Genesis 1:5 - Ohiatonhseratokénti

⁵ Ne Rawenni꞉io ne teioswáthe, “entiekhenékha wahanáhtonhkwe,” ók ne tetió꞉karas “ahshonthenʼnéhkha” nen né꞉ʼe wahanáhtonhkwe. Tánon iaʼóhkarahwe tánon iaʼóhrenʼne né꞉ne tontenhniserentiérenhte.

Genesis 1:5 ပူးပေါင်းရင်းမြစ်များ

Genesis 1:13

Tánon iaʼó꞉karahwe tánon iaʼóhrhenʼne, né꞉ne ahsénhaton niwenhniserakéhaton.

Genesis 1:19

Tánon iaʼó꞉karahwe tánon iaʼóhrhenʼne, né꞉ne kaieríhaton niwenhniserakéhaton.

Genesis 1:23

Tánon iaʼó꞉karahwe tánon iaʼó꞉renhne né꞉ne wískhaton niwenhniserakéhaton.

Genesis 1:31

Rawenni꞉io wahatkáhtho orihwakwé꞉kon ne rohsaʼánion, tánon kwáh í꞉ken tsi ioiánere. Tánon tho iaʼókarahwe tánon iaʼóhrenʼne, né꞉ne iaiákhaton niwenhniserakéhaton.

Genesis 1:8

Tánon ne Rawenni꞉io ne iotenonwaró꞉ron karonhiá꞉ke wahanáhtonhkwe. Tánon iaʼó꞉karahwe tánon iaʼóhrenʼne, né꞉ne tewenhniserakéhaton.

Genesis 8:22

Kwáh tsi nikarí꞉wes enionhwentsá꞉teke, ne tsi nienhskahé꞉sheke naieienthóhseron ó꞉ni naieientwá꞉ko, aiothó꞉reke ó꞉ni naioʼtarihénhake, akenhnhá꞉ke tánon akohserà꞉ke, tsi niwenhnísereʼs ó꞉ni tsi niwahsón꞉teʼs, kwáh iáh thaʼtaká꞉taʼne.”

Psalms 104:20

Shónh꞉ni ne tetsókaras, né꞉ne nasóntʼthenhne í꞉ken, thó꞉ne nenhnéʼe ne konhtírios tetkonhrotʼkáwas.

Psalms 19:2

Sewenniserát꞉tions tsi kathará꞉kwah ne Rawenni꞉io raohiatanerakwáhtshera, niatehiokaratseráke tekarihwathétha natthokhátsera.

Psalms 65:8

Ohontsakwékon í꞉iete tsi nihiakonikonríhnekenʼen ne iorihowánens tsi nihsahtieránion; í꞉se sónhnis tsi niwaʼterihwathéntses noronkenéha tánon nokarasnéha tenhiakohénrete natsenhnonniátshera.

Psalms 74:16

Í꞉se sáhshons ne tsi wénhtate ó꞉ni nasontʼthénhne; í꞉se sakwahtáko ne tsi karákwahre ó꞉ni nasontʼthenné꞉kha karákwah

Isaiah 45:7

I꞉i wákshon ne teioswát꞉te tánon wák꞉shon ne tetsiókaras, I꞉i kónhnis ne kaiataterítsheras ó꞉ni kónhnis nateraswaksénhtshera; I꞉i ne Watiá꞉ner thóh nitié꞉ra ki naorihoténsons.

Jeremiah 33:20

“Watianerensehríson tsi nòkwah nenhtsiékheʼne ó꞉ni nokarasnéha, tsi kwáh tiókonhte eh nenhiawénhsehke tsi nihioterihwíson; tánon nètho wahkerihwíson tsi kwáh iáh nonhwénhton thaʼtahonsahkaiákon.

Numbers 20:29

Kaná꞉keraserakwékon waherihwáronhke ne Aaron tsi warénheie, tánon tatikwékon wahontsiónhnion né꞉ne áhsenh-niwáhsen niwenhniseráke nikaríhwes.

1 Corinthians 3:13

Tánon tohnahiohianeréhake ne tiehiatátʼtion ahiakohiotén꞉en enwehnéstonke nónen entewenniserátehke ne Kerístos enrénesthe. Asèken ne thóh entewenniseráteke ótsire enhiotáshion ne iatehionkwétake akohioténsera; ótsire enkwátʼkense tánon enwénesthe ne kwáh tsi shahtèkena.

Ephesians 5:13

Nók kíʼ nónen noriwakwékon tsi tehioswátʼte nónwe nitkáha, ehʼthóhʼne káti neh kwáh tsi nihonnonʼkwethóten tsi enkarihotháshion;

1 Thessalonians 5:5

Kwáh sehwahkwékon kí꞉ken tiónkwe thóh nón nisehwahiátare tsi nónwe nateioswátʼthe, tsi nikáien rahonáwenk nennísera. Iáh thóh nónwe tetewahiátare tsi tetiókaras thó꞉ka ó꞉ni nasátakon.