Genesis 12:10 - Ohiatonhseratokénti

¹⁰ Ó꞉nen kíʼ waʼontonhkariá꞉khon ne tsi ionhwentsá꞉ien. Ká꞉ti ne Abram Egypt niahá꞉re, iáh kíʼ tekarí꞉weʼs tho tshiahré꞉sheke, aseʼkénh natonhkariá꞉kon kwáh í꞉ken tsi teiotenonhianíhton né nón꞉we niiohontsá꞉ien.

Genesis 12:10 ပူးပေါင်းရင်းမြစ်များ

Genesis 41:56

Tánon natonhkariá꞉kon tsi naʼtewaré꞉ni nonhontsakwé꞉kon, né Só꞉se wahahnhotonkwenhá꞉ton akwé꞉kon tsi nón꞉we nihanatsaientáhkhwah, tánon wahshakotenhní꞉nonʼse ne Egyptró꞉nonʼs, aseʼkénh tsi naʼteiotenonhianíhton natonhkariá꞉kon ne tsi ionhontsá꞉ien ne Egypt.

Genesis 41:57

Kwáh ó꞉ni ohontsakwé꞉kon tsi thén꞉teron ne Só꞉se ne Egypt nón꞉we iehonnéhthakwe nahtinatsahninón꞉ra, tiorí꞉wa natonkariá꞉kon tsi nateʼiotenonhianíhton kwáh tsik nonwé꞉son ne tsi ionhwentsá꞉te.

Genesis 42:5

Katíʼ ne Israel raonekenhteronʼtsheraʼshón꞉ʼahs thóh ratiiaʼtará꞉tie nakohrèn꞉shonʼs nonkwehshón꞉ʼahs ne tahón꞉ne nahatinatsahní꞉non, aseʼkénh natonhkariá꞉kon ón꞉we ne tsi watonhontsá꞉ien ne Canaan.

Genesis 43:1

Nón꞉wa natonhkariá꞉kon tsi naʼteiotenonhianíhton ne tsi ionhontsá꞉ien.

Genesis 47:13

Nón꞉wa kwáh iáh oh thé꞉nen tekakhwaièn꞉tahkwe nonhontsakwé꞉kon, aseʼkénh natonhkariá꞉kon tsi naʼteiotenonhianíhton. Tetsá꞉ron ne tsi ionhontsá꞉ien ne Egypt tánon tsi ionhontsá꞉ien ne Canaan nonkwehshón꞉ʼa iakoʼnikonhráhtonhskwe ne natonhkariá꞉kon tkarihón꞉nihskwe.

2 Samuel 21:1

Nón꞉wa neh nón꞉we wahontonhkárhiake tsi nihotenhniseraténionkwe ne Táwit ne náhsen niʼioseráke nikarí꞉weskwe, kwáh iateioseráke; ó꞉ni ne Táwit tsi enhoriwanónhtonhse ne Roiá꞉ner. Ne Roiá꞉ner enhénron, “Kwáh ronekwensarónhnion ne Saul tsi nihoníkon ó꞉ni ne raowátsire, tsioríwa tsi sakononwarhiakhónhnion ne Gibeonró꞉nons.”

2 Kings 4:38

Énska nènhneʼe, nó꞉nen sahonthonhkarhiákon né tsi iohontsáte, Né Elisha Gilgal nionhsáre. Tsi nikaríhwes sakorihonhnienhníhaʼwe ne Rotitó꞉kenhse, wahoróri ne rahoʼnhá꞉tsera kanatsowánen tsi iothèkha ranatsá꞉ren tánon né ratkónhni ne tekakhwaiesthánion.

2 Kings 6:25

Ók tsi naháwenhne ne tsi tekonwanatánen tsi naʼtewatenón꞉ianiʼte wahotikwahnorónsten ne kanatowanénhke né tewahóntes onóntsi shatékon nikawistáhsen kawistaráken nikaʼnó꞉ronhkwe, tánon ne saʼtekakontseríhen nó꞉rite ó꞉tah wísk né nikaʼwístake nikaʼnó꞉ronkwe.

Psalms 105:13

rotinatenháwisʼkwe tsi ienakeré꞉nion nonkweshón꞉ha, tehotiʼnakerasehrawénhron tsi ratinakeréron nonkweshón꞉has,

Psalms 107:34

né kwáh tiohontsí꞉ios kwáh kíʼ káiase ienhwáʼton né entioróhroʼke ne iotenatentásta tánon tsioiótsis, tsioríhwa né nón꞉we nihatinákere tsi nihonhnonkwetahétʼkens.

Psalms 34:19

Wé꞉so ne karihwaʼhét꞉kens tsi nihiakohiátawenhs ne tionkwetaiéris, ók Roiá꞉ner kíʼ sehsakohiathákwas akwékon tsi nihioterihwaʼtsiéren.

Jeremiah 14:1

Ne Roiá꞉ner wahakénhase tsi nòkwah ne iahonwenhtsátʼten,

John 16:33

Aseken iakenikȣekon ne Rakeniha.

Acts 14:22

Wahsakothisatsténseron ne iakoriwiʼióstons ó꞉ni wasakothinikonráreke naʼiontsénawasthe ne tewethákwen. Tsi wahsakothirihónnien “Kwáh iawethowánen tsi ní꞉ioht tsi thetewathohesthánions ne karonhiakénseras niaʼitewatáwehiate ne Rawení꞉io rahonakeraserákon.”

Acts 7:11

Ehʼthóhʼne wahonthonkariák꞉kon ne Egypt ó꞉ni ne Canaan, kwáh íken tsi iakotiokowánen waheronʼiáken. Nonkwasotʼtseraʼokonkén꞉en iáh tewátonsʼkwe nahatikwatsénri,

Ruth 1:1

Wahón꞉nise ne tho nón꞉ shontakahá꞉wi ohén꞉ton tsi niió꞉re ne Israel shahotiién꞉taʼne ne Ronontí꞉io, iáh tesewatennaʼ tsheranákere. Kí꞉ken rón꞉kwe Elimelech ronwá꞉iats tho nón꞉ nihaiá꞉tare tsi nihotiʼtarò꞉ten ne Ephrath tánon tho nón꞉ nihanakeréhkwe tsi nón꞉ tkanátaien Bethlehem ne Judah, wà꞉ne káti ne ró꞉ne Naomi tánon tehniiáhse rotiskenʼrakéhte shakotiienʼokón꞉ʼa Mahlon tánon Chilion ronwatí꞉iats. Kenʼnikarihwéhsa káti tho nón꞉ iahatinákerate tsi tionhwentiá꞉te ne Moab. Tsi káti nikarì꞉wes tho nón꞉ shihatinákere,