞉ʼa.

Genesis 18:19

Iáh, asèken ráonha riiaʼtarákwen, né katí nahshakorihónnien ne shakoioʼokón꞉ahs tánon tsi nienhathwatsí꞉rine ne nahonteweién꞉ton tsi nihorihó꞉ten ne Roiá꞉ner thóh níʼhatí꞉iehr nahó꞉ten né tkarihwaié꞉ri tánon né kaiánerenʼn; né ká꞉ti naón꞉ton né Roiá꞉ner naontaháhawe tsi nahó꞉ten rohrharatstén꞉ni nʼAbraham.”

Genesis 19:29

Tánon thóh kíʼ niiawèn꞉en nó꞉nen ne Rawenni꞉io shaháhtonʼte ne kanatowá꞉nenʼskwe naonhráhkwakon nón꞉we nikén꞉ne, ne Rawenni꞉io rawehiá꞉rahkwe Abraham tánon wahoiaʼtínekenhwe ne Lot nahaʼniá꞉kenʼne tsi nokwá ne karihwaiesáhtshera, nó꞉nen ne Rawenni꞉io shaháhtonʼte ne kanatowá꞉nenʼskwe, tsi nón꞉we nihanákerehkwe ne Lot.

Genesis 24:1

Ó꞉nenhʼne ne Abraham sihokstén꞉ha, tánon ne Roiá꞉ner kwáh tshiehiorihwakwé꞉kon tsi roiaʼtateríhston nʼAbraham.

Genesis 24:35

Ne Roiá꞉ner kwáh tshieiorihwakwé꞉kon tsi roiaʼtateríston ne riioʼténhse tánon wahronkweʼtowáhnha. Teiotinaʼkarontón꞉ʼa tánon kaiaʼtákeras, tionhónskwaronʼs ronahskwawíhon, kahwistarà꞉kenʼs tánon ohwistanó꞉ronʼs, tánon ne rotiskenʼrakéhteʼs ó꞉ni tsonathonwí꞉senʼs ratihnhá꞉tsheraʼs, iotiniaʼkwáhere tánon ne tewahónhteʼs.

Genesis 25:11

Shahrénheie ne Abraham, ne Rawenni꞉io wahoiaʼtaté꞉rihste ne roièn꞉ʼa Isaac, tánon NʼIsaac ákta ne Beerlahai-roi nón꞉we nihanákerehkwe.

Genesis 26:3

Nikarihwésha kén꞉ʼen tsi ionhwentsá꞉ien tsiʼ terón꞉tak, entenikwekónhake ó꞉ni enkoniaʼtaté꞉rihste; ní꞉se tánon tsi nienhsathwatsí꞉rine kwáh énttion akwé꞉kon kí꞉ken ionhwentsá꞉ienʼs, kwáh kíʼ énkenahne tsi niwakerihwahnirá꞉ton tsi nihihrharatstén꞉ni ne Abraham iaʼníha.

Genesis 26:4

Kwáh tenkheiaʼserónnion tsi nienhsathwatsí꞉rine tsi ní꞉ioht tsi iotsistohkwarónnion ne tsi karonhiá꞉te, tánon kwáh enkhé꞉ion tsi nienhsathwatsí꞉rine akwé꞉kon ki꞉ken ionhwentsá꞉iens. Kwáh onkweʼtakwé꞉kon tsi enionkeriʼwanón꞉tonhse nakheiaʼtaté꞉rihste tsi nenhkheiaʼtatérihste tsi nienhsathwatsí꞉rine.

Genesis 27:29

Aiá꞉wens nonkwehshón꞉ʼa aiesaióʼtenhse, ó꞉ni nonhkwehshón꞉ʼa taiesatentshóthahse. Sheiatiaʼtakweʼní꞉ohst tsi nokwá ne sewatatekenʼokʼón꞉ʼa, tánon aiá꞉wenʼs né saʼnisténha akoioʼokón꞉ʼa taiesatentshóthahse. Ónhka akénhake naionhskanéksheke wahétken tsi naesaia꞉tawen eʼthó꞉ne kíʼ enhihré꞉wahte tánon rotiiaʼtaté꞉rihsts nónhka aiesaiaʼtaté꞉rihste!”

