Genesis 11:3 - Ohiatonhseratokénti

³ Tánon waʼthontathroriánion, “Ánion! Teiotekeronténion tewatenenionniánion, tánon kwáh í꞉ken tsi tewaʼtaríhaʼt.” Tánon kíʼ wahotineniaientá꞉seron ne teiotekeronténionʼs ne tonsaionaktáhkwen noneniaʼshón꞉ahs, tánon iohnehtókhá꞉hon wáhonsteʼ tsi ní꞉ioht ne ionawaʼtakarí꞉io tsi wahontenawaʼtstónniaʼteʼ.

Genesis 11:3 ပူးပေါင်းရင်းမြစ်များ

Genesis 11:4

Eʼthó꞉ne wahonní꞉ron, “Ánion kiʼ ó꞉nen kanatowá꞉nen tewatenatón꞉ni, ó꞉ni noʼnikáhtha, ne ne iaón꞉we tsitʼkaronhiá꞉te, ne ne aetewahsennowanénhake ó꞉ni ne ne tóhsa ohontsakwé꞉kon taetewaré꞉ni.”

Genesis 11:7

Káts, Ánion ietewátsnent, tánon tetewaniʼtónniaʼt ne raonaronhkhátsheras ne nón꞉we, ne ne tóhsa taonsahotiʼnikonhraién꞉taʼne tsi nihonronhkhaʼtsheró꞉ten.”

Genesis 14:10

Kíʼ naonhráhkwakon né Siddim kwáh thitkáhere iohshonwakarón꞉tonʼs né kahnehtahón꞉tsi í꞉ken; tánon tsi nonsahiaté꞉ko ne rontinontí꞉io ne Sodom ó꞉ni ne Gomorrah, ótiaʼke thóh iahatiiá꞉tenʼne, tánon ne ronátiaʼkeʼs tsi tionontahrónnion nón꞉we nionsahonté꞉ko.

2 Samuel 12:31

Ne raónha tasakoiatínekenʼwe nonkweókons neh thóh nón꞉we nihónhneskwe, tánon wasakohiótenste tashakosarawíhon tánon ne karístatsis oweiónhtas tánon ne karístatsis ató꞉kens, khéhs ne washakoioténhseron ne tahatitstenhró꞉tas. Tsiakariwakénhniate ètho naháiere kwáh tsi niaʼtekanátakes ne raotinatowánenhs ne Ammonró꞉nons. Ehʼthóhʼne ne Táwit tánon ratikwé꞉kon ne onkweshón꞉ahs thóh nionsahónhne Jerusalem.

Psalms 64:5

Tehontatenikonhranírats tsi niwaʼhét꞉ken tsi nihontenikonhrónh꞉nis; né rothitharákwen kaʼnónhwe nenhatikéron ne ionteristaienthákwahs, tsi ronhnonthónhnions “Iáh ónhka tahonwaʼtíken.

Exodus 2:3

Ók nó꞉nenh iáh tetsotónhon né sénha isiʼnónhwe niaʼhióha nahohiaʼtásehthe, iatewathé꞉rahkwe né꞉ne Oʼiónwi nahó꞉ten ionhniá꞉ton tánon kanhetahóntsi wakaʼrós꞉the né꞉ne tó꞉sa tahontʼnekóhetsʼte. Thóh wahohiaʼtítha ne owirà꞉a tánon èthone thóh iahotheráhien tsi nónhwe ne iáh tetshonhótes tánon kwáh tsohóntes ne atsatákʼtha.

Proverbs 1:11

Tókaʼ shí꞉ken ahonní꞉ron, “Kenh nontá꞉se; tánon tewé꞉sak ónhka aiethinonwarhiakhon! Káton eniethiié꞉na ne iáh oʼthé꞉nen tehotirì꞉waien kwáh nek ne tsi niionʼwé꞉sen!

Ecclesiastes 2:1

Iatewakeriwaiéntase nakatenikonhró꞉ri tánon nakeriwahtsénhri nahó꞉ten nènhne natsenhnonhniátshera. Ók wakeriwahtsénri kí꞉ken tsi kwáh iáh othénen tekariwáhstha, nònhne.

Isaiah 5:5

Tánon kí ó꞉nen kwáh enkonhró꞉ri nahó꞉ten kwáh tsi nénhtiere ne tsi wakatenenhárhare. Kwáh entʼtóskare ne ókwire waʼthenhenronhniáton, tánon kwáh enkariwáton; kwáh téntrí꞉te nahonshontasónhas, tánon tenwaskwahserónhkwen.

Isaiah 65:3

né nonkweshón꞉ha ionkenhaʼkónhnis tsi niʼtewakatieráton iehótikontá꞉kwen, thóh ronnateskónte né nikahetahá꞉ne tánon ronatienhkwahronniáton thóh éhʼneken né tsi teiotenenhiokeronhténion;

Isaiah 9:10

“Ne nikanenhiásas teiotenenhiokeronhténion tsiosénhseron, ók né kíʼ entsitsiónhniaʼte ne kanenhiaserónhnis; ne tsionionwarontonhakówa karonhtsiá꞉kon, ók kwáh kí onentakwenhtétshera karónta entsakwáts꞉te naonák꞉take.”

Nahum 3:14

Satneká꞉ien sathateweienénhtan nó꞉nenh ne iesásons teiesanatánake, sní꞉ratʼton ne tsi sathenhenró꞉tons; Tesehnawasthawénhre satenenhionhniánion, satesehrónhni ne kanawastahóntsi, seweienénhtat noneró꞉kwáh ne sateienhionhniátha!

Hebrews 10:24

Ánion tethewahtathenikonrahnirat, tethewahtatienawahs naitewénesthe ne kanoronkwahtshera ó꞉ni ionkwahʼiò꞉ten ne iohianere.

Hebrews 3:13

Khekhók, naiotónʼon tóhsa ónka tsiʼnítion ne kariwáhneren aisewahnikonráhten ó꞉ni aisewahtenikonrákshaʼte, ónenk tsi tesewahtatiénawashe kwáh niatewenniseráhke, kwáh tsi nikaríwes nowénhna “Nonwawenniseráte” nohiatonseratokentíke í꞉i ionkwáhtiaʼte.

Ne꞉ne Sák Rohiaton 4:13

Ónen kíʼ takatahónsatat, í꞉se ne sewáton, “Nónwa wenniseráte tóh꞉ka ó꞉ni enhiórenʼne iathetewatháha kák nónwe ne tsi tkanátaien, tsi nónwe ientewátsien ne tiósera nikaríwes ó꞉ni knahótenk ientewateriwaʼténtsiate ó꞉ni wéso entewawistón꞉ni.”

Ne꞉ne Sák Rohiaton 5:1

Tánon nónwa, í꞉se kí꞉ken sewakwatsénion tiónkwe, takwatahónsatat! Tesewaséntho ó꞉ni tesewahénret neh tsi nihionikonrátsat tsi ní꞉ioht tsi ensewaiatóren꞉ne!