Genesis 10:32 - Ohiatonhseratokénti

³² Ne kí꞉ken ne raotitaraʼshón꞉ʼas ne Noah raonekenhteronʼtsheraʼshón꞉ʼas, ne entioianénhawe tsi nienhonthwatsí꞉rine ne raotitióhkwakonʼs; tánon thóh tontáhsawen kí꞉ken onkwehshón꞉ʼas tsik nonwéhson niaʼthonré꞉ni ne tsi ionhwentsá꞉te shonhtóhetste tsi iawenhó꞉tonhkweʼ.

Genesis 10:32 ပူးပေါင်းရင်းမြစ်များ

Genesis 10:1

Ne kí tsi wahatiwatsiratátie ne Noah ne raonekenhteronʼtsheraʼshón꞉ʼa, ne ne Shem, Ham, tánon ne Japheth. Ne sontóhetsteʼ tsi iawehnó꞉tonhkweʼ, ratikwé꞉kon wahotinekenhteronʼtsheraientá꞉seron.

Genesis 10:20

Né kí ne Ham raonekenhteronʼtsheraʼshón꞉ʼa, skátne ratinákerehkwe tsi nihotiʼtaroʼtén꞉sonʼskwe ó꞉ni ne rontá꞉tiskwe tsi nihonhronkhahttsheró꞉tenʼs ne raononhwentsá꞉keʼs, ó꞉ni ne raotitióhkwakonʼs.

Genesis 10:25

Ne Eber tékeni tehonekenhteronʼtsheraién꞉takwe: shaiá꞉ta ne roién꞉ʼa Peleg ronwá꞉iatskwe, aseʼkénh ne sihotenhniseraténionʼskwe teiakonitiohkwakkháhshion ne tsi ionhwentsá꞉te; ne iatateʼkén꞉ʼa Joktan neʼ ronwá꞉iatskwe.

Genesis 10:31

Ne kí꞉ken ne Shem raonekenhteronʼtsheraʼshón꞉ʼas, skátne ratinákere tsi nihotiʼtaroʼtén꞉shons tánon ne rontá꞉tis tsi nihonhronkhátsheró꞉tenʼs ne raononhwentsà꞉keʼs ó꞉ni ne raotitióhkwakon.

Genesis 10:5

Japheth kíʼ nón꞉we nithonathwatsirí꞉non ne ne kawehnohkwaktóntie ionhwentsaké꞉ronʼs ratinakerénion nonkwehshón꞉ʼas. Ne raononwentsaké꞉shónʼs, ne rontá꞉tis tsi nihonronkhahttsheró꞉tenʼs, ne tsi ratiʼtaraién꞉tons, ne raotitióhkwakons.

Genesis 11:1

Ó꞉nen kíʼ ohontsakwé꞉kon énskaʼk khók tsi niionhronhkhaʼtsheró꞉ten tánon ne shaʼkawén꞉naʼs í꞉ken.

Genesis 9:1

Rawenni꞉io wahoiaʼtaté꞉rihste ne Noah ó꞉ni ne raonekenhterontsheraʼshón꞉ʼa tánon waʼhshakawènhase, “Sewahwatsirowáhnha tánon sewentiohkowáhnha, tontasewá꞉raʼn ne tsi ionhwentsá꞉te.

Genesis 9:19

Kí꞉ken áhsen nihá꞉ti ne ne Noah raonekenhterontsheraʼshón꞉ʼas; ronnónha nón꞉we nontakaiénhtahkweʼ tsi kahsótshera ronatón꞉ʼon ne tsi ionhwentsá꞉te.

Genesis 9:7

“Ók ní꞉se, sewathwatsirón꞉ni tánon sewentiohkowáhnha, thontasewá꞉raʼn tsi ionwentsá꞉te tánon sewentiohkowáhnha.”

Job Tánon ne Raoronhiakensera 15:19

rononhatsí꞉wak khók nohóntsa thonwaná꞉wi, tánon iáh ónhka ne thí꞉iete nohénton ahonwanatohestákwen.

Acts 17:26

Tsi thoʼhiatíson ne saiátat rónkwe thóh nitsiaʼwénon tsi niaʼteienekwénsakes nónkwe tánon kwáh tsiknonwéson ne tsi ionwentsiáte nisakóteron. Kwáh rahonhatsíwa ohénton thóh kwahʼtákwen tsi nienkáhewe tsi ni kawistáheks ó꞉ni kwáh kathóʼkenk tsi nónweh nahathinákereke.