Genesis 10:19 - Ohiatonhseratokénti

¹⁹ Tánon tsi nihotinakeráhsera ne Canaanites Sidon nón꞉we tiotáhsawe, eʼthó꞉ne Gerar nonkwá꞉ti nietsawé꞉non, ié꞉io tsi niió꞉re ne Gaza, eʼthó꞉ne Sodom nonkwá꞉ti nietsawé꞉non, tánon ne Gomorrah, Admah, tánon ne Zeboiim kwáh tsi niió꞉re ne Lasha.

Genesis 10:19 ပူးပေါင်းရင်းမြစ်များ

Genesis 10:18

ó꞉ni ne Arvadites, ne Zemarites, tánon ne Hamathites. Ne kí꞉ken ne raotiʼtaraʼshón꞉ʼas ne Canaanites tánon waʼthonré꞉ni.

Genesis 10:20

Né kí ne Ham raonekenhteronʼtsheraʼshón꞉ʼa, skátne ratinákerehkwe tsi nihotiʼtaroʼtén꞉sonʼskwe ó꞉ni ne rontá꞉tiskwe tsi nihonhronkhahttsheró꞉tenʼs ne raononhwentsá꞉keʼs, ó꞉ni ne raotitióhkwakonʼs.

Genesis 14:2

Kí꞉ken ronhtinontí꞉ioʼs wahonterihiosehrón꞉ni skátne ne ronhnontí꞉io Bera né Sodomró꞉non, né ronnontí꞉io Birsha né Gomorrahró꞉non, né ronnontí꞉io Shinab né Admahró꞉non, né ronnontí꞉io Shemeber né Zeboiimró꞉non, tánon ne ronnontí꞉io ne Bela nónhwe (né shahotihsén꞉na ne Zoar).

Genesis 14:3

Tánon ratikwé꞉kon kí꞉ken iaʼthonnitióhkwaiehste ne raononkweʼtashón꞉ʼa ne ronterí꞉iohs, tho aonhráhkwakon ne Siddim (né꞉ne, Dead Sea).

Genesis 18:20

Eʼthó꞉ne ne Roiá꞉ner wahén꞉ron, “Né tsi naʼteiotenonhianíhton tsi nikonwatirihwáhrhohs ne Sodom ó꞉ni ne Gomorrah tánon ne raotirihwaneraʼáktsera kwáh í꞉ken tsi ioʼtáksen í꞉ken.

Genesis 20:1

NʼAbraham, Mamre nón꞉we tonhtahahtén꞉ti tánon tsit kanakerahserá꞉ien né Negeb nón꞉we iaʼtonsahaná꞉tahkwe, tánon thóh nón꞉we nonsahatatíʼteron tsi naʼtetiátere ne Kadesh tánon né Shur; tánon thóh ná꞉he Gerar nón꞉we nihenʼterón꞉tahkwe ne tsi thihahontsá꞉tehkwe í꞉ken.

Genesis 26:1

Shé꞉kon ó꞉ia natonhkariá꞉kon kaièn꞉tahkwe ne tsi ionhwenhtsá꞉te kwáh tshiehská꞉te natonhkariá꞉kon tsi nitiohtón꞉ne ne sihotenhniseraténionhskweʼ ne Abraham. NʼIsaac Gerar neʼ nón꞉we niahá꞉re, tsi thén꞉teron ne Abimelech, ne shakonontí꞉io ne Philistiaró꞉nons.

2 Chronicles 14:12

Né Roiá꞉ner washakosénhni ne Ethiopianró꞉nons ronhterí꞉ios nó꞉nen ne Asa tánon ne Judahró꞉nons ronterí꞉ios iahonwanatsatónhti. Wahontèko,

2 Chronicles 14:13

tánon ne Asa tánon ne raotsiókwahs sahonwatísere tsi nió꞉re ne Gerar. Tsi nihonatsokowánen ne Ethiopianró꞉nons wahonwatiʼnonwarhiákon nètho ronhterí꞉ios iáh tehotikwénion nahonsahonahnitsokwahróhroʼke tánon nahonsahonterí꞉io. Né꞉ne Roiá꞉ner washakoshastsʼtenhserakénhni tsi rahónha rahonkwetashón꞉as ronterí꞉ios thóh nahatí꞉iere, tánon ne ronhterí꞉ios iawetatʼtsáni tsi nokons wahatinenskwenháton.

Job Tánon ne Raoronhiakensera 38:20

né꞉tho nahónton thóh niásawe tsi tionakerahserá꞉ien tánon né꞉tho ahónton nahisaterienʼtá꞉rahne tsi nieiothahí꞉non ne tsi tionón꞉shote?