Genesis 28:14

tánon tsi nienhsathwatsí꞉rine ʼeh nenhonatióhkwahske tsi ní꞉ioht tsi tewaʼkenhrotarhon tsi ionhwentsá꞉te, tánon kwáh iaʼtenhsaré꞉ni nakté꞉shon nón꞉we tionhontsaièn꞉ton ne ne tsi iaʼtewatshénthohs, tánon ne tsitkarahkwínekenʼs tánon nothorè꞉ke tánon nentiè꞉ne; tánon kwáh ne tsi iehwatsiraièn꞉ton ne tsi ionhwentsá꞉te kwáh kíʼ eniakoiaʼtaté꞉rihste ne ne sonhà꞉ke nón꞉we entkaientákwe tánon ne tsi nienhsathwatsí꞉rine.

Genesis 35:11

Ne Rawenni꞉io wahawènhahse, “I꞉i ne Ní꞉io wakeʼshatstenhserowá꞉nen: sathwatsirón꞉ni tánon sewentiohkowáhnha; nonkwehshón꞉ʼa tánon niaʼteiakahontsá꞉kes isé꞉ke non entieiènhtahkwe tsi enionthwatsirón꞉ni, tánon ótiaʼks tsi nienhsathwatsirí꞉ne enhotinontí꞉ioʼne.

Genesis 46:3

Eʼthó꞉ne ne Rawenni꞉io wahén꞉ron, “Í꞉i ne Ní꞉io, ne Raoní꞉io ne iaʼníha; tóhsa sáhteronʼn ne Egypt niáhse, aseʼkénh kwáh ne enkoniónniaʼte naesewentiohkowáhnha ne nón꞉we.

2 Samuel 7:9

tánon ní꞉i kwáh tenikweʼkonhátsies tsi nón꞉we nienhénse, tánon kwáh khesén꞉nion ratikwéʼkon ne ieshá꞉sons ne sahén꞉ton rónhnes; tánon ní꞉i kwáh enkonsennówanahte, kwáh tsi nihotisenhnótens ne ratisennhowánens ne tsi ionwentsá꞉te.

1 Kings 1:47

Sénha kíʼ íshiʼnon tsi nahá꞉wenhne, ne teiehiathorethákwa ronaterihóntons iahónhne ne tahonwanonhweráton ne Ronhnonhtí꞉io Táwit tánon wahonhníron, ‘Aiáwens kíʼ ne Saní꞉io nahahiónhnien ne Solomon sénha ahasenhnowanénhke tsi ní꞉se niʼiohthónhne, tánon aiáwens ne Solomon tsi rononhtí꞉io íken sénha kíʼ ahokwahtsʼtónhake tsi niʼiohthónhne ní꞉se.’ Ethòne ki ne Ronhnonhtí꞉io Táwit watatʼtsákeʼte wahaterénhnaien rahonákʼthaʼke

Job Tánon ne Raoronhiakensera 35:8

Ne sariwahetkénhseras iakokaronhniátha nakorénhshons tsi ní꞉se ní꞉ioht, ó꞉ni ne saianerétsheras, nakorénshons ónkwe.

Psalms 107:38

Ne tsi waʼhahiathatériste iawetatʼtsáni watkaiasehrón꞉nion, tánon iáh tehothontháton tsi iotitsiókwaiens ne rahothitsenenhókons tionhnónskwahrons, kaiatákeras, teiotinakaronhtónhas ne nakanenhrásthoʼne.

Exodus 1:7

ók ne sakonahterehokónhas, né꞉ne lsraeró꞉nonhs, wéso wahotiʼwirahʼientàsehron tánon tsi nahonahtsiokowàhna tánon wahatiʼtsiokwahnírahne né Egypt nónhwe kwáh ronònhak khók thitahtírahkwe.

Exodus 32:10

Nónhwa, tó꞉sa sewateʼniénten ne taskwátasthe. Kwáh khenákwahse, tánon enkhehiátonhthe. Ethòne entsiónhnien níse tánon tsi niensatwatsiríne nahisewenhtiokowánenhke.”

Isaiah 51:2

Iatsiatʼkátho ne Abraham ianíha tánon ne Sarah tsi nikáien iesanakeráts꞉ton; asèken raonhatsíwa khók kènhne nó꞉nen shiaʼhináton, ók wahiʼhiathatériste tánon wahihiónhnien nahotsiokowá꞉na.

