Genesis 1:27 - Ohiatonhseratokénti

²⁷ Káti ne Rawenni꞉io waʼhoiatísa rón꞉kwe kwáh tsi nihatkahtsherò꞉ten, kwáh tsi nihaiatò꞉ten ne Rawenni꞉io wahshakoiaʼtísa: rohskenrakéhte tánon tsothonwí꞉sen, wahshakoiatísa.

Genesis 1:27 ပူးပေါင်းရင်းမြစ်များ

Genesis 2:18

Eʼthó꞉ne ne Roiá꞉ner Rawenni꞉io wahén꞉ron, “Iáh teioiánere ne raonhá꞉ʼa khók akénhake ne rón꞉kwe. Enhiiónnien ne kwáh aontakarihwaié꞉rike nahotenroséʼraièn꞉take nahohshnié꞉non.”

Genesis 2:7

Eʼthó꞉ne ne Roiá꞉ner Rawenni꞉io wá꞉thrakwe nokén꞉ra tánon wahoiaʼtón꞉ni ne rón꞉kwe: tsi tehanionkáronte nón꞉we niahotonhniserón꞉ti ne ne iónhnhe aonrí꞉sera tánon ne rón꞉kwe tontáhsawen wahatónhnhete.

Genesis 9:6

Nónhka aiontatenonhwariá꞉kon nón꞉kwe, akó꞉ren nón꞉kwe entiontatenonhwariá꞉kon; aseʼkénh kwáh tsi nihatkathohtsheró꞉ten ne Rawenni꞉io tsi shakoiaʼtíson nón꞉kwe.

Psalms 139:14

Tekonhnonwerátons, tsioríhwa tsi nihiorihwaneráhkwat tsi tatsiatíshon. Tsi niʼiorihwanerákwat ne sahiothénseras; nètho kwáh ioiánere tsi wakateriéntare.

Ecclesiastes 7:29

Tók kí꞉ken níkonh wakeweientheʼtáhon: Ne Rawenni꞉io tsi sonkwahiatíson kwáh íken tsi iáh tewateriwenhtó꞉re tánon wateriwatsésen, ók wetewahthathónhnien ne kwáh ahonteriwenhtó꞉rehke.

Isaiah 43:7

thentʼkakwékte ónhka né hionthaʼtenathón꞉kwen naksénhna, tsi nikáien khehiaʼtíshon né natiaʼtanerakwáhtshera aorihwá꞉ke, tsi nikáien ne khehiaʼtónhni tánon wákshon.”

Jeremiah 29:6

Sehwániak tánon sewahwirahiéntann. Ethóhʼne iettsiríhon ne ietʼtsiʼienhokónha nahotíniaʼke, káti nónhne ne roʼnónha nahónton nahothiʼwirahiéntahne. Ónenhk tsi ensehwaniʼtsiokwahtehiáron iáh ne ahontesehwaʼsehrónnenhte.

Malachi 2:15

Iáh kenh shaià꞉taʼk khok ne Rawenni꞉io tehaiaʼtíson? Tetsá꞉ron noʼwá꞉ron tánon natónhnhets tsi ráonha raó꞉wenk í꞉ken. Tánon nahó꞉ten ne shaià꞉taʼ khok ne Rawenni꞉io rahská꞉neks? Ne ne Rawenni꞉io shakoioʼokón꞉ʼa akénhake. Katíʼ sewatatkaʼén꞉ion, tánon tóhsa ónhka ne tsi nítson naesewaʼnikonhráten ne ión꞉kwe ne sewatateniaktén꞉ni ne kenʼsitisaión꞉ha.

Matthew 19:4

Tontasakoȣennaȣeron, ȣahenron: iah kenh teseȣaȣennanote tsini kaiaton ne sontahatasaȣen sasakoieronnistste, roskenraketa oni tsiothonȣisen ȣasakoiatonni.

St. Mark 10:6

Nok tsi tiotasaȣe noriȣakȣekon, Niio ȣasakoiatonni enskat roskenraketa nok enskat tsiothonȣisen.

Ephesians 2:10

Rawení꞉io thesonkwáwi tsi nitionʼnhóten, tsi tehionkwateriwasóntere ne Kerístos Ié꞉sos neh akarihónʼni iohiánere tsi naietʼthiʼhiatiérase nonkwesónha kwáh tsi nitiónʼnhes, neh káti ónenk ehnihowathákwen neh nahitewáiere.

Ephesians 4:24

Tánon ónenk tsi kwáh á꞉se ensesáton, neh tsi thoʼní꞉ioht tsi tkáson kwáh Rawenni꞉io teskaieróntare ó꞉ni ahónha wenéstha ne kwáh oriwíhio íken natónnhets ne tsi tkariwaiéri ó꞉ni iothokénti.

Deuteronomy 4:32

“Sewariʼrísak tsi nitiawè꞉non, nohénton sehsewanakerà꞉te, thonió꞉re onà꞉ken shá꞉sewet né nó꞉nen ne Rawenni꞉io shasakohiaʼtón꞉ni nonhkweshón꞉as ne tsi ionwentsá꞉te. Kwáh ohontsakwé꞉kon tsi sewariwísak. Nonwenhtónken neknahò꞉tenk né nihiorihowánen nahiawénhon ne tiotierénhton? Nonwenhtónken nónhkak ahiakoriwarónhkenke né nataiotenonhianiʼtónhake tsi ní꞉ioht kí꞉ken?

Colossians 1:15

Kerístos ne kwáh rohiatáken teskaierontáre ne iáh tehohiatáken Ní꞉io. Raónha ne tohenton rawenhnakeraton tsi nahoʼténsons kasahánion.

Colossians 1:26

Ne tsi nisakoriwahshetén꞉ni nonkweʼtakwé꞉kon tsi nitsawé꞉non onk ó꞉nen wahsakorihotásien ne rahonkweʼtashónha.

Colossians 3:10

tánon ó꞉nen oweién꞉nase tsi nisehseweiennó꞉tens. Ne kí꞉ken ne á꞉se tiotasawáhkwen tsi nokwáh ne Rawenni꞉io, ne Rohsahánion, kwáh tiokontákwen á꞉se srónnis kwáh tsi ní꞉ioht ne raónha, ehnahontáwe kwáh iakaié꞉rike tsi ahtsheriwaienteráh꞉ne.

Judges 21:22

Tó꞉ka ne ronhwatiníha khés né ronhtatekenhokónhas enhionkhihiathó꞉renhne nahionhkhirihwáhiatʼse, enhiakhiró꞉ri, ‘Ahiʼsewathontátʼtseke sewanikonhraiéntan. Ietsiríhon niaʼkonhwatihiathénhaʼwe ne ietsiienhokónhas, asèken iáh tsatekaiéri tsi nikónhti wahakihiatatʼtsénhri nahiakhiniákten né tsi nihiakhihiathónhton ne Jabesh-gilead nónhwe. Tánon kíʼ iáh tahisewanhitseraiéntaʼne ne tahisewáhiake tsi nisewarahrátsʼton tsioríhwa tsi iáh kíʼ tsehietsihiátkaʼwen ne sewahiatasetserasónhas nahotíniake ne roʼnónha.’”