Genesis 11:2 - Ohiatonhseratokénti

² Tsi tontahonná꞉tahkwe ne tsitʼkarahkwínekenʼs nokwá꞉ti nontahón꞉ne, iahón꞉newe iohontsakwèn꞉rare ne Shinar nón꞉we tánon tho nón꞉we nahontená꞉taien.

Genesis 11:2 ပူးပေါင်းရင်းမြစ်များ

Genesis 10:10

Nonkwehshón꞉ʼas ne tsi kanatowá꞉nens ne Babel, Erech, tánon ne Accad, ronnónha ne kwáh tsi karihwakweʼní꞉io ronwaienawaʼséhahkwe, akwé꞉kon kí꞉ken kanatowá꞉nenʼs aotonhwentsá꞉ke ne Shinar nón꞉we nikanataién꞉tonʼs.

Genesis 11:1

Ó꞉nen kíʼ ohontsakwé꞉kon énskaʼk khók tsi niionhronhkhaʼtsheró꞉ten tánon ne shaʼkawén꞉naʼs í꞉ken.

Genesis 11:9

Ne aorí꞉wa Babel konwanaʼtónhkhwa, ne tsi tho nón꞉we ne Roiá꞉ner waʼteshakoniʼtonniá꞉ten naronhkhátsheraʼs nonhontsakwé꞉kon; tánon tho nón꞉we ne Roiá꞉ner ohontsaʼkwé꞉kon waʼtehshakoré꞉niaʼte nonhkweshón꞉aʼs.

Genesis 13:11

Sók kíʼ ne Lot kwáh tsi niwatená꞉skwa ne Jordan aonhráhkwakon wahataterákwaʼse, tánon né Lot thóh nón꞉we iaʼthaná꞉tahkweʼ tsi tkarahkwí꞉nekenʼs nonkwá꞉ti niahá꞉re; eʼthó kiʼ ní꞉ioht tsi waʼthiatekháhhsi.

Genesis 14:1

Siwenhniseraténionhkwe sihononhtí꞉iohkwe ne Amraphel né Shinar, ne ronhnontí꞉io Arioch né Ellasar, ne ronhnontí꞉io Chedorlaomer ne Elam, tánon ne ronhnontí꞉io ne Tidal ne Goiim,

Isaiah 11:11

Né thóh enwenhniseráte ne Roiá꞉ner kwáh kíʼ iaʼthensanéntseste ne tekeníhaton ienwàteratsʼte nahonshaʼsakohiataróhroʼke ne iatehonathaʼthénron ne rahonkwetaʼshón꞉has, né꞉ne Assyria, Egypt, tánon ne Pathros, Ethiopia Elam, Shinar, Hamath, tánon ne kawenhnokwátʼtonhtses ne kaniataraʼkhekowàʼne natentʼtónhne.

Daniel 1:2

Ne Roiá꞉ner wahoríhon naʼhoié꞉na ne Ronnontí꞉io Jehoiakim tánon iaháhawe tóhkaraʼ ní꞉kon ne ohwistanó꞉ron ne ononhsatokenhtí꞉ke aʼówenk. Tóhka niʼ ó꞉ni nihá꞉ti wahshakoié꞉na tánon ionsahshakoiaʼténhawe tsi thonterennaientáhkhwa ne raoʼniioʼó꞉kon nón꞉we ne Babylon, tánon tsi ní꞉kon ronenhskwenhátie ne ohwistanoronʼshón꞉a, tsi rontahkweniaientáhkhwa ne ononhsatokenhtí꞉ke nón꞉we iahatakweniá꞉ien.

Zechariah 5:11

Watharihwaʼserá꞉ko, “Babylonia, ehnón꞉we ionterenhnaientháhkwa enkeninonhsonhniatháhkwe. Nó꞉nen enkanonhshisonhónhake ne ionterenhnaientháhkwa, ne à꞉there thóh nón꞉we nenkaiéntahke nakonwahshén꞉naien.”