Genesis 12:13 - Ohiatonhseratokénti

¹³ Sheró꞉ri tsi tiatenoʼsénha, ne ká꞉ti naontianeráhsten ní꞉i í꞉se eh nenhseʼrihón꞉ni, tánon né tsi kónhnhe enkanonhstá꞉tonke né tsi í꞉se ehʼnenhsehrihwakanón꞉ni.”

Genesis 12:13 ပူးပေါင်းရင်းမြစ်များ

Genesis 11:29

Tánon ne Abram ó꞉ni ne Nahor wahotíniaʼke; tánon ne Nahor ró꞉ne Milcah iontátiats, ne sakoièn꞉a ne Haran ne ronhwaníha ne Milcah ó꞉ni ne Iscah. Ne nenʼ ne wahotíniaʼke, né nenʼne ne Haran shakoién꞉a, ne nónhne shakoièn꞉a ne Iscah.

Genesis 12:14

Nó꞉nen ne Abram shiahatáweiaʼte ne Egypt, ne Egyptró꞉nonʼs waʼkonwá꞉ken ne ión꞉kwe tsi niío꞉re tsi watkahthohtserí꞉io.

Genesis 20:2

NʼAbraham tsi wahshakohthá꞉rahkwe né ró꞉ne Sarah, “Iatiatenoʼsénha í꞉ken.” Tánon ne Ronnontí꞉io Abimelech né Gerar nón꞉we wahaténhnaʼne naontakonwaiaʼténhawe raonhá꞉ke.

Genesis 20:5

Iáh kenh ráonha ne Abraham tehakhró꞉ri tsi né iatiatenoʼsénha, tánon áonha ó꞉ni ne waʼkén꞉ron, ‘Iatiatenoʼsénha í꞉ken.’ Kwáh káti keriahsakwé꞉kon kíʼ tsi thóh nà꞉tiere tánon kwáh iáh ohthé꞉nen thaʼtewakatatesnonhsaʼtsónhston tsi kíʼ thóh nà꞉tiere.”

Genesis 26:7

Nó꞉nen neh nón꞉we nihatinákere ne ronnón꞉kwe wahonwariʼwanón꞉tonhse tsi nonkwá ne ró꞉ne, wahén꞉ron, “Iatiatenoʼsénha” nakáonha. Aseʼkénh róhteronʼskwe nahén꞉ron, “Khehkstén꞉ha í꞉ken,” ranonhtonniónkwahskwe, “khehs tóka nón꞉wa né ronnón꞉kwe né kén꞉ʼen ratinákere nontié꞉renʼk enionkenonhwariá꞉kon ne ne Rebekah entkarihón꞉ni”; tiorí꞉wa tsi só꞉tsi watkahthohtsherí꞉io tsi nikaiaʼtó꞉ten.

Isaiah 57:11

Ónhka wahiaterónhkwe tánon wesaterónhne né ká꞉ti tsi wasanó꞉wenhte, tánon iáh teskehiaʼráhon khés naskanontonniónhon? Iáh kén sák thiwakatatónhni tánon tewakateronhwékon, tánon ká꞉ti iáh tesketsaníkon?

Jeremiah 38:17

Ethóhʼne wahiró꞉ri ne Zedekiah nètho Roiá꞉ner Roshastsʼtensherowáhnen, ne sahkoNí꞉io ne Israel, tsi ráhwenh, “Tó꞉ka ienshaʼthatátkaʼwe ronhnónhake ne Ronnonhtí꞉io rahonkwetaʼshón꞉a ne Babylonia nónhwe, ensehniákenʼte tsi sónnhe, tánon kíʼ kénʼ kanatowáhnen iáh tahonthenenhtenthákwen. Sehwahkwéhkon níse tánon ne sahwátsireh enietʼtsinónhsthaʼthe.

Jeremiah 38:20

Wahkíron, “Iáh tsahiesátkaʼwe ne ronónha nòhkwah. Konhianiténthaʼse nahshaʼthewénhnahrakwe ne Roiá꞉ner rahotiʼriwahnhotátshera; ethóhʼne akwékon tienhiohiénerenhne ne sharihwáhke, tánon ne tsi shón꞉nhe enkanonhstá꞉thonʼke.

Ezekiel 18:4

Tsi iakónhnhe ne niatehionkwétakes Í꞉i akáwenk, tsi rononhnhénion ne rothiwirahiéntons ó꞉ni ne owirá꞉a. Nónhkwe nenhieriwáhnerahke akahónʼa enhiahiéheie.

John 8:44

Neh nakȣa Ranesonronon ne etsiseȣaniha tsinonȣe oni tiseȣaientakon, neh kati oni iseȣere atsiseȣanikonraierite tsini hoskanektseroten ne etsiseȣaniha. Ok onkȣe shiraks tsi tiotasaȣe, iah oni tehokȣenion nahoriȣatokenhake, aseken iah tehoien ne tkariȣaieri. Ne hens nakȣa raȣerientakesson nahanoȣente; aseken ronoȣen, neh oni Ronȣaniha ne kohnoȣen.

Romans 6:23

Naohkarhiátsera ne kariwáneren neh꞉ne tsi nieʼhiotʼthahínon ne kenhéion; nók ne Rawenni꞉io kwáh iáh ohthènen tehakaráiens tsi tatʼkáwas neh ionʼnheónwe atónʼnhes, neh tsi ratikwékon ne Kerístos Ié꞉sos Sonkwaiáner.

Colossians 3:6

Tiorì꞉wa ne nikarihó꞉tens ne Rawenni꞉io raonakwáhtshera enhotihiatorén꞉ne tsi ní꞉iakon ne iáh tehonwawenhnaráhkwa.