Isaiah 23:11

Iatehótsate éhʼneken ne kaniatarakhekowáhne, waháwake ne tsi kanontiʼiotsheráien; ne Roiá꞉ner sakoteniéntenhse nahorihwashón꞉ʼahs ne Canaan nahontónh꞉thonke nostènra watenhenraʼién꞉tons.

Isaiah 23:4

Satehénhsek, O Sidon, asèken ne kaniatarakhekówa hontáti, netekaniataranák꞉ton ne kaniatarakhekó꞉wa, watónhnions: “Iáh ó꞉ni tewakeronhiakénhen khéhs nakenákeratsʼte, iáh ó꞉ni tekheiehiáron ne kén nithotiʼiónhsa ronhnón꞉kwe khéhs nakheʼiehiáronhke ne kén nitsotiʼiónsas konhnón꞉kwe.”

Jeremiah 47:1

Ne kí꞉ken ne Roiá꞉ner raoteriwahnhotátshera rahonháke ne rotokenhséhakwe Jeremiah né raotiʼriwáhke ne Philistine ne ne Gaza nónhwe, ne nohénton sahatiʼiéna ne Egyptró꞉non ronhterí꞉ios.

Ezekiel 28:21

“Rónhkwe iaiénha, sehriwénhtas ne kanahtowáhnen Sidon.

Hosea 11:8

Onh ní꞉ioht tsi akonhiatsakwaríhsi, Ephraim? Onh ní꞉ioht tsi iakonhiát꞉kawe O Israel? Onh ní꞉ioht tsi thóh nakonhión꞉ni tsi ní꞉ioht ne Admah? Onh ní꞉ioht tsi thóh nakonhiatsérase tsi ní꞉ioht ne Zeboiim? Nakwé꞉ri tehiowishónkwa nakonhà꞉ke; nakenoronhkwáhtshera tsotarí꞉hens tánon ionétskas.

Acts 8:26

Ne Roiá꞉ner rahoronhiakerónon wahawénhase ne Philip, “Satateweienʼnéntan tánon entié꞉ne niaháse nehne wahohatátie tsi nitsawénon ne Jerusalem tánon ne Gaza nieʼiawénon.”

Deuteronomy 2:23

Nohóntsas ne ió꞉seron ne Mediterranean atiaʼthónties thóh nónhwe nihonatenaʼtón꞉ni nonhkweʼshón꞉ʼas ne Crete nithoné꞉non. Ronónha ronwanaʼthónton ne Avvim, né꞉ne thatinakerehónwekwe, tánon akwé꞉kon ronatienawáston ne raononhóntsas kwáh tsi nió꞉re nentiè꞉ne nokwáhti iotohesthákwen ne tsi kanatowá꞉nen Gaza.)

Deuteronomy 32:8

Nó꞉nen ne Rawenni꞉io ne naonhà꞉a tháshatste tsi ní꞉ioht nakorénhson nihiohokón꞉as, wasakahontsawí꞉hons ne niaʼteiakahontsà꞉kes. Waharakwenhá꞉ton tsi nonwéhson nahienákereʼke. Thasakowí꞉hon ne sohthitiokwà꞉tsons nahotinihioseraién꞉take,

Joshua 19:28

Ebron, Rehob, Hammon, tánon ne Kanah, tsi nió꞉re ne Sidon.

Judges 16:1

Énska wenhniseráthekwe ne Samson rahotináthakon ne Philistiaró꞉nons ne Gaza nónhwe niahá꞉re, thóh nónhwe iorihwahiathatónhon iathiatátken tánon skát꞉ke wahiárathe.

Judges 6:4

Kwáh enhonthathosehronhthónhnion ne rahononhontsákes tánon thenhonskwahserónhkwahte ne kaientʼthótsheras kwáh tsi nióre ne tsi tsokwénhrare ákta ne Gaza. Kwáh ratikwékon ienshakotihiathénhawe ne teiotinakaronhtónhas, tsionónskwahrons, tánon ne tehonhón꞉tes, tánon kwáh iáh othènen tsiatahonsahonwanénhrase nʼIsraerʼró꞉nons nahontónhnhetsʼte.

1 Samuel 13:18

nó꞉ia kentió꞉kwa thóh neh nòkwahti niahatiʼiérate ne ne Beth-horon, tánon nó꞉ia kentió꞉kwa thóhʼne nó꞉kwati niahatiʼiérate ne ne tsi tionontáhere nétho ieióken nahonráhkwakon ne Zeboim tsi nieiawénon ne iahontsawenténhaʼke.