Ezekiel 34:26

“Kwáh enkhehiatatéristhe tánon enkheríhon nakonhthiterónhtake aktónhtse nakenonhthatokentíke. Thóh nónhwe nenhkhehiathatéristhe tsi nenhiotsatarahtséʼsehke nokenhnorésehra nónenh tehonathonhóntsiohse.

Micah 7:20

Kwáh enthétion norihwihioʼón꞉we ne Jacob tánon kenténrat ne Abraham, kwáh tsi nisehrihwanirá꞉ti ne iakisoʼthonkonhkén꞉en ne wahón꞉nise tsi ná꞉he tkenʼne.

Zechariah 8:13

Nonhkweshón꞉ʼa ne Judah nón꞉we tánon ne Israeronónhke! Ne tsi nitsiawè꞉non ne thihononhontsá꞉tes kwáh wahthontatʼkenrenhserón꞉ni tsi nahtehónthere tsi rónhton, ‘Aiá꞉wens kwáh ne skáka ne karihwaieshátsheras ahishá꞉rahne tsi nihothihiaʼtawénhen ne Judah tánon ne Israerʼró꞉nons!’ Ók Í꞉i enkoniathanónhsthate, tánon ethò꞉ne ne thihononhontsá꞉tes tenhonthaténhase, ‘Aiá꞉wens kwáh ne skáka ahshéna ne kahiathateríhtsheras tsi nieiawé꞉non ne Judah tánon ne Israeronónhke!’ Káti shaʼnikonrahnikónhak tánon tó꞉sa shaterónsek.”

Numbers 14:12

Kwáh kíʼ kannratarihnhétshera entkaténiete tánon enhonátonhte, ók kíʼ í꞉se kanísera enkonhiónhni ne kentiókwa né꞉ne sénha roʼnatiokowánen tánon sénha ratshátste tsi ní꞉ioht ne roʼnónha!”

Numbers 22:12

Ne Rawenni꞉io wahawénhase ne Balaam, “Tó꞉sa sewateró꞉sen, tánon tó꞉sa seréwat nonhkweshón꞉ás NÍsraerʼró꞉nonhke, tsioríhwa tsi roʼnónha natiathateríhtshera íken.”

Numbers 23:20

Hionkenáhon natiatatéristhe, Tánon nó꞉nen ne Rawenni꞉io enhahiatatéristhe, iáh thakʼkwéni ne tahontakákʼthate.

Romans 4:11

Oʼnhàken kén nihonwawarakwétaron, tánon tsi rhotewarakwétharon ne iawenéston tsi aonteriwanírate neh tsi tawethákwen ne Abraham ne Rawenni꞉io wahokwénienste tsi síken ní꞉ioht nahoʼthonkwethakwarísion nohénton sahonwahwarakwétaron. Rahóna káti ne Abraham neh kariwihiosthóntsera kanísera tiokwékthon tsi niʼiákon tiakawethákwen ne Rawenní꞉ioke tánon ó꞉ni raónha ne Rawenni꞉io ensakokwéniensʼte, iahwerhohátien tsi iáh teonwathiwahrakwétaron.

Galatians 3:14

Kerístos neh aoríwa kíʼ thóh naháiere neh nahónton ne kahiataterítsera tsi nihorahrástenni ne Rawenni꞉io neh Abraham nontiérenk ahontahonwénnon ne iáh tehathisitaeronons tsi néntewe rahonháke ne Kerístos Ié꞉sos, neh káti thóh ne tewetákwen nontiérenk entewaiéna ne Onikonratokénti tsi nihoraráston ne Rawenni꞉io.

Galatians 3:7

Kwa tehiothonwentióʼon naisewanikonraiéntane, káti neh꞉ne kwáh Abraham sakoienokónhas neh tsi niháti thonwetákwen ne Ní꞉io.

Deuteronomy 26:5

Ethò꞉ne, rahohénton ne Roiá꞉ner ensheshirón꞉nion kí꞉ken owenhnaʼsón꞉as: ‘Ne ratsotkénʼen ronatenháwiskwe Aramró꞉non, ne rahowá꞉tsire Egypt nieshakohiaʼténha thóh nón꞉we ieshatinákereʼkwe. Iáh teshonatioʼkowanénhne ne nón꞉we shahón꞉ne, ók sahonatiohkowá꞉nen tánon sahatishatstenhserowá꞉nah.