Genesis 11:31 - Ohiatonhseratokénti

³¹ Ne Terah iahoiaʼténhawe ne roién꞉a Abram tánon ne roteré꞉ʼa Lot, né꞉ne Haran roʼién꞉a, ó꞉ni ne shakosáfha ne Sarai, ne ne roién꞉a Abram ró꞉ne, skátne tsi sahontenró꞉shen Ur nontahón꞉ne ne ne Chaldeansʼke tsi tiohóntsaien ne Canaan niahón꞉ne; ók shiahón꞉newe ne Haran, thóh nónwe ionsahontatíteron.

Genesis 11:31 ပူးပေါင်းရင်းမြစ်များ

Genesis 10:19

Tánon tsi nihotinakeráhsera ne Canaanites Sidon nón꞉we tiotáhsawe, eʼthó꞉ne Gerar nonkwá꞉ti nietsawé꞉non, ié꞉io tsi niió꞉re ne Gaza, eʼthó꞉ne Sodom nonkwá꞉ti nietsawé꞉non, tánon ne Gomorrah, Admah, tánon ne Zeboiim kwáh tsi niió꞉re ne Lasha.

Genesis 11:32

Tsi niwenhnisehrá꞉kehkwe rotenhnisehraténionʼskwe ne Terah ne꞉ne tékeni tewenʼniáwe tánon wísk nihiosehrá꞉kehkwe; tánon ne Terah Haran nón꞉we iarénheie.

Genesis 12:4

Katíʼ ne Abram wahahtén꞉ti, kwáh kiʼ tsi nihohró꞉ri ne Roiá꞉ner; tánon Lot wahiatenró꞉shen. Ne Abram tsá꞉ta niwáhsen wísk shaʼtehaohseriʼiá꞉kon nó꞉nen sahanakerá꞉ko ne Haran nón꞉we.

Genesis 12:5

Abram iahshakoiaʼténhawe ne ró꞉ne Sarai, tánon ne raonhwatén꞉a Lot, tánon akwé꞉kon ne raotiientáhtshera ne ronatatehrohró꞉ki, ó꞉ni ne ratináhskwaʼs ne rononkweʼtaientáʼon ne Haran nónwe, tánon waʼthonhthá꞉hahkweʼ tsi tiohontsá꞉ien ne Canaan niahón꞉ne. Shiahón꞉newe ne Canaan,

Genesis 14:12

kwáh ó꞉ni iahonwaiaʼténhawe ne Lot, Sodom né nón꞉we nihanákerehkweʼ, ne ne Abram raonhwatén꞉ʼa, katíʼ akwé꞉kon iahatíhawe ne raoientáhtsheraʼs, tánon é꞉ren sahón꞉nete.

Genesis 15:7

Eʼthó꞉ne ne Roiá꞉ner wahawénhahse, “Í꞉i ne Watiá꞉ner tetkoniaʼténha ne Ur ne ne tsi nón꞉we nihatinákere ne Chaldearó꞉non, né naontakón꞉ion kí꞉ken ionhóntsaien naʼesawénhake.”

Genesis 24:10

Eʼthó꞉ne ne rahnhá꞉tshera, oié꞉ri nihá꞉ti iahshakoiaʼténhawe ne raiaʼtakweʼní꞉io raotshenenʼó꞉konʼs iotiniaʼkwáhere tánon wahahtén꞉ti, rahawinóntie né kwáh tioiánereʼs natatawíhtsheraʼs tsi nontaháhawe ne róhnhaʼs tsi thonónhsote tánon Mesopotamia niahá꞉re, ne ne kanatowanèn꞉ke tsi nón꞉we thanákere ne Nahor.

Genesis 24:15

Nohén꞉ton niaháhsa tsi rohtharátse ne Rebekah thóh ón꞉we, ionenhsará꞉tie ne kátshe iehnekaráhkhwa. Ne ne Bethuel shakoién꞉ʼa, tánon ne Bethuel Milcah nenʼne roʼnisténha i꞉ken ók Milcah ne ne Nahor ró꞉ne í꞉ken tánon ne Abraham ne iatateʼkén꞉a ne Nahor,

Genesis 27:43

Eʼthó katíʼ, konièn꞉ʼa, takewèn꞉narak; tesasteríhen téstaʼn iatiatateʼkenʼkéha Laban niahá꞉se ne ne Haran nón꞉we,

Genesis 28:10

Ne Jacob Beersheba nón꞉we tahahtén꞉ti tánon Haran nón꞉we iaʼthróiaʼke.

2 Kings 19:12

Né khesokʼthonkonkénen rotirihwathónton ne tsi kanatowánens ne Gozan, Haran, tánon ne Rezeph, ó꞉ni sakononwarhiakónhnions nonkweʼshón꞉as ne Betheden né꞉ne Telassar nón꞉we nihatinákerekwe, tánon iáh ón꞉ka tsi níkon rotiniʼioseráiens tehotikwénion nahonwatinonsthátonhke.

Nehemiah 9:7

Í꞉se ne Saiá꞉ner Ní꞉io í꞉ken í꞉se tsiatahrákwen ne Abram tánon tsehiá꞉ron ne tsi ronathonhontsiá꞉ien ne Ur thóh nón꞉we ne Chaldearó꞉nons nihatinákere tánon ne wahtsénhnon Abraham.

Job Tánon ne Raoronhiakensera 1:17

Tsi ná꞉he shé꞉kon nihó꞉thare, ó꞉ia thóh sará꞉we tánon wahèn꞉ron, “Ne Chaldeans áhsen nahonhnitiokónhni, wasakotinenhraká꞉ri ne iotiniakwáhere tánon iashakotihiaʼténhawe, tánon washakotinonhwariaʼkónhnion ne ratiná꞉tseras asareʼkó꞉wa wáhonste; Akonwá꞉ha khók sakeniá꞉kenhne ne tahontakonró꞉rhiana.”

Isaiah 37:12

Né raotiniʼiohokónhas né thiʼiakahontsáte shonwatiniakénton kén, né꞉ne thiʼononhontsátes nohénton thonaterihóntakwe tsi ní꞉ioht ní꞉i sakonáthonton, né꞉ne Gozan, Haran, Rezeph, tánon nonkweshón꞉has ne Eden Telassar nón꞉we nihatinákerekwe?

Hebrews 11:8

Tewehtákwen seh wahahónnien ne Abraham nahatewénhnaraʼkwe tsi nahóten ne Rawenni꞉io rohróhri tsi tkanakerahseráien niáre tsi nihorahratsʼténni ne Rawenni꞉io enháwenh. Wahatewénhtethe ne raonakeráhsera iáh tehotheriéntare kah nónwe niahawehnonhátie.