Genesis 10:31 - Ohiatonhseratokénti

³¹ Ne kí꞉ken ne Shem raonekenhteronʼtsheraʼshón꞉ʼas, skátne ratinákere tsi nihotiʼtaroʼtén꞉shons tánon ne rontá꞉tis tsi nihonhronkhátsheró꞉tenʼs ne raononhwentsà꞉keʼs ó꞉ni ne raotitióhkwakon.

Genesis 10:31 ပူးပေါင်းရင်းမြစ်များ

Genesis 10:20

Né kí ne Ham raonekenhteronʼtsheraʼshón꞉ʼa, skátne ratinákerehkwe tsi nihotiʼtaroʼtén꞉sonʼskwe ó꞉ni ne rontá꞉tiskwe tsi nihonhronkhahttsheró꞉tenʼs ne raononhwentsá꞉keʼs, ó꞉ni ne raotitióhkwakonʼs.

Genesis 10:30

Tsi nón꞉we nihatiná꞉kere ne ne Mesha kwáh tsi niió꞉re ne Sephar ne ne tsi ionhniahrónnions kananerahserá꞉ien ne tsitkarahkwínekenʼs nonkwá꞉ti.

Genesis 10:32

Ne kí꞉ken ne raotitaraʼshón꞉ʼas ne Noah raonekenhteronʼtsheraʼshón꞉ʼas, ne entioianénhawe tsi nienhonthwatsí꞉rine ne raotitióhkwakonʼs; tánon thóh tontáhsawen kí꞉ken onkwehshón꞉ʼas tsik nonwéhson niaʼthonré꞉ni ne tsi ionhwentsá꞉te shonhtóhetste tsi iawenhó꞉tonhkweʼ.

Genesis 10:5

Japheth kíʼ nón꞉we nithonathwatsirí꞉non ne ne kawehnohkwaktóntie ionhwentsaké꞉ronʼs ratinakerénion nonkwehshón꞉ʼas. Ne raononwentsaké꞉shónʼs, ne rontá꞉tis tsi nihonronkhahttsheró꞉tenʼs, ne tsi ratiʼtaraién꞉tons, ne raotitióhkwakons.

Acts 17:26

Tsi thoʼhiatíson ne saiátat rónkwe thóh nitsiaʼwénon tsi niaʼteienekwénsakes nónkwe tánon kwáh tsiknonwéson ne tsi ionwentsiáte nisakóteron. Kwáh rahonhatsíwa ohénton thóh kwahʼtákwen tsi nienkáhewe tsi ni kawistáheks ó꞉ni kwáh kathóʼkenk tsi nónweh nahathinákereke.